ذراري الهجرس

الفصل الثاني والثلاثون

نفحات ليل اذود به عن شر النفوس
اتقلب متى يأتيني الخلاص من بحر النعوش

سياسة نراها دائما اكون او لا أكون تدمر كل شيء أمامك في سبيل تطبيق هذه المقولة تضحي بأعز الأشخاص لك وفق لخطط ترسمها في مخيلتك غير عارف ان لهذه الخطط عوارض جانبية تكون اكثر ألما لك من العوارض الرئيسية

صدقني أيها القارئ ليس كل ماتراه وتسمع ماضيه انسان مظلوم إنما ضحايا هذا المظلوم هم أصحاب المظلومية

اعزائي خلو تصويت ومتابعة للبارت رجائا ❤️✨

*********************************

الفصل الثاني والثلاثون........

بقلمي : زينب أنمار ✨

نافلة..........

متأملة عظم الذي أشاهده ومتقبلة الذي يحدث لي لكن مالقلبي الذي يخفق خوفا هل هناك شيء قادم أعظم من الذي اراه

زينة : تاكلين شي

هزيت راسي برفض هي كامت توكل جهالها التفتت اباوع على بحر الغافي ورا نوبة من الجنون

ورا صياح وعركات كدر إجلال يقيد بحر ويا أوس بس حجيهم جان يفتح لعقلي الف سؤال

ضياء الدين : انت الي ردتها لنفسك محد بينا جبرك على شي انت الي دخلت هذا المستنقع لوحدك عود اذا تكدر اطلع منه

بحر : انت وهو راس البلاء كله ماتستاهلون هاي العوائل ولا واحد بيكم يستاهل عائلة

ضياء الدين : نستاهل مانستاهل هاي عوائلنا يمنا بس انت شعندك

صفك ايده وكال : ولا شي لا أهل ولا مره ولا جهال صفيت وحدك

انتفض نوح من مكانه يصيح : اخر واحد يحجي عن العائلة انت لا تحجيييي عن شي ماتعرفه

ضياء الدين : كومو واخذو ينطمر شوي ورانا شغل هواي

ضعف صوت نوح لأول مره من نوبة صياحه :  وطيرتي

باوع علي ضياء الدين وكال : مايصير بيها هسه تجي ويا طوفان

فهيت بوجهه من اندار عليه ابتسم وكال : لا تخافين كلشي مايكدر مايسويلها

درت وجهي وماجاوبته مو مثل كل مره احس هاي المره صدك ضحو بطيرة مدري ليش هذا الاحساس يجيني

إجلال : خراعة الخضرة واخيرا صارلك فايدة

أوس : استغفر الله ليش تتحارش الا تريد العركة

إجلال : اني شعليه انت صدك خراعة الخضرة بس شنو هاي شهادتك شافعتلك شوي لو ماهي جان علكتك ببساتينا تطرد طيور

أوس : نافلة ماتكولين لهذا يسكت

نافلة : هذا ماسكت سنين تريده يسكت هسه