كيف اردتي الحياة؟
: اردتها وردية مليئة بل خيال لكن تجري الرياح بما لا تشتهي السفن
قرائة ممتعة اعزائي لكن قبلها ممكن تصويت ومتابعة الحساب لطفا ❤️
*********************************
البارت الثامن والعشرون......
طيرة.....
صفنت عليهم فجأة ضحك إجلال ضحكة طرشتني صحت بي : شبيك انت اذاني اريدها
إجلال : ابوج فلم ماينحزر كايللكم الشغلات التافهة والشغلات المهمة عايفها
زينة : إجلال عوف الحجي وتعال اخذ كوثر تريدك
عرفت تريد تغير الموضوع كلت : ابوي صندوق أسرار تخلي الانسان يصفن ومع ذالك من الي شفته بهل الايام ينراد اشكره انتو عائلة الاب مايبين منو جهاله فسالفه متوقعة صارت باجر اشوف يطلعلي ثنين هم يكولون اخوان ابوج
بحر : مع ذالك ابوج غلطان من ماكايللكم بعض الأمور
ضحكت : موت امي لحد هسه مااعرف ليش ومنو كتلها تريده يكلي تفاصيل عنكم او عن حياته
انزعجت كلش من السالفة وادري تصرفي غلط ويا زينة رغم ماشايفة منها شي بس كرهتها بهاي اللحظة
رجعت كلت : نشوف بعد شيطلع عنده ماوكفت على اخت زايدة
ردت اروح لغرفتي بس استحيت اطلب من احد ثواني وحسيت بي جرني من ايدي ورا
بحر : اشريلي بعد واني اعرف
طيرة : لا تخليني اغرد عليكم كلكم
بحر : حقج يابه لو مكانج حتى سيرتنا اكرهها
طيرة : انت مو غير عنهم بذات انت اكرهك خبلتوني كل دقيقة اعرف شي وكل دقيقة يطلع شي عائلة مجنونة اني شجابني عليكم من الله يطيح حظ ابوي الي ذبنا هنا
متنرفزة احس شرايني راح تطك فجأة حسيت بي حضني من ورا وكال : تنفسي هسه وعوفج من كل شي
سندت راسي على صدره بلحظة ضعف ردت احس بعدني بخير : تعبت من مشاكلكم كل يوم مشكلة اسوء من الي قبلها
ماجاوبني رجعت كلت : شهر ماكضيته هنا عرفت شغلات بعمري مامتوقعتها
تنهد وباس جتفي : لا تعرفين احسن انتو صفحة بيضة بتاريخ عائلتنا مالازم تعرفون ولا تتدخلون بشي شفع بعدكم عن وصاختنا لا ترجعون تجولها برجليكم
طيرة : مو انت الجبتني ودخلتني هنا لو غلطانة
ابتعد ودراني كعدني : طيرة لو ماهسه اني متزوجج جان ضعتي من ايدنا زواجج اتحتم بذاك اليوم مو اني غيري جان يتزوجج وراها يلزمون ابوج من الايد الي توجعه هو يعرف شفع شكد يحبكم ودا يستغلها ابشع استغلال
هزيت راسي برفض : لا تجذب بحر انت جنت تكدر تدزني بس اختاريت تغركني وياك بهل العائلة
رجع حضني ماحجه شي ضل وقت طويل حاضني اخيرا سمعت صوته : ماكدرت ادزج طيرة شكد حاربت كلبي وفكرت بس ماكدرت ليالي الوم بروحي على هذا الخطأ وشلون سمحت لنفسي اورطج تدرين بوكتها ماصدكت من شفتج ورا هاي السنين تردين اعوفج ادري قراري كلش غلط وبوقت راح اخسر بي هواي بس خاطرت في سبيل اشوفج شوي
أنت تقرأ
ذراري الهجرس
ChickLitعرفنا بمكرنا وحيلنا قيل عنا الغدر والخذلان لكن ما الهجراس التي ولدت فينا الا نتيجة وقع الزمان علينا وازهاق البشر لاروحنا في ازقة المعتقدات والظلامات ابنتي كوني قويه كوني هجرسية فخوف الناس منكي افضل من استعبادهم لك
