البارت 14
#عشق_طفولتي
سجى/من شفت خالد واكف كدامي قطره دم مابقت بيه
كوه كدرت احجي
كتله شتريد
تقدم عليه واني جمدت بمكاني
لزمني من شعري
خالد/هااا عبالج اعبرها آلُج وللضابط مالتج
سجى/شتريد مني بعد اكثر
اخذت الي تريده وتنازلت عن الشكوى كافي عوفني بحالي
خالد/طلع تليفونه شوووفي هذا منو بالصور حبيبج شوفي متابعه خطوه بخطوه وهذا بيتهم الي جانتي انتي وامج كاعدين عدهم وهاي امه
اسمعي اذا ماابتعدتي عنه احسبي حساب لو هو لو امج لو امه واحد من الثلاثه ينكتل تلكين الجثه اباب بيتكم
واذا وصل هالحجي واجه عليه والله والله ياسجى اخلص عليه وتدرين بيه كلشي اسوي هااا
مراقبكم كلكم خطوه بخطوه ياويلج اذا ماابتعدتي عنه وحق ربج موته على ايدي اني رايح بس راح اظل كابوس بحياتج
سجى/سحب التليفون مالتي من ايدي
وعاط بيه فتحي
فتحته ونطيته اله سجل رقمه ودك عليه
كال اذا تحاولين تغيرين رقمج اسوي الشي الي ابالي هااا وتعرفين قصدي وشوكت مااتصل تفتحين خط راساً وشوكت مااراسلج تجاوبين راساً
مفهووووووم
هزيت راسي ايي
دار وجه وطلع نزلت للكاع كعدت احس جسمي كله يرجف مااسيطر اوكف على طولي
ورا شويه طبت ماما كالت شبيج شو وجهج اصفر يمه هم دختي
سجى/ايي دخت
امي/خلي اسوي ريوك نتريك ونروح للمستشفى
سجى/ماما مااشتهي بس حليب سويلي
طبيت للحمام غسلت وجهي واني كلبي وبالي كله يم سراج خايفه لا يسويله شي غدر خالد واعرفه شنوو
شربت حليب وطلعنه للمستشفى
الطريق كله حرت افكر بخاف اطلع حامل لو افكر شلون احمي سراج من خالد
وصلت للمستشفى سحبو مني دم كالو نص ساعه وتطلع النتيجه
خلال هالنص ساعه عشت بحاله لاتوصف فوق الرعب من صاحت اسمي علمود النتيجه امشي باتجاها وجسمي كله يرجف
باوعـت على النتيجه وكالت انتي سجى
كلتلها ايي شنوو
كالت شوكت تزوجتي
عرفت شنوو قصدها
كلتلها صار تقريباً شهر
كالت للاسف ماكو حمل احتـمـاآل صارت عندج خربطه هرمونات ولذالك تأخرت الدوره الشهريه وهالشي طبيعي لان بعدج عروس جديده ربي يرزقج انـ شـاء الـلّه
جريت تفس حسيت هم انزاح من صدري تشكرت منها وطلعت لماما فرحانه كلتلها آلـْ ح ـمـِْدِّ اللّـٰه ماكو حمل
طلعت التليفون حته اتصل بسراج ابشره اول مافتح خط عليه راساً اتصل خالد تذكرت كلامه وخفت راساً سديته من سراج وفتحت خط على خالد
أنت تقرأ
#عشق_طفولتي
Romanceتدور احداث القصه بين شاب وفتاة حيث احبها منذ نعومة اظافرها ولكن هل ستكون ملكً لهُ ام ماذا؟؟؟
