ف الصباح صحو ابو سعود وام سعود وراحو للمطبخ اللي جاي منه صوت ضحك دخلو :صبحهم بالخير
حمد والمها :صبحكم بالنور
ابو سعود :وش تسوون هنا لا يكون مصيبه
المها:لا لا يجدي قعدنا وقلنا نسوي الفطور ونصحيكم وراحت عند جدها تمثل الحزن
وبعدين ياجدي انا راعية مصايب لا لا ماتوقعتها منك قول ذا اشرت على حمد اي صدقت اما انا القطو ياكل عشاي
حمد بصدمه: افا جحدتيني بهالسرعه والله يبه هين اللي تخطط وانا انفذ لا تاخذك بكلامها المعسول
المها :شفت يجدي يبي يخرب علاقتنا وحطت راسها على كتف جدها تمثل انها قاعد تبكي وابو سعود رفع عصاه وضربهم ثنينهم بخفه : انتو ماتبطلون هالحركات اعقلو طلع هو وام سعود اللي فرطت ضحك عليهم وهم يبون الفزعه منها المها بهمس لحمد: والله جحدونا
حمد:اي والله لنا الله بعدين تذكر انه هي بعد جحدته وناظرها بسرعه وعرفت هدفه وحطت باثمه اكل وطلعت تصحي البنات
............
المها: ماودي اخرب نومتكم بس يلا قومو افطروا وصلو الظهر واذا تبون ردو نامو
البنات بتعب : مانبي نفطر
المها: افا والله بيروح عليكم الفطور الزين كل مالذ وطاب
الغلا قامت :لا اذا الفطور زين مالازم نطوفه قامت وهي والمها ويسحبون بالبنات ويرمون عليهم مخدات الين ماقامو البنات عليهم وراحو انحاشو راحت الغلا الحمام اكرمكم الله وراحت المها تحط الفطور
.........
عند حمد وهو يسحب بسند والعيال : قومو يالله عشان ماتسمرون مرا ثانيه قومو وانت ساعدني اخلص واشر لعبدلله اللي كان قاعد قبل
قامو يسحبون فيهم حمد همس لعبدلله:شوف وانا اخوك مالنا الا حل واحد
عبدلله :وش
حمد:الحين اعلمك وراح متجه لبطل الماي اللي كانت عالطاولة وفتحها والعيال كلهم نايمين جنب بعض وهذا سهل لحمد اللي رش عليهم وصحو مفجوعين وقامو عليه بس ماامداهم لانه وقف ورا ابوه اللي انصدم من منظر العيال :وش فيكم شصاير
سند:جدي شف ولدك وش سوا
خالد وهو يبي يستعطف جده :جدي يعني لو ان اخترعنا ووقف قلبنا وش بنسوي
حمد الي انصدم والعيال يعززون لخالد ضحكو بعد ماطق ابو سعود حمد بالعصا وانحاش:هيييين والله لاوريكم يبه والله تعور
العيال منهارين يضحكون وام سعود جت يوم سمعت اصواتهم:وش بلاك عالولد وش سوا
حمد احتمى في امه ويمثل انه ظالمينه: مخرعهم لو وقف قلبهم بنقعد نطالع وجهه
ام سعود وهي تطق حمد خفيف : ماعليه حصل خير ماتتكرر
وضحكو الكل وتجهزو للفطور وبعدها راحو العيال والشياب المسجد عشان الصلاة
.........
عند البنات
صلو وخلصو وبلغتهم ام سعود انه اكيد بيجون اهل الديره بيسلمون عليهم وصار حاله استنفار اللي ينظف واللي تطبخ واللي تبخر واللي تسوي قهوة الا هناء اللي مسوية نفسها تعبان وهي اصلا رفلة
رهف :وش عندها الدبة قاعدة ماتساعد
المها وهي للحين مااحتكت فيها ولا تعرفها الا من وصف حمد :تقول انها تعبانه حرام خلوها
خلودشهقت:والله انها كذابه
العنود : جد لاتصدقين هي ممثلة درجة اولى
الغلا:بنات جدتي تبي وحده تاخذ القهوة للمجلس وانا صراحه تعبت
المها :هاتي انا اوديها والله يبنات تعبتكم معاي يعطيكم العافيه
العنود:لاتقولين كذا حنا خوات ولا يبنات:
اي وهي صادقه انتي اختنا
ماتنكر المها انه دق قلبها لهالكلمة بس ماكانت تبي تعيش نفس التجربه :الله يديمكم لي
البنات:آمين
.........
عند سند اللي رجع ياخذ اغراضه لانه نساهم والعيال يحترونه برا دخل بدون ماينادي ودخل المجلس بس مالاحظته المها وشافها وزادت دقات قلبه ولاقدر يوقفها وتعوذ من ابليس وطلع بسرعه
وشافه حمد :وين الاغراض
سند اللي للحين يهوجس:ها
حمد اللي شك :سند ابي اكلمك بموضوع
سند اللي انتبه:تم متى
حمد :بس يردون نطلع انا وياك لمكانا اللي انت خابره
سند اللي توتر بس مابين:ابشر
وابو سعود الي لاحظهم بس مايبي يتدخل وراحو يتمشون والناس تهلي وترحب وهم يشوفون بيت زايد اصوات الفرحه معتليته وهم فرحانين لفرحه وابو سعود كان له مكانه خاصه بالديره والكل يحترمه ويقدره
وقررو انه العشا ببيتهم اليوم وهالشي كفيل بانه الكل يحوس مو بس البنات
.........
وصلو العيال ونزلو الاغراض للعشا
ابو سعود :المها يابنتي وينك
جت وهي تلف حجابها وواضح انه الكل منكرف :سم ياجدي ناديتني
ابو سعود:ايه يابنتي بس ابلغك اهل الديره بيجون للعشا وابيكم تضبطون اموركم
المها:ابشر ياعيوني ماطلبت شي وباسته على راسه
وهالشي تحت انظار الكل واللي مو منتبه لهم المها وهذا احلى شي فيها ماتهتم لاحد او شي
ابو عبدلله:وحنا مالنا شي
انتبهت المها استحت وراحت باست كل راس خوالها وجت لحمد اللي ضحك من خجلها :ليه تضحك
حمد:وجه الاحمر يضحك
تحسست وجه وكان حار باست راس حمد ودخلت بسرعه قبل لايطقطق عليها بعد
وسند اللي من بعد ماشافها بالمجلس وكل ماشافها يدق قلبه ولا يقدر يوقفه
حمد دفه: مشينا
سند:يلا
حمد: يبه بنطلع انا وسند مانتاخر
ابو سعود درا فيه شي :تمام بس تعالو تساعدون العيال
حمد وسند:ابشر
.........
عند البنات جهزو لباسهم عشان بس يخلصون كرف يلبسون بسرعه ويطلعون للحريم لانهم مايبون يتعبون خالاتهم وجدتتهم
وفعلا خلصو بسرعه وطلعو جهزوا وكانو اميرات بملامحهم الهادية الانثوية كانو يمشون مع بعضهم ويضحكون وهم بكامل اناقتهم والكل يناظرهم وام سعود قعدت تحصنهم وتذكر الله وصارو البنات اللي تضيف حلو واللي تصب قهوة واللي توزع ماي والكل معجب فيهم
وهناء اللي منقهرة وقاعده تخز فيهم
وهم مااهتمو لها ولا طقو لها خبر
.........
عند حمد وسند
حمد : يلا قول صارلك من يوم جينا مو طبيعي
سند:وش اقول
حمد: سند ادري انك تحبها وانا شاهد على حبك بس قولي شفيك صارلك يومين موبطبيعي
سند توتر:ماعندي شي اقوله
حمد بحده :سند
سند اللي يدري انه مستحيل يخليه الين يتكلم :طيب باقولك واقولك بعدها انا وش فيني
حمد:قول
سند اللي قاله كل اللي صار ولمسته وشوفتها بالمجلس واعتذاره:هذا اللي صار وانا والله وبالله وتالله ياحمد اني ماقصدت هالشي وانت تدري اني اكثر واحد يبيها ولا يبي يضرها
حمد حط يده على كتف سند:والله وانا اخوك الي ادري فيك لكن ياسند بقولك كلام وخله ببالك انتبه ياسند تتمتع بالحرام او تفكر فيه ودايم ياسند البداية اللي ماترضي الله نهايتها مابترضي صاحبها وانت خلها لين ماتتذكرك شوي وتقدم لها لعل وعسى تكون من نصيبك وانا اخوك
سند:واذا ماكانت تحبني وش اسوي بموت ياحمد
حمد:بسم الله عليك لاتقول كذا انت تقدم واللي يصير يصير وانا معاك وبسندك وانت تدري بهالشي
سند : اي والله ادري ربي مايحرمني منك ياعضيدي
حضنه حمد اللي كان مهموم من هم سند
وراحو عشان لا يتاخرون
.........
ام فيصل (طيبه وزوجها اطيب منها وفيصل ابنها الوحيد اللي كان رجل وشجاع واهم ماعليه امه وابوه ورضاهم):من بنته ذي ؟ كانت تاشر على خلود
ام سعود : هذي خلود بنت ابني عبد. العزيز
ام فيصل :ايه والنعم ماشاءلله عليها
تقدمت خلود تضيفها وهي تبتسم
ام فيصل :بعرسك يابنتي
خلود :وانتي حاضره
والبنات اللي كلهم سمعو هالكلمه
تجمعو البنات بالمطبخ وقعدو يحشون ويجهزون
محمد اللي جا ركض وهو يلهث: وتين وتين طاحت وتعورت
العنود:من اللي طيحها
محمد:ماادري تعالو
خلود: خلاص خليكم انا بشوفها عشان لايحترون الحريم واخذت علبة الاسعافات الاوليه
وطلعت شافت وتين قاعد تبكي وماسكه رجلها
خلود ردت شعرها ورا اذنها :وشفيك ياقلبي انتي خلاص مافيه شي لا تبكين ي عمري
ومسكت رجلها وعالجتها وحطت لها لصق جروح :الحين مو حنا قلنا وتين بطله ماتبكي وقويه
محمد:صح
خلود :انتو ابطال هذا شي بسيط المفروض ماتهتمون له مسكتهم وحضنتهم وهي كانت بتبكي معها بس مسكت نفسها وباسوها محمد وتين وكملو لعب
كل ذا تحت انظار فيصل اللي جا بيغسل وسمع صوت بكي ووحده تواسي وهي بتبكي تقدم وشافها الهوا يلعب بشعرها البني الطويل وثوبها السماوي اللي يخطف القلب وهي يتأمل ملامحها الهاديه والحلوه وضحك على تصرفها وهو ماكان قصده يشوفها ورجع وهو يسمع صوت العيال وابو سعود
خالد : فيصل والله واشتقنا لك
فيصل :والله انا اكثر انتو اللي رحتو وغبتو بس ماعليه دام رجعتو ورجع معكم الفرح والسرور بنرجع ايامنا
العيال كلهم عززو له
.........
عند ابو سعود وعياله وعيالهم اللي راحو يحطون الاكل
ابو سعود:ياولد
المها: سم جدي تعالو مافي غير البنات والحريم
ابو سعود دخل وهو يوزع عالعيال المهام
:مسعود وعبدلله افرشو زل زياده برا وخالد طلع كراتين اللبن والببسي عشان يتوزعون وحمد سند ساعدو الرجاجيل وشيلو هالصياني
وكلهم نفذو كلامه وحمد وسند يعدلون عالعيال لانه يعرفون للديره اكثر منهم وكان نفس الحال عند البنات
.........
وبعد العشا والضيافه سكر سند الباب ورا اخر ضيف ورجع تنهد بتعب وانسدح على رجل حمد :اههه تعبت احتاج احد يهمز لي ياجماعه
العيال كلهم كانو تعبانين وابو سعود ضحك على اشكالهم وكان يبي يصدمهم وهو يمزح:ماقلت لكم هذي العزايم بتضل اسبوع قدام
العيال فزو بصدمه:هااااا
ضحك ابو سعود وعياله عليهم من وجوهم
حمد:الله يهديك يبه شايف وضعنا يسمح للمزح
ابو سعود :يلا يلا قومو نامو ريحو يعطيكم العافيه
.........
عند البنات بعد ماخلصو قعدو ام سعود والحريم والبنات وقعدو يحشون ويضحكون وهم قاعدين على القهوة والحلى اللي بقى واللي كانت محور الحديث على خلود وان فيصل اللي ماشالت عينها عنها وقاع يطقطون عليها البنات وهي تسكت فيهم بس ماكو فايده
فجأه لاحظو هناء اللي تخز المها وقالت: وذي ابوها مايجي يضفها ولا بتقعد هني بتعنس
البنات انصدمو وخايفين انه المها تنهار لان الموضوع حساس وام سعود اللي خزت هناء وماردت لان تدري انه المها بترد وتسكتها سنه قدام المها اللي اعتدلت بجلستها وابتسمت ابتسامه استفزت هناء وقالت: والله ي قلبي لقعدت ببيت ابوك ذيك الساعة انبحي بس انا قاعدة ببيت جدي وجدتي اللي هو بيتي ولا ياجده ؟
ام سعود ضحكت ومسحت على شعر المها :اكيد ي قلبي بيتك انتي
هالشي صدم الكل وضحكو على تعابير هناء الي انصدمت وماقدرت ترد وطلعت المها وخلتها تغلي وتطحن بنفسها والبنات متشمتين فيها :احسن
.........
دخل حمد المطبخ يبغى له بنادول شي لانه صدع وجت المها الي كان متكدر خاطرها شوي
حمد الي اخذ البنادول :وشفيها المها
المها:مافيني شي
حمد:المها
المها: طيب قالتله السالفه كلها وضحك حمد بكل قوته وهو فخور فيها
حمد :والله انك كفو بس ليه ضايقه
المها :انا ماهتميت لها طز بس الحين خالاتي والبنات بياخذون عني فكره غلط
حمد : لا لا معليك الكل عارف لها
دخلت رهف اللي سمعت كلامها: لا والله بالعكس انتي رفعتي راسنا لانها تستاهل وماعليك الكل مستانس عليك حبيبتي حنا خفنا تنهارين بس ماتوقعنا انك كفو وتقدمت تحضن المها وجو البنات ودخلو بالجو وحمد اللي طلع وابتسم وتمنى انه المها تغير فكرتها
أنت تقرأ
وغلاك فالقلب ومسكنك فالعين...!
Poetryمها اللي عايشه بالديره بعد وفاة امها وابوها تركها من زوجته🐍ومتعلقه بخالها وتعتبره اخ وسند لها وماتحب تتعمق بالصداقات
