خذلني ولكني أُحبه

البداية من النهاية الحلقة الثانية

استجمعت مَرام تركيزها لحظة خروجهم من المكان المخصص للزفاف استوقفت مَرام موسى وسحبت يدها من يده قائله: اي حصل؟
موسى: هفهمك كل حاجه تعالي بس نقعد ف كافيه عند إستالي نشرب حاجه ونتكلم براحه
مَرام: انت عبيط صح هاجي معاك مثلا يعني؟
موسى: تعالي يا مَرام معايا متعانديش
مَرام بعد تفكير: عاوزني اجي لي معاك هنتكلم ف اي؟
موسى: اركبي العربيه ولمه نروح نتكلم
مَرام بعد تردد: طيب
وتركب مَرام مع موسى العربيه الخاصه بهِ
وبعد ربع ساعه وصلو الى كافيه يُطل على كوبري إستالي كان جميل للغايه
مَرام بعد ان جلست على مقعد وهو جلس على المقعد المجاور لها: قعدنا عاوز اي بقا
موسى: هتشربي اي الاول
مَرام: مش عاوزه اشرب يا موسى
ثم شاور موسى للجارسون وقال له: اثنين ايس موكا
الجارسون: حاجه تانيه يا فندم
موسى: لاشكرا
وبعد ان ذهب الجارسون لجلب ما طُلب مِنه
موسى: اتفضلي اسألي
مَرام: لي قولت كدا ف الفرح
موسى: عشان اغيظ ساره زي ما هي غيظاكي
مَرام: لي بقا عملت كدا انت مالك بيا
موسى: اصلك انا مبطقش ساره من زمان دي بنت مش كويسه اصلا وانا قريبها اهو بس انا وهي زي الاعداء
مَرام: جيت فرحها لي
موسى: عشان امي اصرت عليا اجي الفرح والظاهر كدا ساره هي اليه محرضه امي تزن عليا عشان اجي ومعرفش لي
مَرام: ساره لي مش كويسه يا موسى
موسى: بنت حاقده وسماويه وبتكره للناس الخير وانانيه وبتحب لمه تشوف حاجه ف ايد حد تأخده ب اي طريقه
مَرام: زي ما اخدت مازن مني
موسى: بالظابط، بس معنى انها تتجوزه ف شكل كان الحوار كبير صح؟
مَرام: انا وساره برضو زي الاعداء ومن زمان كانت هي بترسم على مازن بس هو حبني انا
موسى: وسابك لي
مَرام: معرفش
موسى: ازاي متعرفيش
مَرام: هتضحك لو عرفت السبب
موسى: قولي يا مَرام
مَرام: فجأه ف يوم قالي زهقت منك ومش عاوزك
موسى: دا لي
مَرام: لحد دلوقتي معرفش، ومش قادره افهم اصلا
موسى: مش يمكن ساره عملتله حاجه؟
مَرام: معرفش
موسى: طب انتي عاوزه اي دلوقتي، هتعملي اي؟
مَرام وهي تتذكر الماضي وتبكي ثم تنظر للبحر ولكبري استالي بعيون دامعه وبعد تفكير دام لبضعة دقائق: انت هتسافر فين
موسى: شوفي عاوزه تسافري فين وانا هسفرهولك
مَرام: هتسافر معايا؟
موسى: عاوزاني معاكي؟
مَرام: ينفع؟
موسى: اكيد
مَرام: طب اهلك؟
موسى: انا متعود كل فتره اسافر وأخد الإلهام من البلد اليه سافرتها واعرف اكتب رواية جديده
مَرام: طيب، انا نفسي اروح باريس
موسى: توقعتها على فكره
مَرام: ازاي
موسى: بعدين اقولك الايس موكا وصل
مَرام: ينفع سؤال؟
موسى: إسألي
مَرام: عرفت منين اني بحب الايس موكا
موسى بنظره خبيثه: سر الصنعة بقا
ضحكت مَرام ضحكة اذابت قلب موسى
وعلى الجهة الخرى بدئت مَرام تستلطفة
_____________________
* Flash Back *

انتهى الزفاف وفي قلب كُلاً من ابطالنا شعور جديد ومختلف
قرر مازن بعد ان وصل المنزل ارسال رساله لمَرام
____________________
*المحادثه*
مازن: نسيت الجاكيت معاكي يا حراميه
مَرام: بكرا ف الكليه اديهولك
مازن: طيب
مَرام: تصبح على خير
مازن: وانتي من اهل الخير
____________________________
*Back to the present *