ياوطن قلبي

Part 12

                                    ~ ياوطن قلبي ~

فارس بتعب: طيب كيف حالته
نجد بصوت كله تعب : على كلامهم حالهه خطيره
عبدالعزيز ابو نجد: طيب ليه ما دخلتي عنده
نجد بخوف : لاني لاني خـ خايفه !
تقدم ابو نجد يحضنها : من وش يروح ابوك ان شاءالله يكون بخيير ويقوم بالسلامه بس براحتك لا تدخلين روحي شوفي سطام
قبل جبينه بحب ونطق: يلا ي نجد روحي شوفي ولد فراس
راحت وهي تفكر يعني ذا ولد صديق ابوها ولا ابوها غلطان ؟
ابوها كان يحكي لها عن اعز اصحابه وكل العائلة تدري ان فارس مو ولده حتى فارس بس تقبل العيشه معهم وحبهم وهم حبوه
دخلت نجد عند سطام الي فتح عيونه اول ما سمع صوت الباب ونطق بصوت كله تعب: انا ليه هنا ؟
نجد بهدوء: لانك تعبت وطحت علينا؟
سكت ورجع يسكر عيونه بتعب نطقت نجد بتردد: فيه شي يعورك؟
هز راسه بـ"لا" وهي جلست على الكنب الي عنده بالغرفه تفكر
بعد ١٥ الى ٢٠ دقايق
دخل فارس بستعجل وهو جاهل ان سطام صاحي
نطق بسرعه: نجد ادخلي شوفي نواف طول
نط سطام من السرير ونطق بخوف: وشفييييه نوااااف!!!!
نجد سكرت عيونه بتعب وقامت ضربت فارس على راسه : غبي انتتت!!
مسك راسه بالم : وانا وش درانيي انه صاحيي!
تقدمت نجد تهدي سطام: سطام مافيه شي بس تعب يوم شافك طحت بس.
سحبه قريب منه ونطق بصوت كله خوف وعيونه بعيونها : انتي تكذبين علي ما كان يدري انه طحت لانه رايح الريااض!
نجد كانت ساكته وخايفه لانه كان قريب بقوهه منها لدرجة تحس بانفاسه على وجهه ونطقت برتباك: س سطاام فكني
تركها وبدا يبعد المغذي عن يده بشكل عشوائي نطقت نجد بخوف وهي تمسك يده: اصببر انا افكه خلاص اتركه
نزلته وقام يركض برا الغرفه تقدم يشوف ابو نجد وتركي جالس على الارض يبكي وملهم ماسك راسه وجالس على الكرسي تقدم يجلس قدم ملهم بخوف ونطق بصوت كله خوف وحزن: تكفى تكفى اخوي فيه شي عضيدي فيه شيي
سكت ملهم لانه ما يدري وش صار على نواف حي ميت محد يدري قام بعد ما شاف الدكتور طالع وقامو كلهم معه تقدم للدكتور : دكتوررر اخوي فيه شييي؟
هز راسه الدكتور بهدوء ونطق: حالته مستقرة حاليا وان شاءالله يتحسن
نطق سطام : طيبب اقدر اشوفه ؟
الدكتور هز راسه" لا" : خله يرتاح وبكره تقدر تشوفه
سكت سطام يجلس على اقرب كرسي له وهو خايف تقدم يجلس جنبه فارس يطبطب عليه رفع راسه سطام وتذكر ليه هو بالمستشفى ونزل راسه لفخذ فارس الي كان بنفس لبسه ونطق بصوت شبه عليه : انت ولد من؟
سكت فارس بصدمه وكانه وضح له ليه سطام تعب قبل شوي
نطق بنفس السوال مره ثانيي ودموعه تنزل غصب : اانتت ولد منن؟؟؟
نطق عبدالعزيز ابو نجد: ولد فراس رباح آل عبدالله
سكت سطام وهو مو مصدق ولف يشوف وجه فارس الي تغير ونطق يصوت يرجف: انا سطام فراس رباح آل عبدالله
كانت الصدمه سيدة المكان الشخص الوحيد الي مو مصدوم ابو نجد لانه عرف انه سطام اخو فارس او برق
ابتسم ابو نجد ونطق : وهاذا اسمه برق فراس رباح آل عبدالله
تقدم سطام يحضنه وهو منهار منهار من كل شي منهار من الحياه والضروف والمصايب كان محتاج ينهار عشان يرجع سطام الي قبل سطام الي الكل تعود عليه
-
بعد اربع ايام الصبح امس كان زواج ولد عم ملهم حضروه ومشو للرياض ونواف اخذه الاسعاف قبلهم لمستشفى في الرياض كانت حالته كويسه بس كان عنده كسر في كتفه وجروح في وجهه
عند اهل ال سليمان
الجد سليمان: سطام حلفت ان تقعد عندنا شف بيت ابو نجد خلص بتاخذون الشقه حقته انت وخوانك
سطام : والله اعتذر ي عم بـ
قاطبه الجد سليمان: والله ي سطام اني لا ازعل عليك
ابتسم سطام بحب: ابشر والله ابشر
وقام يبوس خشم الجد سليمان ابتسم الجد سليمان بحببب كبير لذا الشخص يحبه حيلل
-
في بيت اهل ملهم
كان جالس بغرفته يتابع فلم طق باب غرفته نطق وهو منسدح: مينن
نطقت بحزن كانت حابسه نفسه من ايااام ولا تاكل : انا لميس
نط بفرح يفتح لها الباب : ارحببيي اشتقت لصوتك ي وخيتييي
وتقدم يحضنها بكت بحضنه وانصدم يدخلها الغرفه عشان يعرف وش فيها  : بسم الله عليك وشفيكم
لميس بدموع: تروك تكفى تكفى بطلبك طلب
تركي: ابشري به والله انه تم
لميس: ابي اروح اشوف نواف
تركي : بس هو بيطلع اليوم بروح اخذه انا
لميس بحماس : بروح معك عاديي
ابتسم من حماسها ورفع اصبعه على خشمه بمعنى ( على خشميي) : تمم خلك جاهزه العصر
-
قامت وهي تعبانه حييل وبدت تكلم نفسها : اخخ نجد لازم تقومين وراك دوام
ورجعت انسدحت بتعب اخذت جوالها تعتذر عن الحضور
كملت نومته بتعب
-
كان يرتب الشقه هو وفارس وغرام
سطام بهدوء: نواف لازم يعرف اليوم بيطلع ترا
فارس : ياخي اصبر خاني استوعب للحين ما استوعبت
ضحكت غرام : تستوعب ايش انك اخونا؟
فارس : مدري ماني متقبل ان اسمي برق خلوني على فارس
سطام ببتسامه: ابد ابشر
فارس بجديه: ترا حتى بالاحوال اسمي فارس
غرام وهي ترتب الكنب: برق والله غريب الاسم
سطام: مدري وش وضع ابوي يوم اختار الاسم
فارس بعباطه: يمكن كانت تبرق وترعد قال هذا بيكون اسمه برق صدق انه ما يعرف يختار الله يرحمه
ابتسم سطام بحزن: الله يرحمه
ابتسمت غرام تحاول تغير الموضوع: فارس انت كنت عايش هنا كيف الوضع
فارس ببتسامه: كويس
ولف لسطام: الا مين بيجيب نواف ؟
سطام وهو يرتب رف الكتب: تروك قال بيجيبه
فارس : حلوو
غرام بحماس: اسمع سطسط وشرايك تجيب لي اغراض حلا ودي اسوي لنوافي
سطام ببتسامه: والله تعبان ما نمت بنام
غرام لفت وهي منحرجه تطلب من فارس ما تعودت عليه ضحك فارس يوم شاف وجهه : معليك ابشري انا اجيبها
ضحكت غرام بحماس: كفففو والله انك كفوو
ضحك ونطق بمزح : مافيه فروس زي سطسط ؟
ضحك سطام : والله طلعت تغارر ههههههه
غرام بضحك: ابشر بس فروس
ضحك يحضنها : والله امزح شوفيكم علي
-
العصر  طلع تركي ومعها لميس
لميس بخوف: الحين هو تعبان فيه شي
تركي بضحك: الله وكبر عليك كل ذا خوف عليه معليك حبيبك مافيه شي
ضحكت لميس : تروك والله اجلدك
تركي بمزح: تجلديني انزلي انزليي
لميس بخوف: هييه امزحح وشوو
ضحك من ردة فعلها قاطع ضحكه اتصال نواف: هلا ارحب
نواف بصوت مبحوح: وشو الي ارحب ترا تاخرت عليه طفشت وانا انتظر
ضحك تركي ونطق : جايك جايك وجايب لك هديه
ضحك نواف : الله حركات وهدايا
تركي : يلا عاد اقعد بغرفتك شوي واجيك انا والهديه
وصلو المستشفى وتقدم تركي يمسك يد لميس ويدخلون ابتسم يشوف يدور رقم الغرفه ونطق يوم لقاها: ادخلي انتي انا بنتظركم برا
ابتسمت لميس بحب ودخلت كان واقف عن شنطته يحاول يدخل اغراضه: طولت حييل ي تركي
ولف وابتسم يوم شافها ما توقع يشوفها ابدد بذا الوقت : ارحببي
ما ردت بس كان واضح انها مبتسمه من تحت النقاب
دخل تركي وراها ونطق : لميسس خاليي خاليي جااء
ضحك نواف: طيب؟
تركي وهو يمسك يدها وياخذ شنطة نواف : امش بس ما تخافون انتو
ضحكت لميس: مافهمت نخاف من ايش
تركي وهو يحك جبينه: من خالي؟
لميس: تدري كيف عرفت انك كذاب
تركي وهو يكتم ضحكته: كيف؟
لميس: لانك ما قلت اسم يعني خالي كذا ما تجي
ضحك نواف ونطق: والله طلعت تعرفك اكثر مني
لميس بغرور: اكيييد بعرفه اكثر منك
تركي بتفكير: نواف
نواف : هلا
تركي بتردد: تعرف فارس صح؟
نواف بتسغراب:ايه؟
تركي برتباك: يعنيي شسمه فارس طلع اخوك برق الي تدورونه
ابتسم نواف الي كان حاس من زمان ومن اثباتات كثير من حركات يعرفه عن اخوه: كنت حاس
تركي بستغراب:تعقب وييين عاد!!
نواف: اخوي كان فيه وحمه وشفتها ب فارس وحركه كان يسويها برق انه اذا توتر او حس بخوف يسكر اذانه ما يحب يسمع الصراخ شفت فارس اكثر من مره كذا.
تركي: تخوف طلعت تركز واجد
لميس: ترووك ابي قهوه
ضحك تركي: هاذي تجي بالوقت الغلط نسيت انها معنا
لميس بتمثيل الزعل: لا عاد اوفرر
نواف ببتسامه: تروك حتى انا ابي قهوه
تركي ببتسامه: ابشر
نزل تركي يجيب قهوه ورجع معه قهوه وثلاث وردات ابتسم يمدهم لنواف: الحمدلله على السلامه نوافيي
ضحك نواف : يسلمك تروكيي
لميس بقرف: ييعع صدق ما يصلح العيال يدلعون انفسهم
تركي بمزح: وش قاهرك ادلع نوافي وشتبي
ضحك نواف: اي انا وتروكي كذا دايمم
لميس : وعع صدق ليتني ما جيت
ضحكو من كلامها
-
يلعبون سوني مع بعض
طلال: ياخي غريبب حيل كيف كذا
هيثم وهو متحمس مع اللعبه : طلال ي غبي من هناا
طلال بضحك: اماا اصبر ثامر على الصامت
رد ثامر: ي عيااال لقيتههه
طلال: وللد اصبر وينك
هيثم وهو يضحك: ما بيرد عليك اصبر
ثامر: هيثموو كل تبن عادد
طلال: ثااامر وينك اخلص خل نجيك
فجاه سمعو صوت ضحك ثامر : ي عيااال شوفو الحوش حق جديي
-
بالحوش
فيصل وهو ماسك شعر خالد: اتركني واتركك
خالد وهو يشد على شعر فيصل: فصولل بلا حركات بزران
فيصل وهو يصرخ: ي وصخخخخ انا ما ارجعك فكنييي
تقدم خالد بحركه سريعه طرح فيصل بالارض وصار فوقه: مره ثانيه لا تتفلسف علي
بدو يتصافققون وااشكالهم تضحك هي الي خلت ثامر الي كان يلعب بمجلس جده ينهار ضحك
وقفت سيارة تركي الي كان مصدوم شكل خالد وفيصل :الوو انتو وش جاكم
نواف الي نزل من السياره بتعب : يبوي من عرفتهم وهو بس يتهوشون
وراح يدخل لحقته لميس ونطقت: ترا اخذتو قسم خالي عبدالعزيز
هز راسه بتعب رايح القسم الخاص فيهم دخل استقبلوه اخوانه احلى استقبل حتى ريوف كانت موجوده : الحمدلله على السلامه
تقدمت ريوف تعطيه الورد وتحضنه
ابتسم بتعب: يسلمك
تقدمت غرام  تحضنه ونطقت: واضح عليك تعبان روح ارتاح ضبطت لك الغرفه هذيك
قام وراح للغرفه يرتاح 
-

اتمنى البارت عجبكممم
وترا دعمكم لي بنجمه يحفزني اكمل لكم بكل حبب🥹💗💗