🦋 إسكريبتات شروق حسام 🦋

إسكريبت 🦋 جواهر 🦋

إسكريبت 🦋 بقلم شروق حسام 🦋

_" عايزني اتجوز رقاصة؟ "

_" يا مدثر يا ابنِ أهدي بس واسمعني. "

مدثر بعصبية " بقي آخرتها أنا مدثر العدوي اتجوز رقاصة ليه أدفن نفسي واتجوزها وأنا أقدر اتجوز ست ستها مش اتجوز رقاصة كانت شغالة في كباريه ومقضياها. "

سامي بحدة " أنت بتتعصب وبتعلي صوتك على ابوك يا مدثر؟ "

مدثر بهدوء نسبي " العفو يا بابا لأ طبعًا مش قصدي أنا بس مش مستوعب اللي أنت بتقوله. "

_" يا ابنِ افهمني دي بنت أخويا ومالهاش حد غيرنا ومافيش حد غيرك هيقدر يحافظ عليها غيرك. "

_" بس هي..... "

_" عارف إنك مش موافق عشان شغلها بس هي اتظلمت في حياتها وهي صغيرة تاهت من أبوها وأمها أخويا اللّٰه يرحمه فضل يدور عليها مدة طويلة لحد ما تعب ومات بحسرته قبل ما يلاقيها وياخدها في حضنه ويطمن عليها. "

_" والحمد للّٰه بعد كل السنين دي لقيتها لأن فيها شبه كبير من مرات أخويا اللّٰه يرحمها بعدين إتأكدت إن هي فعلًا بنت عمك بس اتصدمت لما لقيتها شغالة في كباريه. "

_" ودلوقتي مافيش حد غيرك هيقدر يطلعها من اللي هي فيه هي خلاص بقت واخداها مهنة ههههه والصدمه الكبيرة إنها عايزة تفتح كباريه أكبر ويكون ملكها وأول ما عرفت إن ليها ورث من أبوها كانت عايزة تاخده وتفتح بيه الكباريه. "

_" مافيش حد غيرك هيقدر يطلعها من اللي هي فيه وياخد بإيديها للطريق الصح. "

_" ماليش فيه جوزها أي واحد من إخواتِ أو أي حد أنا مش هتدبس فيها طول العمر. "

سامي بغضب جحيمي " بص بقى أنا خدتك بالمسايسة وبهدوء بس أنت هتتجوزها غصب عنك وده آخر كلام عندي وجهز نفسك كتب كتابك عليها بكرا ولا أنت عايز تعصى كلامي وأكون غضبان عليك وعادي يعني تطلع بره الفيلا وأسحب منك كل صلاحياتك في الشركة وتبقي موظف عادي. "

مدثر بطاعة " لا وعلى إيه ماتعصبش نفسك موافق خلاص يارب بس نطلع بنتيجة من الموال ده. "

مدثر في نفسه " يعني أنا أفضل سنين أتعب وأشتغل وفي الآخر عايز تطردني عشان رقاصة الصبر من عندك يارب. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_" يا حبيبتي افهميني بس دي جوازة مؤقتة. "

سندس ببكاء " بقي بعد الحب ده كله اللي حبيته ليك عايز....تسيبني بعد...بعد ما فضلنا مع بعض خمس سنين هتسيبني وهتتجوز غيري. "

_" أنا عمري في حياتي ماحبتش ولا هحب غيرك هي جوازة مؤقتة بس عشان أرضى بابا غصبني عليها عشان أطلعها من القرف اللي هي فيه. "

_" هو يعني مافيش حد غيرك يتجوزها؟ "

_" للأسف بابا مصمم وواخد القرار إن أنا اللي  هتجوزها. "

_" سيبك من كل ده عندي ليكِ مفاجأة حلوة كنت محضرها لك. "

_" هي إيه؟ "

مدثر بإبتسامة " هاجي أطلب إيدك من أهلك ونتخطب وبعد كام شهر نتجوز. "

سندس بفرحة " بجد يادودو؟! "

_" جد الجد يا قلب دودو. "

بعدين قال بغمزة " بعشقك يا سمسمتي. "

سندس بابتسامة " وأنا بموت فيك أوعدني إن عمرك ماتسيبني أو تحب غيري. "

_" بوعدك ياروح وقلب وحياة مدثر. "

_" ربنا يبارك لي فيك يا دودي. "

_" ويبارك لي فيكِ يا حبيبتي. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

تاني يوم

_" بصوا بقي إحنا كتبنا الكتاب وخلصنا أدوني فلوسي بقى عايزة امشي وأفتح شغلي الخاص. "

قالتها جواهر وهي بتمضغ لبان بطريقة سوقية جدًا.

سامي بهدوء " أنتِ خلاص اتجوزتي ومكانك هو المكان اللي يبقي فيه جوزك وشغلك ده انسيه خالص. "

جواهر بردح " نعم نعم ياعنيا بص يا راجل ياعجوز انا استحملتكوا كتير بس عشان الفلوس مش عايز تديهاني هرفع عليك قضية وهاخده بردوه ماتفكرش إنِ سهلة ياراجل يا...... "

مدثر بزعيق وحدة " بصي بقي أنا استحملت قرفك كتير وكلامك اللي مالهوش لازمة بس إنك تتكلمي كلمة بس على أبويا أنا هنسفك من على وش الأرض فاحترمي نفسك. "

_" فاهمة ولا لأ؟ "

_" لا بقي شغل الزعيق ده مش هيجي معايا وأنا مش عايزة اقعد هنا تاني ولو أنت فعلًا مش عايزني طلقني. "

_ " أنتِ..... "

#جواهر
#شروق_حسام