ذراري الهجرس

الفصل الواحد والثلاثون

صوتك يسري في مخيلتي
قائلا لي : سترجعين ولنا كرة اخرى في الحب
فقلت له مبتسمة : وهل الكرة الثانية لها ذات النهاية
وحين حل الصمت القاتل بدل وعود الحب اردفت بصوت اكثر هدوءا : لا تأتيني لنعيش الحب كرة ثانية بل غير النهاية لكي نعيشها مرة واحدة..

سوو تصويت ومتابعة للحساب رجاءا ❤️

بدت البارتات الي احبها بل قصة ها ها ها ها 😃 صراحة كلها صدمات..

*********************************

الفصل الواحد والثلاثون.........

بقلمي : زينب أنمار ✨

بين صدمتنا ركضت زينة بره ولزمته ترجف : وين يودوك

باس راسها وكال : ملفقين عليه شي لا تخافين اطلع منها

التفتلي وكال : دكي على زوجج يجيني للمركز يستلم القضية على الاقل نستفاد منه بشغله وكليله بدون فلوس دين على الي صار للبيت

هزيت راسي أما زينة موتت نفسها من البجي من راح اريد اسكتها حتى اروح اخابر أوس اخر شي صحت عليها : يابه سكتي هسه لخاطر دين محمد اريد اروح اخابر أوس يلحكه بس اهدي حتى اكدر اربط الحجي

من سمعت هيجي هدت شوي بس كل دقيقة ترجع تبجيلها شوي وتسكت تنهدت مترددة ادك علي وقررت اخر شي ادك علمود إجلال ضل يرن وماكو جواب باخر رنة اجه صوت بنية : نعم

صراحه انصدمت حتى نسيت شلون ارد عليها رجعت كالت بنتر : اي ليش داكين اذا ماتحجون

تداركت الأمر وكلت : اولا لا تنترين ثانيا وينه أوس وليش انتي تردين على موبايل غيرج

ردت عليه : انتي الي ماتستحين تدكين على واحد متزوج وتجين تكليلي لا تردين على موبايل غيرج اني مرته تفضلي

صدك ضحكت من كلبي من كالت هيج اريد الزم روحي مااكدر وزينة صافنة عليه هديت نفسي شوي وكلت : اي يمته تزوجتو

: انتي شعليج ليش انتي منو حتى اكلج

سديته بوجهها دكيت على رقم إيلاف رنتين وجاوبت : ياهلا بنفو شلونج عمري

ضحكت : هلا بيج يبعدي اكلج هذا أوس يمته متزوج

إيلاف : شنو يا زواج

: مادري سمعت متزوج عليه

إيلاف : غير اكسر راسه ليش يتزوج عليج انتضري اشوف وينه وارزله

: عوفج من الرزالة بس انطيني ايا عندي شغلة ضرورية ويا

إيلاف : هسه

جان اكو أصوات هواي ببيتهم اعتقد عدهم شي اجه صوته : هلا نفلة شعجب متصلة

: أوس عندي شغل ضروري وياك تكدر تجي