جاموفوبيا ((رهاب الزواج))

«تمهيد»

#جاموفوبيا (( رهاب الزواج ))
#المقدمه

🌿اللهم صلّ وسلم وبارك على سيدنا محمد 🌿

بقلم...أم أمن

أقتباس (" والبعض منّا تناله الجاموفوبيا ، ليس لشيء سوى أنه عَلّا منهُ سقف طموحاته قليلاً ، يخيل له أن شريّك حياته سيعوضه عما فقده في بيت اهله، متناسيّ انه لا حب بعد حب والده ووالدته وأشقائه مهما فشلو التعبير ، منتظراً ان يمسح على صدره بقلبه الحاني ، يزيل الهموم عن كتافه وان لم يستطع يتقاسم كلاهما الهام لتمضي الحياة، يُصاب المرء بالفوبيا ؛ فقط لانه عاش التجربة ، ولم يتهرب منها ، واذ نجا لن يعيشها مجدداً بسهولة "
-أم أمـن

احداث الرواية فِ الـ 2021-2017
.
.
.

بلسان "هناء "

عشت حياتي مع راجلي من يوم خذونى من حوش هلى لليوم هذا وأنا مرهقة نفسياً ...بشكل مش طبيعي ...عمتى تضغط عليا واجد ...وف حاجات صح معاها الحق أنا نغلط ...بس المفروض تنصحني على جنب

حتقرو قصتي منبيش نقوللكم اني انا طلعت من حوش بوي معززة مكرمة مشيت لقيت هل دارى كويسين

حوش بوي بعطابه حوش بوى لكن حوش عيت عمى ما شفت منهم الا كل خير اسلافي وعمي والبنات ...لكن حسين ديما فى صف امه حقاته حقاته لكن مش بدرجة يهين او يقلل مني قدام اهله وسلفاتي

بما انكم تعرفتو بالمقدمة على حوش هلى تعالو نعرفكم على عيت عمى

محمد ...سلفى الكبير ...وزوجته سارا كويسين بكل محمد دكتور بيطري فاتح عيادة

حسين كلكم اكيده تعرفوه ...راجلي يشتغل وعنده محل تيلفونات وعنده مزارع يبيع منهن فى الزراعة متاعه وكان شغله واخذ اغلب وقته

بعدها قيس محامي...وزوجته رغد ...نوعاً ما رغد ما اطيقني وعادى يعني مش لدرجة بينا مشاكل لا مفيش بالعكس طيبه بكل رغم انها متكبرة شوية

بعده سلفي اشرف عنده ورشه ويخدم فيها ...ع علاقة ببنت خاله ...والحق البنيه تجي للمناسبات عند عيت عمي بجد تهبل نحس بيها تمشي معاه واجد وبينهم علاقة قديمة بكل قالو يبيها من وهو صغير

بعدها سلفي ...ناصر هذا من جيلي أنا ...بس انا تزوجت حسين وهو خش الجامعة فى اول سنه من كلية الاقتصاد

البنات

احلام ...والحق كويسه بكل الله يسامحها

مروة ...صعبه الطباع بس طيبه وحقانيه

بعدها نورا مدللة العيله واشرف وحسين يعتبرو فيها بنتهم ...ومرات واجد نتسأل لو ربى رزقني من حسين ببنت هل ح يحبها زي مايحب نورا ؟!!

فى حوش عيت الناجى

كانت واقفه هى فى المطبخ وتغسل فى المواعين ...خشت عليها عمتها قالبه وجها ...شنو مازال ماكملتي يا هناء تغسلي في مواعين والا !!

هناء تنهدت بضيق وتلفتت عليها ...شوي يا عمتي

لوت فمها ...مش عارفه ايش زره ولدى بس !!

تلفتت ورجعت للمواعين ...الصبر يا ربى !!

باكرة كانت تدور فى المشاكل !!...شنو شنو قلتي !!

هناء تلفتت عليها ...والله يا عمتى ما نبى مشاكل خليني فى حالى ساد مشاكلى مع ولدك

على خشت حسيّن ...وطاحت كلمتها فى وذنه ..بصوت جهوري قال "هناااااء...امى يا هناااءً"

تلفتت عليه وبدت بدور المسكنة ...شفت يا حسونه يا باتي والله ما كلمتها

فنص فى هناء ...ارقى فوق لاحقك

زفرت بضيق وغسلت يديها وبغضب قالت ...ان شاء الله تريحتي

وطلع من حوش عيت عمها ماشيه للدروج الجانبيات الي ترفع لشقتهم

قعدت باكرة تبكى...ريت قتلك من الاول متاخذهاش صاحبك ضحك عليك

وعشان نفهمو قصة هناء لازم نردو لورا

وقت كانت هناء بحوش بوها معززة مكرمة "العكس تماماً "

بوها حي وامها حيه لكن مشكلتهم يميزو فى الذكور على هناء وخواتها ...على حساب حياتهن ومستقبلهن وانا توه نقولكم كيف

وزواج هناء من حسين كان بسبب خوها ...بما انه مديون بوقتها ...وطالبهم واجد ...هو وبوه ...لكن عبد الكريم وعياله قالو معندناش فلوس ف بنوع من الترهيب الحاج "محمود " اب حسين قالهم معندكمش فلوس عطونا وليه ...وطبعاً اب هناء وحوتها لقوها فرصة وعطو هناء

وبحكم هناء الكبيرة خواتها الصغار مش متزوجات ...وصغيرات أصلاً هناء م 93 الصف الثالث ثانوي ...ورندة 94 اولى ثانوى بعدهن تجى فريدة ثانية اعدادى 96

الشباب 89 سعد عايش مع هله ومرته نجاح وح نعرفوها اكثر وهو سبب القصة

90 طارق انسان مثقف وهادئ ...وعلى عكس سعد ميحبش يحشر نفسه بشيء

ونردو لموضوعنا ...شن هي الجاموفوبيا "رُّهاب الزواج "

وليش الواحد عنده هكى حاله !!

وعند أي حد من بطالنا الحاله هذى هذا كله ح تعرفوه بالرواية الجديده بعد العيد ان شاء الله 🌸