🦋 إسكريبتات شروق حسام 🦋

إسكريبت 🦋 غفرانها 🦋

إسكريبت 🦋 بقلم شروق حسام 🦋

_" أنا اتجوزت. "

_" فريد بطل هزارك ده واقعد عندي ليك خبر لا مش خبر عندي ليك مفاجأة تجنن هتبسطك أوي. "

_" أنا ح... "

فريد بحزن وهو بيقطع كلامها

_" أنا مش بهزر أنا اتجوزت منال والنهاردة كان كتب كتابنا. "

فريدة بصدمة " أنت بتقول إيه أنت شكلك اتجننت ومش في وعيك أنت مستحيل تعمل فيا كده؟ بعد الحب ده كله. "

_" الشرع محلل لي 4 وأنا اتجوزتها عشان أربي ولاد أخويا ويبقوا في حضني ومايتربوش مع حد غريب. "

_" ههههه اتجوزت حبيبتك اللي سابتك زمان ووافقت على أخوك عشان فلوسه لا برافو. "

فريدة بقوة " بص بقي يا ابن عمي ياللي المفروض تبقي سند ليا في الدنيا أنا ضحيت كتير عشانك وعملت المستحيل عشان اتجوزك بس اللي بيجي عليا بنهيه من حياتي لا مش بنهيه بنفيه شغل أنا بحبك ماتتجوزش عليا ماتسيبنيش مش عليا أنا أنت فعلًا واحد ما يستاهلش صدق اللي قال الخيانة مابتجيش غير من أقرب حد ليك. "

_" بتحسب إيه بتحسب إنِ مغفلة وإن أنا مش عارفة علاقتك بيها زمان واللي أنت كنت بتحبها من ورا أهلك وكنت مستني الفرصة المناسبة عشان تتجوزها بس هي سابتك زي......أعرفها أنت بقى من غير ما أقول. "

_" يا فريدة اسمعيني أمي هي اللي قالت لي اتجوزها وإلا هتغضب عليا ليوم الدين هي مش عايزة إن أحفادها يتربوا بعيد عنها. "

_" أوه مرات عمي أمي التانية فعلًا ههههه الخيانة مش بتيجي غير من القريب ده أنا كنت بحبها أكتر من أمي نفسها كنت بهتم بيها وأجهز لها الأكل وأنضف لها الشقة كنت زي الخدامة تحت رجليها باعتبارها أمي وصاحبتي وكل ما ليا وبير أسراري اللّٰه يرحمك يا بابا مت قبل ما تشوف اللي ابن أخوك بيعمله فيا لو كنت عايش كنت جبت لي حقي بس عادي أنا هجيب حقي بإيديا. "

_" أنا نازلة شقتي ويا ريت ورقه طلاقي توصلني في أسرع وقت عايزة أخلص من القرف اللي أنا فيه ده. "

فريد وهو بيحاول يحضنها " واللّٰه العظيم هي فترة وهطلقها أنا مش بحبها مابقيتش أحبها واللّٰه بحبك أنتِ أنا عملت كده عشان أمي وعيال أخويا مايتربوش مع الغريب يجي لها بس ابن الحلال وأنا هطلقها وهجوزها بإيديا. "

بعدته عنها وهي بتضربه بالقلم على وشه وبترفع صباعها ناحيته بتحذير

_" إياك تقرب مني تاني أنا بحذرك وإيه اللي أنت بتقوله ده عذر أقبح من ذنب كان في 100 حل غير ده إنك تعمله وتحافظ على ولاد أخوك المرحوم زي ما أنت بتقول بس أنت حنيت ليها تاني. "

_" ده يا جدع إسمي جزء من إسمك، إزاي قدرت تعمل كده فيا؟ ها قول لي إزاي؟ مبررات مبررات مبررات مبررات فاضية ملهاش معنى أنا مش عايزة مبرراتك أنا عايزه أطلق. "

_" أنا مش ضعيفة ولا مكسورة زي ما أنت فاكر أبويا اللّٰه يرحمه عمره ما علمني الضعف أنا أقوى من ما أنت متخيل مش أنا اللي اتكسر بسهولة يا...يا زوجي الخاين المصون كلمتين مختلفتين صح بس عمرهم ما يليقوا مع بعض أنت خاين وبس خاين. "

_" خلي السنيورة تنفعك يا طليقي المستقبلي هي وولادها وأمك معاهم بالمرة اللّٰه يجحمكم. "

_" حسبي اللّٰه ونعم الوكيل فيكم وفي كل واحد بيتجوز على مراته اللي بيحبها أو اللي عامل نفسه بيحبها أصلًا. "

دخلت لميت هدومي بسرعة وأنا كاتمة حسرتي وصدمتي جوايا وأنا نازلة على السلم قابلتها

منال بشماتة " هيهيهي أخبارك إيه يا ضرتي؟ "

_" إيه ده أنتِ رايحة فين؟ فوفو حبيبي طلقك ولا إيه أنا عارفة إن هو بيحبني أنا اشترطت عليه مايبقاش ليا ضره ويطلقك. "

_" حلوة الأحلام حلمك اتحقق المرة دي خديه واشبعي بيه يكش تولعي أنتِ وهو بجاز بجاز إيه ده الجاز أغلى منكم. "

منال وهي بتزقها " أنتِ بتقولي إيه يا حيوانة؟ "

#غفرانها
#شروق_حسام