بعد ماخلصو جابو الذبيحه عشان يقطعونها ومها تغسل الكرشات
جا حمد وسند حطوها وقعدو يريحون شوي وجت المها ورا حمد وصارت تهمز له كتفه وهي تدري انه مارح يقولها بس تعرف تستدرجه بالكلام
المها: ايهه وين السناعه وذبحتنا بسناعتك اخر شي سند هو اللي سواها
ضحك سند من هالاطراء المفاجئ
حمد وهو تنرفز شوي وبدون مايحس قال:والله لو مو اصابتي كان سويت عشر ذبايح
بعدين جاته لحظة ادراك وسند طالعه بصدمه وغمض عيونه حمد وهو نسى ان المها تقدر تاخذ منه كل علومه
المها جت قعدت : ايوااااا الحين بتقولي شسالفه مافي مهرب اعترفت وفي شهود بتقول يعني بتقول
حمد ضحك بصدمه هو وسند :ابقول بس مو الحين بعدين احسن مايجي ابوي ويحطنا كلنا بدال هالذبيحه تعرفونه
المها :اوعدني
حمد:وعد خلاص
المها : لا لا مو كذا الوعد اللي انت خابره
ضحك حمد وحط يده على شواربه وقال:وعد ها رضيتي
فتلت شواربه وقالت : ايوا كذا
كل ذا وسند يناظرهم كان مبتسم على علاقتهم وفيه شعور انه يبي هالاهتمام يكون له بعد بس قال بنفسه : ماعليه الايام جايه جايه
تنحنح حمد لما شاف سند قاعد يهوجس ويطالع المها :يالله خلونا نخلص ورانا اشغال ثانيه
فزوا المها واقفه تغسل وحمد وسند قاعدين يقطعون اللحم وسند كان صاد على حمد ومعطي المها ظهرها عشان لايحرجها اذا صار شي وفعلا ارتاحت المها وهي قاعد تشتغل
حمد :ايه سولفي تدرين مااحب اشتغل وانتي ساكته
ضحكت المها وسند كان مستمع ومستمتع وقالت :شسولف لك وانت سالفتي
ضحكو وقال حمد :الله الله وش تقول المها بعد
ضحكت وتنحنحت وقالت :
يقول
اجيه مهموم ومتكدر ضايق صدري
واعود والحزن فيني معلن إنهزامه
مجرد مااقرأ اسمه ينشرح صدري
وتبان بوجهي من غلاته علامه
لاني واثق بانه مايخيب ظني
وتعود لي البسمه من عقب كلامه
اجيه شايل همومي وهو مايدري
وافتح معاه مواضيع ادور ابتسامه
صفق حمد وصفر : الله الله صح لسانش
سند اللي كان مبسوط وكان سارح دفه حمد وقال : صح لسانج يابنت عمتي
المها وهي استحت لانها اصلا كانت عفويه وناسيه انه سند معاهم :صح بدنكم
وبعد ماخلصو حطو الطبخ برا المطبخ والمها قاعد تنظف المطبخ وجو حمد وسند وقالت : انتو نصابين زين
حمد ضحك على شكله وهي شايله الشطافه ومتخصره وحجابها مو ضابط: افا ليه
المها :وتسالون ليه عيل ماتستحون على وجهكم تاركيني بهالحوسه ونحشتو
بعدين المها استوعبت كلامها انه مو بس حمد معاها من وجه سند المصدوم بعدين نزلت راسها: سند اعتذر ماقصدي هالكلام لك بس اني متعوده على حمد لاتشيل بخاطرك
سند:لا لا ماله داعي تعتذرين ماصار شي
وحمد يبي يغير الموضوع مايحب المها كذا :خلاص خلاص لاتموتين علينا الحين اطلعي واحنا بنكمل
جت تضحك : تسلم يااحلى خال وباسته وطلعت قبل يناديها
ضحك عليها سند وقال حمد : يالخو بطل تسرح واجد ولا تم ساكت كذا بتحسسه انه قاعد تسولف لطوفه
سند :ابشر وجا يقلد المها وباس حمد :يعععع ياشيخ الله يدبل كبدك وش ذا
ضحك سند بكل قوته وهو يشوف تعابير وجه حمد
.........
عند المها بعد ماطلعت صادفت البنات وقالت لهم : انا ابي اجهز نفسي تقدرون تجون معاي اذا تبون شي والبنات كانو يبون يضبطون نفسهم بس مو متعودين عالمكان طلعو معاها
وراحو غرفتها الي كانت تهبل ومرتبه ومعطره اخذت لها المها شي تلبسه وتطلع والبنات قاع يجهزون نفسهم
طلعت المها وكان فستانها يجننن وكل البنات سمو عليها وانحرجت المها :بنات تكفون مااحب المدح واجد
ضحكو البنات على اسلوبها وجت تجهز وهم كل تجهيزهم ضحك بضحك لان المها كانت تحط ايلاينر للعنود وكل شوي يضحكون البنات العنود ويخرب الايلاينر المها وهي خلاص صارت تمون عليهم لانها بسرعه تدخل بالجو : بنات تكفون ابخلص وراي شغل وانتي لا تضحكين خلاص
العنود: شوفيهم هم
والبنات كل وحده مسويه وجه يضحك وضحكت المها : خلاص ولا والله اطلع واخليكم الحين
البنات : لا لا خلاص
خلصو وطلعو كلهم يجننون رغم البساطه ونزلو مجموعه ودخلو والكل يسمي عليهم ويدعون انه ربي مايفرقهم
البنات :السلام عليكم
الكل : وعليكم السلام
ابو سعود : يه يه وش هالجمال كله وبي يحفظكم
ابو عبدلله : ربي لايفرقكم
الكل : امين
استحو البنات وقال حمد : ولا بعد يبه يستحون توني ادري
المها الي جت جنبه وقرصت خفيف بدون ماحد يشوفها
توجع حمد : هيين يالمها ان ماتليت شوشتك مااعرف شي انطري بس
الكل كان يراقبهم وهم يضحكون وكانو حابين علاقتهم وسند اللي طالعهم وصار فيه فضول يعرف وميل لحمد: وشفيك
حمد بوجع : اسكت انا احسن مااتل شوشتك بعد
ضحك سند ودرى ان المها مسويه شي
ابو مسعود : ايه يالمها شخبارك عساك طيبه
المها: بخير دامكم خوالي
الكل ابتسم لها لاشعوريا
أنت تقرأ
وغلاك فالقلب ومسكنك فالعين...!
Poetryمها اللي عايشه بالديره بعد وفاة امها وابوها تركها من زوجته🐍ومتعلقه بخالها وتعتبره اخ وسند لها وماتحب تتعمق بالصداقات
