المها:تفضلي ياخاله من هنا وتقدرين تجهزين نفسك بغرفتي
ماسا وهي خجلانه :ياريت
دخلت المها ام طلال وراحت هي وماسا للغرفه وفصخت عبايتها وكانت كيوت ومستحيه وكانت لابسه فستان وردي ماسك على خصرها اللي كان ضعيف وقعدت تسوي شعرها
المها:ماشاءلله تجننين وقفي ابحصنك يا..(سوت نفسها ماتعرفها عشان لايشكون)
ماسا:تسلمين انا ماسا
المها :ونعم
وفجاة انفتح الباب وكان حمد وكان يطالع ماسا وماسا توترت وانحاشت ورا المها وصد حمد بسرعه وسكر الباب
المها:ماعليه امسحيها فيني صدقيني ماكان يقصد هو متعود كذا مايدق الباب
ماسا اللي كانت حافظه ملامح وجه ومستحيل تنساها وهي اللي قلبها تعلق فيه ومانسته :لا ماعليك بس هو وش يصيرلك
لاحظت المها انها كانت تهوجس وسوالها اكيد فيه شي:هذا خالي ماعليك
ماسا اللي تنهدت براحه ماتدري ليه خافت من فكرة انه تزوج :ايه الله يخليه لك
المها شكت فيها بس مابينت طلعت ماسا وراحت المها لحمد
حمد اللي انلجم من الموقف وقلبه انشلع بشوفتها هذي الحب الاول
المها جت وضحكت:اللي ماخذ تفكيرك يتهنى فيه
حمد ضحك: اهخ يالمها تشلع القلب
ضربته المها:استح ماتقول كذا على بنات مو محارمك ترضاها علينا
حمد :لا والله ماارضاها وبعدين قاع امزح وتدرين بالشي ذا وبعدين انا معتبرها من محارمي
ضحكت المها :المهم وش بغيت مني يوم جيت
حمد تنحنح ووقف عدل:ابكلمك بموضوع مهم يالمها وابيك تسمعيني وتفهميني وانت لك الراي ومن حقك وفكري بكلامي على كيفك
المها : حمد وترتني شفيك
حمد مسكها من كتفها: لاتتوترين ولا شي اسمعي الحين وش رايك بسند
المها وهي من اخر موقف وهي متوتره منه:وش فيه
حمد:يعني اذا تقدم لك بتوافقين
المها انلجمت:وش
حمد :المها صدقيني سند تربيتي وانا اعرفه مثل كف يدي وهو شاريك ويبيك ويبي بس الموافقه عشان يتقدم لك لاتردين علي الحين خذي راحتك وفكري عدل انا بروح
راح وخلاها متصنمه مكانها وماتدري وقالت بتصلي استخارة وتقرر
.........
راح حمد لسند وطلال وهو اللي وده ينط على طلال يقوله ابي اختك بس مسك نفسه همس سند لحمد:وش صار معاك
حمد:قلت لها وان شاءلله خير
سند:ان شاءلله ادعيلي ياحمد
حمد :ماعليك ان شاءلله
وراحو جنب خالد ووقفو جنبه وهم يطقطقون عليه وبعدها صفو كلهم صف وابو سعود متوسطهم وعياله حوالينه وعيالهم والكل ذكر الله على هالموقف
وبدو يعرضون وسحب سند حمد وبدو يعرضون بوسطهم : لابكت نجد العذيه تهل دموعنا
بالهنادي قاصرين شوارب قومها
صعبتن افعالنا لا بغاها غيرنا
وكلمة التوحيد حنا عمار سورها
وكان الكل يعرض والجو بارد ويعمه ريحه البخور والعود والقهوة والكل كان مبسوط
............
عند البنات
اللي كانت وحدة من الحريم تطالع المها والمها ماكانت مهتمه لنظرات حدا وهي والبنات كانوا جنب الطقاقات وقالت الطقاقه :نبي نشوف لعبكم ياحلوكم
رهف:ابشري ماطلبتي شي
ضحكو البنات
وبدت الطقاقه والبنات تلو بعض ودخلو الساحه وسحبت المها ماسا وهم كانو يرقصون والكل يذكر الله عليهم يعني حلوين وسنعين ويعرفون يرقصون واخلاق :
انا دوم يهيضني لعب قايد الغزلان
انا دوم يهيضني لعب قايد الغزلان
ولا لعب غزال تل قلبي من عروقه
ولا لعب غزال تل قلبي من عروقه
الكل كان مبسوط ويرقص والحريم يزغرطون
.........
بعد العشا صار وقت الزفه طبعا العيال عند خالد يعدلون نسفته ويبخرونه ويعطرونه وينصحونه ويطقطقون معاه عشان يخفف التوتر ومايجيب العيد
والبنات عند العنود وهم يضبطونها ويعطرونها
.........
كانت العنود واقفه ومعاها الحريم وجدتهم ودخل خالد وكان متوسط جده وعمامه سلم الجد عليهم وعمامها كلهم وجا حمد يطقطق معاهم واللي وترهم زياده واخذو كم صوره جماعيه ابو سعود:يلا يلا اطلعو وخالد خمس دقايق وتطلع تمام
حمد:لا يبه خلينا هم مرتاحين
خالد بهمس:والله ان ماطلعت ابفرشك هني سمعت العنود وضحكت عليهم
وطلع حمد بعد ماتل شماغ خالد شوي بس مسكه وعدله طلعو الكل
خالد مسك يد العنود اللي ترجف:اول شي مبروك لي ولك وثاني شي طالعه تجننين ي قلبي بسم الله عليك وثالث شي وهو بعد شعرها عن وجهها ورفع راسها مايحتاج كل هالخوف والتوتر صدقيني مابسوي لج شي ارتاحي وتطمني وبحطك بعيوني بعد وقامو باس راسها وساعدها تلبس عبايتها وجت ام مسعود شافتها جاهزه وابتسمت لاهتمام خالد بالعنود وذكرت الله وطلعو سلمو عليهم وركبو السيارات بيزفونهم لين الفندق والكل قاع يضرب بوري ويرقصون وعند خالد ماسك يد العنود وهو يغني لها مع الاغنيه رغم النشاز: يرحم ابيش وامش زاد همي وهمش
قربيلي بضمش لايصيبج جفالي
والله اني احبش حظ منهو بقربش
خاف باله ب رمش قلبي اصلا صالي
وباس يدها وهم فرحانين بهالاجواء
.........
عند البنات
للحينهم بفساتينهم وقاعدين بتعب
ام سعود:ادري انكم تعبتو بس تكفون افرشو فرش العيال قبل يجون
البنات:تمام
وراحو فرشو وطلعو بدلو لبجامات مريحه ومسحو الميكب ورطبو وفرشو بالحوش الخلفي وجابو الحلا والقهوة وقعدو مع بعض يحشون ويضحكون والكل نام مو سامعينهم وهم يضحكون ورجعو العيال وسمعو صوت البنات بس ماحبو يحرجونهم وراحو لفرشهم كل واحد يفكر بمصيره وحياته ويتذكر مواقفه
.........
عند البنات اللي راحو بعد ينامون بعد نوبة من الضحك والتشمات بس المها اللي عجزت تنام وهي تفكر بكلام بحمد وتذكر مواقفه وصارت تربط المواضيع نامت من كثر الصداع وتعب التفكير
............
عند العرسان
دخلو وراحت العنود تبدل ملابسها وخالد طلب عشا وهو قاع ينزله طلعت العنود وكانت خجلانه رغم انه روبها كان ساتر تنحنح خالد:العشا تعالي اكيد ماتعشيتي
العنود قعدت وقعدو ياكلون بهدوء بس العنود كانت متوتره مرا وخلصو بعد الاكل خالد وقعد جنبها ومسك يدي:العنود اهدي تكفين مابسوي لك شي الا وانتي راضيه ارتاحين انتي فامانتي
العنود مسكت يده:خالد مو بقصدي بس اني متوتره ومو قادرة اتنفس عدل ولا بقصدي اصدك
ابتسم خالد على طريقة كلامها وبعد شعرها عن وجها ومسكه وهو يتامل فيه :روحي ارتاحي اكيد انك تعبتي اليوم قامت العنود ونامت عالسرير معطيه ظهرها لخالد وجا خالد وقعد يمسح على شعرها ويشمه ماقدر يقاوم ريحة عطرها وقرب منها ودفن وجهه برقبتها .........
...........
في الصباح
صحو والكل تعبان ومافيهم حيل قعدو حصلو الفطور جاهز وقعدو يفطرون العيله كلها والمها تحاول تتجاهل نظرات سند لان للحين مافكرت وخايفه
ام سعود :ابو سعود امس كلمتني ام ماجد
ابو سعود:ايه وش تبي
صدت ام سعود على المها اللي كانت تناظر الاكل وهي مالها نفس تاكل :تبي المها لولدها
الكل التفتو بصدمه وسند لف بقهر وعصب وحمد ماسكه والمها اللي شرقت بالماي والكل يطبطب عليها ناظرت سند بعيون مدمعه من الشرقه وشافت عيونه الحمرا من الغضب وشاف عيونها وهو يترجاها ماتوافق
ابو سعود:بسم الله عليك يبنتي
المها :جدي
ابو سعود : عيونه
المها وفيها غصه:جدي انا ماابيه ماابي اتزوج
ابو سعود حس بنبرتها:واحنا مو جابرينك يبنتي براحتك بس ماودك تستخيرين
المها:لا يجدي ماابيه
وطلعت المها وهي ماتبي تبكي قدام احد حست فيها غصه مستغربه منها مع انه كل مرا ترفض احد بس هالمره تحس انها رفضت عشان سند
سند اللي تنفس براحه وحمد يمسح على ظهره وهو من امس ماكان مرتاح لماجد اللي كان يروح ويجي طلع يشم هوا وقرب من المطبخ وسمع بكاها المكتوم ودخل وكانت مغطيه وجهها تمنع شهقتها تطلع :افا تبكين على وش
شهقت وشافت سند صدت ومسحت وجهها بسرعه ولفت وشاف عيونها حمر :مافي شي ماكنت ابكي فيه شي دخل بعيني
ضحك سند:متندمه انك رفضتي؟
المها :لا والله يخسي اندم عليه
لاحظت نفسها المها ونزلت راسها تحت
وضحك سند: انا اللي قلت لحمد يكلمك وابي اسمع رايك
المها :بوش؟
سند :اني ابيك وطالبك
حمرت خدود المها من الخجل وقالت بهمس:للحين ماستخرت
ضحك سند على خجلها:ابد اخذي راحتك وانا سندك
المها طلعت بسرعه بعد الكلام الي الجمها ودخلت رهف المطبخ وشافت سند واقف ويضحك :تحبها؟
التفت سند وتعدل:وش تقولين انتي
رهف:تراك واضح وبعدين انا اختك وافهم عليك تبيها؟
سند :ايوا ابيها واحبها
رهف:يحق لك وزين ماخترت والله انها تسوى الف بنت
ضحك سند:انا داري
رهف :اسمع بعطيك حسابها تويتر بس توعدني ماتكلمها الا بالحلال وخلني بالك اللي ماترضاه علي وعلى خواتي لاترضاه على بنات الناس
تقدم سند يبوس راسها :ابشري من عيوني
عطته وراحو
............
عند عرايسنا
صحى خالد وهو يسمعها تتكلم مع امها والبنات قام وسكرت وحضنها :صباح الخير لاجمل عروس
العنود استحت:صباح النور كلموني يبونا نروح
خالد :وانتي ودك ؟
العنود :اي راحت علي فقرة الحش امس
ضحك خالد وهو يلعب بشعرها:تمام جهزي نفسك وبنطلع
العنود:تمام
.........
دخل سند
ام سعود:الين متى بترفض انا احس انه بيطلعون عليها كلام هذا يمكن عاشر واحد ترفضه
ابو سعود:شنو يعني اجبرها مارح اجبرها واحنا مايهمنا كلام الناس بنتي وواثق فيها
ابو عبدلله:هي اكيد انها تعودت عليكم والحين لاتنسون امها وابوها اكيد ماعاد تحس بالامان عشان كذا
سند اللي كان غافل انه ممكن المها تكون خايفه وماتبي احد بحياتها
ابو خالد:انتو لاتضغطون عليها خلوها على راحتها
:تم
دق الباب
ابو سعود :حمد قوم افتح الباب
حمد:حاضر
فتحه وطلعو خالد والعنود:حي الله معاريسنا حياكم
خالد:الله يحيك
مادخلو الين ماماتو ضحك من طقطقة العيال عليهم والعنود ورا خالد وهي متنرفزه وتدفه عشان يرد
دخلو:السلام عليكم
الكل:وعليكم السلام
تقدمو يبوسون راس جدها وجدتها وعمامها
العنود:وين البنات
ام سعود:تلاقينهم بالغرفه او المطبخ
العنود:تمام انا بروح لهم
وخالد كان يراقب كل تفاصيلها لين طلعت
سند:ياخي ارحم نفسك اكلتها بعيونك
خالد:حلالي وكيفي عندك شي
حمد:ياخي ارفقو فينا
خالد:ايه تزوجو وفكونا عزابيه
سند لحمد:خله خله بس يطلع جدي نفرشه
ابو سعود :اللي يقرب له مايلوم الا نفسه
حمد:اخصص جحدتنا واحنا اللي بقينا عندك وهو راح
الكل ضحكو ومستنانسين
الكل ضحكو ومستنانسين
.........
عند البنات
دخلت العنود وسلمت عالبنات وجت المها معها حلا وورد قعدت تهلهل وترش عليها وسلمت عليها والكل كان فرحان
رهف:وي يابنات شوفوها مستحيه
الغلا :هذي العنود ولا يتهيا لي
خلود:شكل اخوي رباها
رمت عليها العنود المخده تسكتها
ام سعود :خلاص خلو حفيدتي كلتوها وشلونج يمه بخير؟
العنود:بخير ياجده
تنحنح خالد ولبسو البنات ام خالد:ادخل ياوليدي
خالد تقدم سلم على جدته وامه وعماته من بعيد والبنات وجا قعد جنب العنود وهو من دخل عيونه عليها وعلى كشختها اللي مالاحظها لان طلعو مستعجلين همس لها:وش هالزين ذا
العنود استحت وتدفه والبنات يطقطون عليها
ام سعود:قهوي رجلج يبنت
تقدمت العنود تقهويه وهو مسك يدها متقصد ورجفت يدها وكانت بتكبها بس مسكها خالد وضحك
ام مسعود:بسم الله عليك يبنتي عسى ماتاذيتي
العنود دفت خالد بقهر:لا لا يمه بخير
خلود:خلاص ترا شفنا سنونكم احترمونا ياخي
خالد سحب المخده وراه ورماها عليهن وضحكت العنود شماته فيهن وكانت المها مبسوطه وهي زمان عن هالجلسات
أنت تقرأ
وغلاك فالقلب ومسكنك فالعين...!
Poetryمها اللي عايشه بالديره بعد وفاة امها وابوها تركها من زوجته🐍ومتعلقه بخالها وتعتبره اخ وسند لها وماتحب تتعمق بالصداقات
