الأيسر "سلاسل الاحرار" (الاصليه)

السلسله الأولى

باوعلي واردف
السلام عليكم

أساطير :وعليكم السلام

هز راسه بايجاب باوعلي وباوع للمصعد اني رحت اتمشه بالاتجاه الاخر الي هو السلم.. افضل مما ابقه انتظر،صعدت وبطلاع الروح ياله وصلت عدلت حجابي وطرقت الباب ودخلت

شفت الدكتور واكف اعرفه ويعرفني طالبته من العام وطالبه مجتهده عنده

أساطير :السلام عليكم

الدكتور :وعليكم السلام اهلا أساطير شلونج يابه

أساطير :الحمد لله بخير انتَ شلونك دكتور

الدكتور :بخير بنتي، شو متأخره على غير العاده؟

أساطير :والله يا دكتور المصعد مفرغ اضطريت استخدم الدرج ف تأخرت

اردفت إحدى الطالبات المزعجات

-وين مفرغ اصلا لو واحد لو اثنين هستوني اجيت

رد عليها احد الطلبه
كلنه نعرف انو أساطير متصعد ويه شاب..

اجاب الدكتور وهو مبتسم
-نعم بارك الله بيها ملتزمه وخلوقه

ابتسمت وسمحلي ادخل اتجهت لمكاني وكملت المحاضره واريد اطلع انفتح الباب بسرعه اصطدمت بشخص
وكعت ملازمي

-اخي ممكن تنتبه أكثر

-هو منو المفروض ينتبه؟

رفعت راسي بغضب وشفته هو نفسه الي التقيت بي الصبح
يباوعلي مبتسم، خزرته وعبرته وحجيت بصوت مسموع
-ابناء تالي وكت

وهو ضحك بصوت عالي عبرته لكن استفزني كلش استفزني
رحت على اساور ب الحديقه شويه ورجعت لمكاني كملت اليوم طبيعي مثل أي يوم..
وبوقت الطلعه لكيت ازهر ووياه شخص منطيني ظهره كلت بصوت مسموع

السلام عليكم
ردو السلام واندارولي
شفته هو نفسه فتحت عيوني بصدمه وكلت بانزعاج

-هاي هم انت ؟

خزرني ازهر، وهو اندار مبتسم
الايسر :نعم جمعتنه المصادفه 3 مرات في يوم واحد..

ضيكت عيوني معاجبني
أساطير :اروح أجيب اساور واجي

ازهر :لا هاي اجتي

وكفت مسافه عنهم اباوع لهم شلون ماخذين راحتهم وضحك وسوالف اخير شي سمعت ازهر يعزمه على عشا وهو رفض بالبدايه لكن ازهر جان مصر وكال جيب الولد وياك..

ابتسم سلم واندار عليه
-راح يصيرن اربع مرات يا انسه..

أساطير :نعم يا استاذ..
عفتهم واتجهت نحو السياره صعدت اجا ازهر نتر

ازهر :عيييب هذا الأسلوب أساطير!

أساطير :مكلت شي ترااا