🦋 إسكريبتات شروق حسام 🦋

الجزء الأخير 🦋

بقلم شروق حسام🦋

تاني يوم
في أحد الكافيهات.

كان الاتنين قاعدين قدام بعض لحد ما اتكلموا في صوت واحد.

_" أنا عايزة أقولك موضوع ضروري. "

_" وأنا كمان. "

مدثر بتردد " أنا... "

_" أنا مش عايزة نكمل مع بعض ودي كل حاجتك اللي جبتهالي كل شئ قسمة ونصيب. "

_" أنتِ بتقولي إيه؟ مستحيل ده يحصل؟ أنا أنا... "

_" مش عارف تقولها صح مش عارف تقول أنا بحبك. "

_" أنا عارف إنك زعلانة عشان اتجوزت بس حاولي تقدري موقفي حقك عليا. "

_" الحق عليا مش عليك الحق عليا إنِ رخصت من نفسي ورضيت أرتبط بيك بعد كل ده. "

_" أنت حبيتها. "

_" لا مش بحب حد غيرك. "

_" لا حبيتها مش بس كده لا عشقتها كمان مابقتش مدثر اللي كان بيهتم بأدق تفاصيلي مابقتش مدثر اللي بيحبني أنت شيلت حبي من قلبك ورميته بقسوة. "

_" أنت مش شايف حبك ليها بس أنا شايفاه وكل اللي حواليك شايفينه. "

سندس بجمود" دي دبلتك وربنا يسعدك. "

_" سندس ماتمشيش أنتِ فاهمة غلط. "

سندس سابته ومشيت ولا حتى لفت وراها تشوفه هي غلطانة إنها إدته فرصة تانية بعد ما قال لها إنه هيتجوز غيرها.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

رجع البيت وفضلت يلف حواليه زي المجنون.

مدثر بعصبية وهو بيكسر كل حاجة حواليه " كل ده بسببك أنتِ السبب سندس سابتني بسببك ابعدي عني أنا بلعن الساعة اللي شوفتك فيها. "

_" مدثر اسمعني بس...... "

_" لا مش أنتِ السبب أنا السبب إنِ بدأت أعجب بيكِ وبدأت أنساها وهي اللي وقفت معايا على الحلو وعلى المر وأنا خلاص خدت قراري ومش هتراجع فيه. "

_" أنتِ طالق يا جواهر طالق بالتلاتة طالق طالق طالق وأنا هسيب لك البيت وهمشي اقعدي فيه واشبعي بيه. "

مدثر لم هدومه ولسه هيمشي وقفه والده.

_" مدثر أنت واخد شنطتك ورايح علي فين؟ "

_" أنا هسيب البيت وهروح شقتي التانية واه أنا طلقت جواهر. "

سامي بصدمة " إيه طلقتها؟ أنت إزاي؟.... "

_" اه طلقتها وماتتصدمش أنا سمعت كلامك واتجوزتها وخسرت حب حياتي ودلوقتي أنا مش عايز حاجة من الدنيا غير سندس عايز تاخد العربية والفيزا خدهم أنا مابقتش عايزهم. "

_"وسلام يابابا خلي بالك على نفسك وعلى صحتك. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد سنة

كنت واقف في فرح جواهر وجوزها آسر اللي عرف حكايتها وحبها بصدق وخصوصًا إن جواهر اتغيرت عن الأول كتير.

_" مدثر بس بس بس مدثر. "

_" نعم ياعيون مدثر نفسك جاية على إيه المرة دي يا آخري صبري؟ "

_" أقول لك بس ماتزعقش. "

_" امممم قولي. "

_" عايزة فسيخ ورنجة. "

_" ف...إيه أنتِ بتهزري يا سندس صح أنتِ حامل وبطنك قدامك مترين وممكن تتعبي. "

_" قصدك إيه يا أستاذ؟ قصدك إنِ تخينة ومابقتش مالية عينك صح أنت بتخوني يا مدثر. "

مدثر بهمس " أنا اللي جبته لنفسي. "

_" وأنا أقدر يا روح دودي أسيب القمر ده كله وأروح للفسيخ قصدي أروح لحد تاني غيرك ده أنا متجوز ملكة جمال مصر كلها يا ناس. "

_" يعني خلاص هتجيب لي الفسيخ والرنجة. "

_" هجيب لك يا آخرة صبري هجيب لك بس تاكلي في الصالة أنتِ وبابا عشان عارف إنه بيموت فيه هو كمان وإياكِ تلمسي حاجة في الأوضة عشان الريحة. "

_" هو أنت تطول. "

_" لا طبعًا عندك حق. "

_" سامحتيني ياسندس؟ "

_" أنت شكلك عايزني أنكد عليك النهاردة صح مش كده يا حبيبي واللّٰه العظيم سامحتك أنت غيرت من نفسك كتير اعتذرت لي كتير وعملت المستحيل عشان أسامحك حتى بعد ما كنت مسافرة أنت اللي مانعتني أنا مسامحاك هي اه فيه حاجات مش قادرة أنساها ولحد دلوقتي موجوعة منها بس الوقت كفيل ينسيني. "

_" انا مش بحبك من قليل يا أم زين. "

سندس بغرور " عارفة عارفة إنك بتحبني وأنا كمان بحبك. "

سامي بص لهم وابتسم براحة إن ابنه مبسوط في حياته هو ومراته.

تمت

#جواهر
#شروق_حسام

تمت

مش كل نهاية لازم تكون نهايتها الإنفصال أو الحزن فيه نهايات لازم تكون سعيدة