عصب عزيز مره و وجهه حمر من كثر العصبيه غرام ما قدرت تمسك نفسها و بكت
ساره الي ما جاها النوم من التفكير
سلمى:غريبه قاعده
ساره:ما نمت عشان اقعد
سلمى:عسى ما شر تعبانه فيك شي
ساره:لا لا مافيني شي بس صداع
سلمى:زين يلا قومي الغداء جاهز
ساره:مالي نفس
سلمى:كيفك
غرام كانت تبكي و قامت و راحت في المصعد و دخلت الغرفه عزيز ما اهتم راح شغل سيارته و راح يتمشى (كان الجو مطر و غيم)
غرام:كريه كريه أنا مدري شلون بابا رضى إني أتزوجه
اتصلت على ساره لان نور كانت نايمه
ساره:مسرع اشتقتي لي مو لهدرجه
غرام وهي تبكي:ساره تكفين مقدر أعيش معه لو لثانيه وحده
ساره:بسم الله شفيه؟
غرام قالت كل السالفه لساره:مريض ذا في احد يقدر يصارخ عليك
غرام:بلا استهبال ساره
ساره:تبين اجيك؟
غرام:مهبوله انتِ وشو تجيني في فندق حنا لو امك سألتك بتقولين كنت مع غرام
ساره:أقول اسكتي البسي تجهزي بطلع امرك ارسلي الموقع
ساره مرت غرام و قامت تهديها و تواسيها و وصلو كوفي
ساره:من قدك على حسابي هل مره
غرام تعدلت نفسيتها شوي و قالت:انتِ ساره العفنه متأكده و ضحكت
ساره:أنا عفنه يلا شوفي من بيدفع لك
غرام:خلاص انتِ كريمه
ساره:كريمه ولا اوبريه و ضحكت
غرام:يارب عطني الصبر
و طلبو و وصل طلبهم
غرام:ساره ما تشوفين هناك ثلاث عيال يناظرون لنا
ساره:ادري منتبهه لهم من اليوم لا تناظرين
غرام:يمه كل شوي يقربون
ساره:دقيقه أنا اعرف أتصرف
غرام:ساره لا
ساره ما سمعت كلامها و كانت بتقوم إلا غرام تسحبها و تتصل على فهد ما يرد اتصلت على الكل محد رد ما كان عندها حل ثاني و الشباب تقريبا صارو جنبهم و اتصلت على عزيز
عزيز استغرب من الرقم و رد قال:ألو من معي
غرام:عزيز أنا غرام الحقنا
عزيز فز و قال:شفيه
غرام:أنا و ساره في المول جالسين في كوفي و في شله شباب كل شوي يقربون مننا تكفى الحقنا
عزيز:اطلعي من المكان بسرعه و فرو بالمول لين أوصل
قفل و توجه للمول لأنه كان بعيد
ساره:وش يقول
غرام:يقول اطلعو من المكان و فرو في المول
ساره:يلا امشي و قامو إلا يقومون و وراهم العيال و طول الوقت يلاحقونهم و عزيز تأخر و جاء واحد و قال:على وين يا حلوات
غرام:اقسم بالله لو ما مشيتو من هنا أنادي الأمن
قامو يتمادون بالكلام
وصل عزيز على طول قام يركض يدور غرام و ساره لقاهم و شاف العيال كل شوي يقربون منهم و يقطون عليهم كلام ما تحمل قام يركض و ضرب واحد منهم جاء خويه يبي يفزع و تضاربو و البنات خافو و راحو قالو للأمن جاء الأمن و فرق بينهم:تتهاوشون بوسط المول مريضين انتم
عزيز:هذولي رخمه مو متربيين و علمه السالفه كلها
الآمن أكيد مراح يصدق بدون ما يسمع البنات و فعلا قالو له نفس الشي و أخذ العيال معه
عزيز:في احد يطلع بذا الوقت صاحيات انتم بعصبيه
غرام:أي حنا نطلع بذا الوقت
عزيز عصب و سحب غرام و وراهم ساره
ركبو السياره و ساره وصلها لبيتها و راحو للفندق وقال:الحين تشيلين أغراضك بنروح بيت اهلي
غرام:أنت رح لحالك ودني يا بيت نور يا بيت اهلي
عزيز:مو بكيفك اخلصي يلا
غرام سكتت و جهزت أغراضها و مشت و ركبو سياره و توجهو لبيت آل عساف
نور قامت و لقت اكثر من ثلاث اتصالات من غرام رجعت اتصلت عليها جوالها مغلق ما اهتمت لأنه دائما يصير معها كذا قامت و أخذت شور و نزلت تحت
عبدالعزيز:وش هل النوم كانك دجاجه
نور:شدخلك أنت
حصه:عيب يا قليل الأدب عبدالعزيز وش ذا الكلام
نور:تشوفين ماما هو الي يبداً
حصه:حتى انتِ كلكم غلطانين اعتذرو من بعض
نور:والله ما اعتذر و قامت و راحت لغرفتها
وصلو للبيت بيت عساف كبير ونص البيت لولده فيصل (لأنه البكر ) وبينهم حوش وباب
عزيز و نزل بعده غرام و دخلو البيت و لقو الكل متجمع و الكل قامو يرحبون فيهم بعد ما سلمو على الكل راحو للجناح الخاص فيهم هاوشها و قام يصرخ عليها و خافت و قالت:هم جو يغازلون أنا شدخلني
عزيز:طبيعي راح يشوفون بنت طالعه وش متوقعه بيسوون
غرام:تراك ماسكني من وصلنا للفندق اعتقني ياخي و راحت و دخلت دوره المياه و قفلت على نفسها و قامت تبكي
لاتنسون النجمه حبايبي 🥹🩷🩷
وبصير انزل خميس وجمعه فقط
