ابو عبدلله : ان شاءلله بنقعد هنا شهر كامل وبعدها نصير نروح ونجي براحتنا
ابو سعود كان فرحان :الحمدلله يارب
ام سعود :اي والله هذي الاخبار اللي تفتح النفس
ابو مسعود بضحك :ايه والله اشتقنا لجمعاتنا الحلوه اللي ماتخلى منكم
الكل :اي والله اشتقنا
ابو سعود اشر للمها اللي كانت واقفه جنب حمد جت وهمس لها الجد:يابنتي زهبي الغدا وحطي عشان بعدها نذبح الذبيحه عشان العشا المها :ابشر ياعيوني
طلعت والكل مبتسم ومنعحب فيها وبسناعتها رغم ان شكلها انثوي وملفته بس سنعه وطلع وراها حمد وراحو يحطون الاكل باشراف ام سعود وكانو ام عبدلله وام مسعود وام خالد معها والبنات راحو يرمون عباياتهم وطبعا بعد الضحك وهواش الجده لحمد والمها خلصو وحطو الاكل بعد ماتغدو وخلصو ساعدوها البنات وهي مستحيه منهم :مايحتاج يابنات يعطيكم العافيه
رهف:لا لا وش هالكلام بس
خلود : مايصير لازم نساعدك ونطلع كلنا مع بعض
العنود :والبنات صادقات بعد
الغلا : يلا عاد بلا كلام فاضي خلصو عشان يمدينا نطلع بدو يشتغلون وتعودو على بعض وكان ثلاث ارباع الشغل للمها بحكم انه مطبخها وتعرف فيه طلعو البنات وجا الجد وحمد ابو سعود: بنيتي عفيه زهبي لنا عدة الذبح وسنّي السكاكين المها :تمام ياجدي حمد لاحظ تعبها وقال: يبه ماعليه انا وسند بنسوي كل شي اشتقت حق هالايام
ابو سعود : اي ماعليه بس يابنيتي وقفي معاهم خاف يحتاجون شي
المها:تم
وطلع الجد وجا سند اللي شوي تعودت على وجوده تخصرت وتمثل انها معصبه وطالعت حمد : وبعدين شقصدك يعني انا رفله مااعرف اسوي شي
سند مصدوم وحمد اللي ضحك ويدري انها تمثل وصار هو بعد يمثل :اي نعم عندك شي
سند بصدمه اكبر :وشفيكم انتو
المها ضحكت ونفخت بتعب :مو مشكله اهم شي انك انقذتني لاني تعبت بالحيل
حمد: دريت انك تعبتي لاجل كذا اقعدي هناك ولا تسوين شي
سند :انتو تمزحون صح لان مافي حدا صاحي منكم
ضحكو عليه وقال حمد: بكرا تتعود وطالع المها وضحك وقال محد عارفها قدي
............
عند البنات
رهف:ماشاءلله تبارك الله تهبل يابنات شكلها واسلوبها
الغلا:اي والله ماشاءلله
خلود:هذا غير سناعته حنا ساعه نفتر بالمطبخ وهي خلصت بسرعه ماشاءلله
هناء وهي جايه سمعت كلامهم :عالفكره تراها عاديه واقل من عاديه بعد ماادري وش عاجبكم فيها
العنود وهي ماعاد تطيق هناء وصارت ماتسكت لها :اللي مايطول العنب حامضٍ عنه يقول
خزتهم هناء وطلعت والبنات ضحكو رهف:والله انك بردتي حرتي ويعع ماادري هذي الدبة وش تبي
الغلا :حبيبتي غيرانه بس لاتروح تسولف معها او تسوي لها شي
وهذا اللي كانو خايفين منه البنات لانهم هم يقدرون يسكتونها وحاطين لها حدا ومايعرفون المها عدل
جو الحريم
ام عبدلله:يابناتي اسمعو ابقولكم شي
الكم :سمي
ام عبدالله:روتين هنا يختلف عن هناك ١٨٠درجه فلازم تتعودون عليه
خلود:وشلون يعني
ام خالد :يعني القومة الصبح قبل اذان الظهر والتلفون ماتمسكونه واجد وحجابكم يضل على راسكم
ام مسعود: واهم شي تقربو من المها وساعدوها حرام كل هالشغل عليها والحين احنا واجد
ام عبدالله:تمام يابنات؟
الكل :ابشري
وهم قام يتحلطمون على قومة الصبح وشلون ماارح يمسكون التلفون اكيد بيكون ملل بس مايدرون ان بينسون الملل بالديرة اللي تجبر الخاطر
......
عند ابطالنا
طلع حمد وسند عشان يذبحون الذبيحه بحكم انهم متعودين لان هذا شغلهم وماكان يثق ابو سعود الا بحمد وسند لانه عاشو عنده وعرفو اطباعه بعد ماسمى حمد وقطع راسه علقوها وصار حمد يصلخ فيها فجأة نزل يده بسرعه لما حس بوجع نفس الكهرب بكتفه وماكان جنبه الا سند :عطني عطني انا اكمل وش بلاك نسيت اصابتك
حمد بوجع:مادريت فيها
سند:تحتاج اوديك مستشفى
حمد :لا لا مايحتاج الحين تخف واصير احسن
حمد اللي تحمد ربه انه مافي احد شافه بس ماكان يدري بالمها اللي كانت تراقبهم وخافت وقعدت تسمي عليه
أنت تقرأ
وغلاك فالقلب ومسكنك فالعين...!
Poetryمها اللي عايشه بالديره بعد وفاة امها وابوها تركها من زوجته🐍ومتعلقه بخالها وتعتبره اخ وسند لها وماتحب تتعمق بالصداقات
