🦋 إسكريبتات شروق حسام 🦋

إسكريبت🦋 العوض 🦋

إسكريبت 🦋 بقلم شروق حسام 🦋

_" أنا مش عايزة اتجوز. "

_" يابنتي ده عريس مناسب ليكِ ومهندس وأدب وأخلاق وسمعته كويسة. "

_" بس يا ماما أنا مش عايزة اتجوز دلوقتي أنا عايزة أكمل الماجستير واشتغل وأبنِ مستقبلي. "

سعاد بنفاذ صبر " يابنتي أبوكِ بره لو دخل هيطين عيشيتنا هي خطوبة ولو مارتحتيش سيبيه المهم اجهزي بسرعة عشان العريس وأهله بره عشان يشوفوكِ. "

دخل عليهم أيمن وهو بيقول بحدة " فيه إيه؟ كل ده عشان الأستاذة تجهز؟ "

روان بسرعة " مافيش حاجة يابابا أنا بجهز أهو وخارجة. "

أيمن بصرامة " دقيقتين والأقيكي بره. "

روان بدعاء " يارب صبرني. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_" أهلًا أهلًا بعروستنا الحلوة تعالي يا حبيبتي اقعدي جنبي. "

رحت قعدت جنبها وأم عريس الغفلة عمالة تتكلم كتير.

_" بسم اللّٰه ما شاء اللّٰه زي القمر. "

_" تسلمي يا طنط. "

_" طنط إيه يا حبيبتي؟ قولي لي يا ماما أنتِ هتكونِ مرات ابنِ. "

_" إن شاء اللّٰه. "

مره واحدة بابا قال " نسيب العرسان بقي يتكلموا مع بعض شوية. "

الكل قعد بعيد، وسابوهم لوحدهم.

_" احم إزيك؟ "

_" بخير الحمد للّٰه. "

_" أنا علي 30 سنة مهندس معماري ماليش في الدنيا غير أمي وأخويا وبابا اللّٰه يرحمه مات من سنتين. "

روان بصوت واطي " اللّٰه يرحمه. "

_" يا رب، عندي شقة صغيرة على قدها في بيت العيلة لو قبلتيني هتنوريها وتنوري حياتي. "

_" مش مهم تعرفيني عن نفسك أنا عارف كل حاجة عنك من عمي. "

روان في نفسها " مغرور هم كده كل المهندسين  "

_" بس أنا مش...... "

قطع كلامها دخول أيمن وهو بيقول " نقرا الفاتحة يا عرسان ولا إيه؟ "

حسيت في كلامه بالتهديد ليا اللي هو هتوافقي يعني هتوافقي.

لسه هتكلم وهرفض لقيت عريس الغفله رد " على بركه اللّٰه يا عمي نقرا الفاتحة ونتفق على الخطوبة. "

شوية وقرأوا الفاتحة وأنا كنت حاسة إن أنا متكتفة، مش عارفة أعمل إيه؟ لو رفضت بابا هيبهدلني وهيموتني من الضرب، ولو قبلت، مش عارفة مصيري هيبقى إيه؟ كنت قلت لهم قبلها إنِ هصلي إستخارة الأول راحوا إتريقوا عليا.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد كام يوم فضل يكلمني فيهم وأنا أساسًا مش عايزة أكلمه ولا طايقاه بالذات بعد آخر موقف حصل ما بينا.

_" علي أنا مش محجبة ف عشان لو طلبت مني اتحجب بعدين مش هقدر الموضوع مش سهل محتاج وقت عشان أتعود فإديني وقتي وماتضغطش عليا. "

_" خدي الوقت اللي أنتِ عايزاه براحتك أنا مش هجبرك على حاجة أنتِ مش عايزاها. "

بس لقيته بعدها بيومين بيكلمني وبيقول لي لازمًا تتحجبي وزعق لي بطريقة صعبة وأنا أصلًا مش عارفاه كويس مابقلناش شهرين عشان يتحكم فيا كل التحكمات دي ويتعصب عليا.

دايمًا بحس إن في حد قاعد جنبه وبيكرر هو كلامه ولما أجي أسأله بينفي كل ده.

قبل خطوبتنا بتلت أيام أبو و أم مرات أخوه الكبير ماتوا عشان كده قلت له نأجل الخطوبة بس أمه رفضت.

وللأسف

#العوض
#شروق_حسام