رواية ... بديلة الدم
بقلمي... نور سمو العراق
البارت ... التاسع
💔💔💔💔💔💔💔💔💔💔💔💔
•ومشىٰ الخوفُ بيّ
ومشيَتُ بهِ حافيًا
ناسيًا ذكرياتي الصغيرة
عمّا أُريدُ من الغدْ .
-محمود درويش
...............................
مساء جديد ومكان جديد
بابل ...الحلة الساعه الخامسه عصراً
هديل
سمعت صوته وهو يريد يطلع من باب الاستقبال كشرت عن ملامحي وقست شفايفي بشده حسيت بالاشمئزاز والرفض لهذا الكائن الحقير الي ما عنده اي اسلوب ومنطق ورحمه
كعدت بالمطبخ حتى هو يطلع من الاستقبال وما اصادف وجهه اللئيم تنفست بغضب واهز برجلي بتوتر واقضم باظافري هذا واني بيت اهلي وجاينه خطار اني ممتحملته مو انوب يصير زوجي ويگابلني ليل مع نهار
بلعت ريكي بخوف ورعب وكفت نفضت افكاري لا مستحيل امووت وما اتزوجه مستحييل ما اتخيل نفسي وياه
غسلت وجهي بمي بااارد واتنفس بغضب وقهر فزيت برعب عارم من سمعت صوته وهو يكول بكل حقاره وخبث.. شلونها خطيبتي وبنت عمي وضلعي الثابت
فتحت عيوني بصدمة وقطرات المي تنزل ع صدري والدمعه تلالي بعيني تنفسي ضاق واسودت الدنيا بعيني
درت وجهي عليه وصدري يصعد وينزل من غضبي عقدت النونه وشديت على شفايفي صبرت نفسي ما ابجي واكون اكثر حده
شهكت وبلعت ريكي رفعت حاجب وهمست .. شتريد
ابتسم ابتسامه جانبية مليانه خبث وحقد وغل رجع اديه ع الكرسي وهو يرتجي عليه.. جيت اسلم عليج مو انتي ملكي وخطيبتي
بلعت ريكي بمراره مثل العلقم وحرارة القهر صعدت الخشمي هزيت راسي برفض.. ما احبك ولا اريدك
صفن بوجهي بغرور ضحك .. هه مو مهم ، مهم اني متقبلج
عقدت حواجبي مستغربه.. متقبلني !!
بلل شفايفه وهو يباوعلي بنظرات اعجاب كال بثقه... اييي حلوه
تنقلت نظراته عند خصلات شعري الهاربه من الحجاب كال.. شعرج اسود حيل وانتي بيضه زايدج جمال گمر بنص ليل
عض شفته وهو يكمل كلامه .. خدودج ورد ورموشج بيهن من الحسن هووووواي
كمل بكل وقاحه وخدر .. شفايفج اكثر شي اشت....
فتحت عيوني بغضب عارم وشديت ع شفايفي بقسوه رفعت ايدي وضربته راشدي بكل قووووتي ودموعي تتطافر من عيوني
حط ايده ع خده مصدوم من ردة فعلي اكثر من الراشدي نفسه وعيونه قابلت عيوني الي تنبض بكل غضب وحقد
أنت تقرأ
#بديلة الدم
ChickLitكنت أُريد أن أُخبرك بأن الجميع خذلني وأصبحت أخاف من الجميع إلا أنت، ولكنك خذلتني قبل أن أُخبرك"..محمود درويش ♥️
