نجوم محرقة وليل "دامس"

بارت ٣١

#نجوم_محرقة_ولـيـل_دامـس

تعـــــليق بين الفقرات لطفاً ♥️.

حساب الانستكرام للتواصل من هنا :- ze8.h
الواتباد:- zai9_hr

⋆ ⋆ ⋆ ⋆ ⋆ ⋆ ⋆ ⋆
زَرف ترچية جَرحك ما يلمّه خيط .
➺ . ➺ . ➺ . ➺ . ➺ . ➺ . ➺ . ➺ . ➺ . ➺ .

نجمة :: الحياة ماشيه حسب مسارها وياه كل العالم إلا وياي تمشي اعوج عمرها ما استعدلت ولو لمره وحده من صغر لهذا يومي ، هو الحظ البخت النصيب لو هي هيج وياه اليتيم دومها عوجة وعاصره مرها .

اناشغ دموعي تارسة خدي اكرف من ٧ الصبح وهسه الساعة قريبا عــلى ١١ ، ما خله شي ما انظفة مطبخ ، قاعة ، كازينو ، ستيج ، حتى الغرف الممرات كلها .

احس ظهري مقسوم اثنين وألم جوه بطني بشكل مو طبيعي ، مجبوره انظف حتى لا ارجع النفس اسطوانه الضرب الچنت بيها .

غسلت المواعين نشفت ايديه وطلعت زهكانه
طبيت غرفتي سبحت وذبيت الأســود ، چان اليوم عدنا ب١٢ حفله عود متعيني چان حزين وساده .

دامشط بشعري وچان ينفك الباب فاتت إلهام

::- إلهام .

- تعالي كعدي كعدي جايبه الضيم وياي وجايه .

فاتت كعدت وجها مكلوب بلعت ريك عفت المشط ورحت عليها كعدت حتى بليه سلام .

::- خوفتيني .

- البارحة اجالي جــبران يگلي وحده مـــن بنات اليرقصن طلعت ملهى ثاني ورايـــدچ تسلمين مكانها وربع ما اخـــذ حتى تشترين بيت ملك الچ .

::- لو تموتين وتبقين بشوارع ولا طبين بهل مكان تبقين مطربة نعم حتى لو ٥٠ الف نعمة طبي سلف ام الخمسين وابقي الاخــيره وشكد ما چانت وانطي عربول ولفي رجلج وكعدي ولا هلخيسه .

- وبالاسبوع اطلع مره ومره لا يا دلاله تقبل بهيچ .

::- لعد رقص متشتغلين لچ لا تصدگي هذا وأحد كذاب شوفي اني شكد صار اشتغل هنا ما يوم انطاني ربع نوب انتِ كاعده عنده ويوميتچ ورقتين ميگلچ داخذ ايجاري .

- لازم اشتغل واشتريلي بيت نجمة لحد يا وين ابقى عالة نفترض خلصوا الست اشهر ذولي وين اروح بعدها اكيد اجي هنا اكعد هو اني ذاك اليوم لو ما سالفة ام لفتة وجاية اطلع حگ اخوية واللـــه ولا اجي ولا الفي لهل زبالة واكعد وانام مخبله انتِ اصير بايــــد جبران شوكت ما يقبل اطلع وشوكت ما يعصب الف رجلي واكعد هو البنات الي عايشات هنا تصدگين لو عدهن بيوت يجن لهيچ مكان انتِ هاي كدامي لو لـيـل طالع بقيتي هنا ، سنين صار يتحكم بيچ ساجنچ طلعه مثل البنات ميخليچ طلعين لوما العملية اللـــه اعلم شنو وراها چان فلا قبل طلعين نجمــة انتِ ما شايفة العالم ويــن وصلت وبغداد صار بيها كلشي تغير كلشي .