وغلاك فالقلب ومسكنك فالعين...!

Pt 1

بالديرة اللي ترد الروح نجد العذيه
في يوم عيد المسلمين وهو يوم الجمعه اللي صحوا فيه جدها وجدتها وهم متعودين كل جمعه على هالشي اللي كان ان البيت ماليه صوت سورة الكهف والفطور جاهز والبيت نظيف وريحة البخور والقهوة تعم البيت وتقدمت لهم :صباح الخير على احلى عصافير حب  تقدمت باست راسهم وقالت :جمعة مباركه وعساكم معي كل جمعه وكل يوم
ضحكو لها وهم يعرفون شعور هالفرحه بذات اليوم لانها بتشوف اللي غايب عنها ٨ سنين وهو خالها اللي ماكانت تعتبره بس خال الا اخ وصديق وسند لها
طبعا اليوم اللقاء بيجون خوالها ولها ٨سنوات ماشافتهم بس كان شعورها عادي من ناحيتهم بس الفرحه من نصيب خالها حمد
بعد مافطرو طلع الجد ابو سعود للمسجد وقالهم:ان شاءلله بعد الصلاه بساعه او شي بيجون زهبو نفسكم
الجده ام سعود :ابشر
تقدمت لجدها وهي تضحك وحطت يدها على خشمها :ابشر على هالخشم
ضحكو على حركات ابو سعود:عليه الشحم
طلع وجت لجدتها :جده حبيبتي روحي ريحي وانا بخلص كل شي مابقى لي  شي بس بسوي صواني الحلو والغدا روحي ريحي ياعيوني
ام سعود ابتسمت:ماشي ي حبيبتي انتبهي لنفسك لاتنحرقين وبعد ساعه صحيني
المها:ابشري.  تقدمت تبوس راس جدتها
دخلت وكانت تسوي صواني الحلو وجهزت الغدا وخلته وكان المطبخ بحاله يرثى لها والطحين وبعدها صحت جدتها ورجعت تكمل وكان الجد ابو سعود يجيب الذبايح والخضره ورجع وحط الذبايح برا ونادها :تعالي ياقلب جدك شيلي هالاغراض ووش سويتي ؟
المها:ابشر كل شي جاهز ياقلبي بس باقي الشاي والقهوة وكل شي تمام
مشو للمطبخ وهو حاط يده على كتفها وهي تسولف وشاف المطبخ وصار يضحك على شكل المطبخ وشكلها اللي كانت يدينها طحين وشعرها فاكته وكان خصلاتها على وجها وقالت :جدييي لاتضحك وبعدين تعال شوف بعد هالحوسه شسويت.  جا وشاف وفعلا كانت مجهزه الغدا السنع وصواني الحلو والقهوة والشاي عالنار وقال: تسلم يدينك الحلوه
تقربت وهي تذوقه الحلو وهو يقيمه وهي ماكانت علاقتها بجدها وجدتها هينه كانو كل حياتها بعد امها ولا ابوها ماهتمت له وطلع وقال : يلا بقى شوي ويجون
تحمست ودخلو ابو سعود وام سعود للمشب وهم بعد مشتاقين لعيالهم اللي غابو عنهم لجل ظروف سمعو صوت بوري السياره وكانت تعرف ان هالنغمه لسياره خالها حمد طلعت وهي كانت تلم الطحين وكان حجابها على كتفها وشعرها الطويل الاسود فاتحته وطلعت ودخل حمد لكن ماشافت اللي نزل ورا حمد وراحت تركض له :ححححممممدددد حياتي
ضحك وهو ضمها له وشدت ضمتها وعرف انها  تبكي ماكانت فتره قليله وهو شد على حضنها ويمسح على شعرها وقال بهمس :جيت جيت بس وش له هالبكي وبعدين الله يهديك معي رجل شلون تطلعين كذا وهي كانت دافنه وجهها فحضنه بعد عنها شوي وهو لم شعرها وحط عليها الحجاب ومسح دموعها بطرف شماغه كل ذا تحت انظار سند اللي صد وحس بشعور غريب مايدري وش يوصفه بس قال معقول ذي المها كانت حلوه وصارت احلى ماشاءلله مسح على قلبه وهو يهدي دقاته وقال حمد :هذا سند ابن خالج سعود وسند هذي المها يمكن ماتذكرون بعض بس ماعليه
بعدت المها وناظرته وهو كان يناظرها نزلت راسها باستحياء وقالت : هلا سند الحمدلله على سلامتكم لاتعبتو وشلونك
سند: الله يسلمك يابنت عمتي ولا ندمتي بخير كلنا دامك بخير
ورجعت نظرها لحمد ونست وجود سند وهي كان بيدها طحين وحطته على خشمه وضحكت وراحت تركض حمد:هيين والله مااخليج انطري بس
كان سند يضحك على شكل خاله وناظره حمد :وانت لاتضحك
دخل حمد يشوف امه وابوه وسلم عليهم بكل حراره ودموع واحضان وقال ابو سعود: وبن الباقي ليه ماجيتو مع بعض
حمد:بيتاخرون شوي عندهم شوية اشغال جبت سند وجيت
ام سعود :حياكم الله ياولدي تقهو تقهو
وطبعا الحلو ذا مخصوص لك ضحك حمد وقال:ادري
ابو سعود :والله صارلها اسبوع وهي تحوس وتدور وهذا يحبه وهذا مايحبه وهي بس تروح وتجي
ضحك حمد وسند اللي كان هو بعد قريب من خاله لانهم نفس العمر تقريبا وكان اخويا لدرجه انه مايناديه خالي بس مايدري ليه حس بشعور غريب وكان وده ان كل هالتجهيز يكون له هز راسه يشيل هالافكار من راسه حمد بهمس :شفيك
سند بهمس :مافيني شي بس شوي صداع
حمد :ماعليه هذا تعب الدرب اشرب هالقهوة وان شاءلله تخف
اخذها وشربها
............
عند بطلتنا
خلصت المطبخ وراحت تروشت بسرعه ولبست ونشفت شعرها وحطيب ميكب خفيف وماكانت بحاجه له ولبست ثوب احمر داكن كان طويل وساتر وكان له حزام نفس اللون وعليه تطريز ابيض وكان نفس هالتطريز على الاكمام ولبست اكسسوارتها وطلعت وهي بكامل اناقتها وهي كانت متعوده على جمالها ودخلت :السلام عليكم
صد عليها الكل وكان سند يطالعها وهو منبهر من جمالها اللي يخطف القلب مو بس العين تنحنح حمد واللي كان بعد منبهر بجمالها :ماشاءلله تبارك الله وش هالزين كله
سند بهمس بينه وبين نفسه : انشهد ان ذي هي الموت الحمر حط يده على قلبه
ابو سعود وام سعود اللي كانو متعودين على جمالها اللي كل يوم يزيد ابو سعود:تعالي ياقلب جدك جنبي
بعد حمد لها شوي وهي جت صارت بالنص على يمينها جدها وجدتها وعلى يسارها حمد وسند
مد لها سند فنجان قهوه المها :تسلم ياسند
كان اول مرا يحب اسمه من يوم نطقته وكانها سحرته بهاللفظ سند:بالعافيه
مال عليه حمد وبهمس :شيل عيونك عنها اكلتها
ضحك حمد وسند اللي صحى من خيالاته وقال بحده لحمد:اسكت انت
المها :وين خوالي ولا مابيجون
حمد :بيجون بعد شوي
ابو سعود :ايه الحين صار كل الدلال لحمد المها شالت راسها بعد ماكانت حاطته على كتف حمد وهو حاط يده على كتفها :لا يجدي الدلال لكم انتم ولا ذا الخاين ماله شي وماني مشتاقه له   صدت عنه
حمد بضحك وهو للحين حاط يده على كتفها وقربها : اما الحين صرتي ماتشتاقين  وبعدين من اللي كل يوم تكلمني وهو يقلدها حمد تكفى متى تجي
ضحكو وضربته بخفه :من اللي قال موب صحيح
سند بهمس لحمد :شرايك تشيل يدك عنها
حمد بضحك : بنت اختي وكيفي
قربها يقهر سند وسند كان يضحك بعد ماقرص حمد وحمد توجع
المها :بسم الله عليك شفيك
حمد:مافيني شي لاتخافين وناظر سند بتوعد وسند كان كاتم الضحكه وبعد ماسولفو وضحكو وكانت المها هي اللي تسولف والكل مستمتعين ويضحكون على سوالفها وبعد مده سمعو السيارات تدق بوري مرا ورا مرا فزوا وعرفو انهم وصلو وكانت ثلاث سيارات وطلعو وهم يضحكون ويسلمون على بعض بحراره وكانت المها واقفه ورا جدها وجدتها بشوي لانها كانت تتضايق من الزحمه ومعها فوبيا منها كان يطالعها سند واستغرب ومااعطى اهتمام بعدها البنات سلمو عليها بحراره وبادلتهم نفس الشعور وجت تسلم على خوالها اللي كلهم حضنوها بحب وهم عيونهم مدمعه تذكرو اختهم فيها وسلمت على ولد خوالها من بعيد وهم كذلك وجو البزارين وقفو قال محمد وهو منزل راسه : انتي حلوه واجد ياالمها ماشاءلله
ضحكت المها ونزلت لمستواه ومسكت يده :وانت احلى وكل البزارين قالو اللي قاله محمد وسند بنفسه: اي والله انكم صدقتو وكان يطالعها ودفه حمد :هييي كنك فليتها ياالاخو سند عشان يقهر حمد :وانت شتبي وابتسم بخبث
رجعت المها عند حمد ووقفت جنبه اللي كان هو اقرب لها من خوالها كلهم وكانت ناسيتهم ومستحيه ودخلو المشب وراحت تصب لهم قهوة صبت لخوالها وحريمهم وبناتهم جت لعيال خوالها وتقدم حمد وعرف انها مستحيه منهم قال عطيني انا بكمل واخذها جا سند واخذها منه مهما كان يمون عليه الا انه يحترمه ويقدره ابتسم حمد وسند صب للعيال
ابو سعود :اي والله الحمدلله اللي جا اليوم اللي اشوفكم فيه مجتمعين الحمدلله
ام سعود :ربي لايفرق جمعتنا
الكل :آمين
ابوعبدلله:ولنا بعد لكم خبر حلو
ابو سعود :قول يابني عسى خير