عند المها وحمد
راحو مكان بعيد شوي وفكت شعرها لان تدري محد فيه ولبست فروة سند وداهمها ريحة العود اللي فيه ماتنكر انها حلوة بس توترت ماتدري ليه واخذت كوب الشاي
المها: ايه قلي الحين مافي مهرب
حمد بضيق طلع المسباح المقطوع وهو يوريها وهو ضايق:انقطع يوم كنت اضرب سند الكلب
المها ضحكت:وهذا اللي مضيقك
اخذت المسباح :بيجيك احلى من ذا شتبي بعد
حمد:لانه من ضقت وصار له عندي منزمان وتذكرينه
المها: اذكره ماعليك ازهلني والحين قولي في شي ثاني انا داريه
حمد ضحك والتفت بجسمه للمها وقالها اللي صار كله يوم شاف ماسا
ضحكت المها:وتقولي مااحبها
حمد ضحك :ماادري اخاف انه بس اعجاب
المها:حمد صار لك ١٠سنين تذكرها وشلون تقولي اعجاب؟
حمد : طيب الحين شنو اسوي
المها بتفكير: وش رايك تخليني افكر بعدها نشوف
حمد : اي بالله ساعديني
حطت يدها على خشمها الاحمر من البرد :على هالخشم
ضربه بخفه : عليه الشحم يلا خلينا نرجع بردتي صح
المها:اي والله يلا
عدلت حجابها ورجعو بس ماكان فيه الا سند وكان يهوجس ويطالع شبة النار
تنحنح حمد: ها وين الربع
سند شافهم وشاف المها اللي واضح انها بردت :راحو ناموا
حمد :وانت مافيك نوم
سند :شوي وبنام
المها شالت الفروة ورجعتها لسند:مشكور ماقصرت
سند:العفو خليها عندك
المها برفض:لا لا انا اصلا بدخل انام خلها عشان ماتبرد يلاتبون شي
حمد وسند:سلامتك
المها :تصبحون على خير
حمد دف سند:وشفيك
سند :حمد انا تعبت ابيها ياحمد
حمد اللي كان حزين عشان سند: بس احنا مانعرف رأيها واخاف يصير شي
سند:بس انا ماعاد اتحمل ياحمد
حمد :معليه وانا اخوك تصبر
سند انسدح على رجول حمد وهو اللي فعلا كان متضايق وحمد قاع يقرا عليه ويمسح على شعره لين ماغفى سند وغطاه حمد وهو مابعد عنه ابد وهو يقرا ويدعي انه ربي يريح قلوبهم ثلاثتهم
.........
في الصباح
صحو وهم يشوفون سند نايم على رجول حمد وحمد غافي على المركى ونايمين على شبة النار اللي طفت صحوهم وقعدو وهم ماحسو بنفسهم يوم ناموا توضو وطلعو صلو الظهر جماعه واجتمعو ولاحظ ابو سعود غياب المها بالعاده هي اللي بتكون اولهم صاحيه
ابو سعود :بنات المها وينها
التفت حمد وسند اللي توهم حسو بغيابها
ام سعود :والله صحيتها بس مارضت تصحى قلت اخليها شوي
ابو عبدلله:عسى مافيها شي
ام عبدلله:ماادري انا مو متطمنه بروح اشوفها
ابو سعود :اي بالله شوفيها
.........
عند المها
اللي كانت تعبانه وهي لان مناعتها ضعيفه فاي تعب ياثر عليها تاثير قوي وابو سعود وام سعود ادرى بهالشي
ام عبدالله:المها حبيبتي اصحي فيج شي
المها بتعب بس تكابر:لا لا ياخاله مافيني شي
ام عبدلله تحسست جبينها اللي كان حار واجد:حرارتك مرتفعه وشلون مافيك شي
المها:ماعليك ياخاله هذا لاني كنت مغطيته الحين بقوم
ام عبدلله: المها انتي تعبانه
المها قامت:لا ياخاله الحين بقوم واجيكم
راحت ام عبدلله وهي مو متطمنه
المها اللي قامت وهي بالعافيه قامت وغسلت ولبست وعدلت حجابها وكان باين على وجهها التعب
.........
ابو سعود:ها يبنتي طمنيني وش فيها
ام عبدلله: هي تعبانه وحرارتها مرتفعه بس انها تكابر وقالت الحين تجي
ابو سعود ناظر ام سعود وحاطين يدهم على قلبهم ودخلت المها اللي باين انها ذبلانه :السلام عليكم
الكل :وعليكم السلام
ابو سعود:تعالي يبنتي وش فيك
المها بضحكه مصطنعه:مافيني شي ياعيوني شوف
ام سعود : تعالي علي تعالي
راحت المها وقعدت تتحسس حرارتها وشافتها مرتفعه :جده مافيني شي
ابو عبدلله :يبنتي وشلون مافيك شي ماشفتي وجهك
المها بتعب:هذا لاني مانمت عدل امس
العنود:بس كلنا نمنا بنفس التوقيت بس انتي كلها نص ساعه تاخرتي بس
حمد قرب وجلس جنب امه ومسك يد المها وناظر عيونها وحاولت تتجاهل المها نظراته لانه درى انها تعبانه
وطبعا سند اللي كان خايف عليها كان وده بهالحظه يمسك يدها ويعالجها ويضمها له فز سند لما ناداه حمد:سم
حمد:جهز السياره بنروح انا وانت والمها المستشفى يلا
المها :بس
قاطعها حمد يوم سحبها وراحت تلبس عبايتها حمد:خلكم هني بنشوفها ونطمنكم مسكه ابو سعود وبهمس قاله وش يصير للمها كل ماتتعب ووصاه عليها
طلعت المها. وصارت تترنح بمشيها وشوي تطيح ولحقها سند ومسك يدها:المها المها تسمعيني
المها صحت شوي وسحبت يدينها من يدينه:بخير انا بخير
جا حمد بسرعه ومسكها لما كانت ترجع لورا :امشي الله يهديك
سند فتح لها الباب وراحو وسند اللي تعلق بالمرايه وهو كل شوي يشوفها تتلوى من الالم وماكان حال حمد اقل منه
وصلو المستشفى
ونزلو بسرعه ونادو الدكاتره وهم خايفين عليها وحمد ماسكها ودخلوها وصار يسالها الدكتور وهي مو قادره ترد وسند تنرفز :انت ماتشوف حالتها اخلص سو لها اي شي
الدكتور ناظره وشاف الخوف بعيونه :اول شي تطمن ان شاءلله زوجتك مافيها شي بس بنعلق لها سيروم لانه التغذيه مره سيئه ومناعتها ضعيفه
سند اللي نسى كلشي وركز على زوجتك وابتسم حمد وربت على كتفه وهمس:ان شاءلله
والمها اللي ماكانت معهم لانها وقفت بسرعه اختنقت من جو المشفى وبعدها اغمى عليها وسندها حمد وحطوها عالسرير وغطوها وخلوها وبعد مده صحت المها وهي حاسه بصداع شديد وقامت تبي تتطلع وفتحت الباب وكانو قدامها سند وحمد اللي نايمنين على كتوف بعضهم وشافتها الممرضه واشرت لها تسكت عشان ينامون ودخلت وكشفت عليها الممرضه ووصفت لها علاجها وطلعت وشافت سند قام وحمد للحين طلعت وشافها سند وهي مبتسمه على منظرهم واشرت له يقعد عشان حمد وشافت اللهفه بعيونه والخوف واشرت بيدها👍🏻انها بخير ابتسم سند وصحى حمد وفز لها:وشلونك الحين
المها:افا انا تعبانه واخر شي انتو تنامون
ضحكو لما عرفو انها صارت بخير اخذو علاجها وطلعو وسند الي ماشال عيونه عنها وهي لاحظت وتوترت وماتنكر انه بدا قلبها يدق وقف عند بقاله ونزل اخذ لها اكل :امسكي عشان الدوا
المها:بس مو مشتهيه
سند:موب على كيفك اكليه يلا عشان الدوا
المها:تمام
انصدم حمد وشلون رضت المها بس عرف انها جيعانه وماعلق وصلو والكل كانو خايفين عليها نزلت وهي تضحك وكانت تطقطق مع حمد وسند
دخلو والكل يتحمد لها بالسلامه
المها: الله يسلمكم قلت لكم اني بخير لاتحاتون هدو
ام سعود:الحمدلله يارب
ام عبدلله جابت لها اكل : امسكي يبنتي اكلي عشان تتقوين
المها حست انه خالتها بقت معاها اخذت منها الكل وتقدمت باست راسها ومسكت يدها:تسلمين ياخاله تعبتي معاي يعطيكي العافيه
سند اللي كان فرحان لعلاقتهم ويشوف الحب بعيونهم
جلست ام عبدلله جنب المها وهي تاكل
رهف:ايه الحين صار الدلال لها
الغلا :ايه شفتي ياوخيتي صار لنا بديل وطالعو سند وعبدلله اللي كانو يضحكون :ماعليه ماعليه ياخواني لاتزعلون
المها حضنت ام عبدلله عشان تستفزهم وبادلتها ام عبدلله الحضن وهي تضحك :خالتي وامي شتبون انتو يلا موتو قهر
شهقت رهف والغلا:والله وراحت علينا
جو رهف والغلا وبعد حضنوهم والكل كان يضحك عليهم ومبتسمين اما سند اللي كان وده هالمشهد يتكرر واجد بس وهي زوجته
أنت تقرأ
وغلاك فالقلب ومسكنك فالعين...!
Poetryمها اللي عايشه بالديره بعد وفاة امها وابوها تركها من زوجته🐍ومتعلقه بخالها وتعتبره اخ وسند لها وماتحب تتعمق بالصداقات
