نفوس محطمة (ضحية اوغاد) الجزاء الأول قصة حقيقية جزائرية

حلقات (51\52\53\54\55\56\57) نهاية الجزىء الاول

#بقلم_هاندا ريفالدا ✍️✔️
51
بعد هذاك دواس والمندبة منعرف وش صرا -جات توالي مرت عمهم -اهلا خالتي ه لباس-لباس أبنتي  اني جيت هنا نريح راسي موالفة نلقا حليمة ف الحوش نحكيو ها درك بلاصتها فارغة الله يرحمها- ربي يرحمها هيا دخلي لداخل نشايخو راه البرد هنا دخلنا - طلعولي لاطونسيو يا بنتي  هو لي في راسو يديرو  وهي تعاند فيه منهار جابها وهو يعاني منها -علاه وش تحوس-وانا دريت هو متسبب عليها عندهم عامين زواج خطرة لقاها تشرب ف دوا تع ضنايا كي حب يفهم قاتلو مزلت صغيرة ومنيش حابة نضني دك- وهو مديرلها جنة فوق الأرض. مش عاجبها الحال مبعد ولات تضل عند ماليها ناسية بلي عندها دار والشغل ف الدار يا بنتي والو ساعات جي وهيبة تلقا الدار مرونة  تبدأ الشغل من الباب ف الحق هي متسكتلهاش تعطيها حقها وتروح لا انا منحبش نزيد على وليدي وهو علابالي متوله لكلشي  خطرة لي فاتت قالي راح نطلقها ونتهنا منها  مهيش تع دار رجال جابو نسا وانا جبت خالية لداري  بالسيف بش قنعتو  بصح قالي راني وراها يا تسڤم روحها يا تقود (قلبي ولا يخبط تفكرت روحي حتا انا نوكل كاشي وراح بالي كن يسمع رياض) -اااه يا بنتي الجيل هاذا ميديرش ديار قلال بنات الأصل-ربي يجيب الخير -آمين -ها بنيتي كيفاش راكي والفتي شوي -شوية خالتي نقولو الحمد لله (وانا لداخل رايحة نتفلق )  طيبتها حليب شربت وراحت قاتلي القعدة معاك يا بنتي ريحتني سونالها تلفون قاتلي شوفيلي يا بنتي شكون يعيط شفتو مكتوب منير -قتلها منير -ااا هذا بني لي ف كندا اااااا  -راه جاي مع عايلتو قالي حاب نختن لوليدي ف البلاد -اييه ربي يتمملو انشاء الله هزت عليه تهدر ودخلت من بابهم راحت . جا سلفي هشام  قالي صفاء طيبيلي قهوة ودوزيها مليح بيسك مرتو راحت لعند مها مقبيل طيبتلو وعيطتلو وطلعت للشمبرة عيطلي خويا حكيت معاه زاد عڤبلي ماما حكمتني ساعة وهي تسقسي وتستفسر على حوالي لحد الآن ساكتة ومتأكدة هاذ سكوتي مراحش يخرج على خير لأول مرة نحس روحي صح كبرت وبلغت في مخي موالفة اي حاجة نطيشها ونحتمها على غيري بلاك رزنت ولا وش عشت زاد فيقني بلي واحد ميقدر يعيش ويحس وش تعيشي ولي وصلني لهنا اني في هاد اللحظة عايشة هاد الشعور هو اني خديت رايهم وسلمت عمري بيدي  لكن هاد المرة ادا وصلت وقررت خلاص واحد مراح يقدر يقنعني وراني نستنى في الفرصة المناسبة بش ننهيها معاه علابالي يعرف كيفاش يجبد روحو ويسلكها لكن كي يكون عندي دليل  راح نسكتو بيه ونسكت كامل لفام  ومنا وجاي حياتي خط أحمر على الجميع  إنشاء .......

52
فاتت ايام مش بزاااف وانا كل يوم نراقب فيه رياض وخاصة تلفونو مقدرت نحكم عليه والو وبلا دليل علابالي رح يعييني بزااف معاه  صابرة وكاتمة  نخدم شغلي عادي ونشايخ عادي لي يشوفني ميعرف بلي راه يدور في راسي .... جا نهار عرضونا بيت عمو للختان تع وليد بنهم هذاك لي جا من كندا  وجدت روحي انا ومرت هشام ومعانا سعاد رحنا ف الليل للحنة دارهم كبيرة تان كانت أول مرة ندخل ليها عرضو غاشي احمر عندهم لافامي بزااف لبست حطيت لروحي لبسك روب قفطان جاية سامبل ف بلو روا شعري طلقتو ومكييت خرجت نسخف ومام لخرين كل وحدة وش لبست  رحنا هي صح حنا من معروضبن بصح كي عادو قراب عاونت معاهم كانت غي وهيبة تجري وملحقتش اما ديك تع كندا أصلها من تم مهيش جايبة خبر لوالو متفهمش العربية مليح ومتهدرهاش تاني غي قاعدة توال بنها زي العروس يعني متتلامش راهي غريبة في وسطنا ولوخرى ديك تقول نهار عرسها لابستلك روب ميني وعريانة للخر وعاجبة روحها وشكيت غايرة من مرت سلفها بيسك متبانش توالها هههههه  رايحة جاية وتلفون قي يدهاحطو العشا تعشينا وكاين لي غسلو ماعن انا هربت خفت يصرالي كما نهار جنازة  ...جا وقت الحنة تلمو العجايز وبدأو ف الطقوس طفل يسخف شعرو أصفر يشبه لماماه دخل باباه بش يتصور معاه اول مرة نشوفو يشبه لخوه في وحد ملامح  بصح عماد خير وزاد دخل عمو تصورو وخرجو قعد غي باباه برك حطولو سوارد وديك الڤاورية مهي فاهمة والووو مسكينة لبسولها كراكو متعرفش تمشي بيه
كملو ضيافة وكلشي عاونتهم الغاشي راح بقاو غي مقربين برك هزيت معاهم رايحة جاية للكوزينة جاية ف الطرف لهيه وانا ماشية تخبطت ف عماد داك مسكين ولا زي طير مشمخ سوائل لي كانو ف كيسان اكل تحطو عليه  يا يما حشمت وين نحط وجهي دك -اسمحلي خويا والله مشفتك وحاطة راسي -معليش ختي كاتبة انتي لي سمحيلي جاي غاصب مشفتكش انا تان -وجهي حمار تبهدلت كن جا راجلي معليش شفتو طلع لفوق بلاك راح يبدل -دخلت للكوزينة لقيت وهيبة قتلها بعدي بعدي لا نزيد ندخل فيك نتي  تاني -يعطيك الصحة صفاء خيرك مننساهش عييناك معانا بزاااف ولينا نغسلو في كيسان ونشايخو تفكرنا نهار الجنازة تترقناا بالضحك نطقت هي-حقا ديك مهبولة وين راهي -شكون -مرت خويا ماهيش تبان -منعرف شفتها لهيك مقبيل ف الحنة -راسي يقولي روحي ليها نبهدلها وسط الجماعة حاطة روحها ضيفة -ملقيت وش نجاوبها-خليها تتعروس تما تبانلي غايرة من الڤاوريةهههه نضنا نضحكو كي كملنا سمعنا العياط لفوق كي كان شاعل الغنا ميتسمعش مليح بصح حنا جهة كوزينتهم نسمعو جاية ع الطرف وعندها بالكو -وهيبة سمعتي عياط وغي انا -إيه سمعت مام انا بصح من وين جاي-اصبري نطلع لفوق جاي من ايطاج تع عماد وقيل ....