🦋 إسكريبتات شروق حسام 🦋

جزء إضافي 🦋 سامحيني 🦋

بقلم شروق حسام 🦋

عدى 3 شهور

الحياة بين سارة ومحمد مش أحسن حاجة دايمًا خناق وزعيق ومشاكل.

سارة بعصبية شديدة " مش قادرة مش قادرة خلاص طلقني وسيبني في حالي مش قادرة أنسي إنك خنتني مع الزبالة التانية. "

محمد بزعيق " عملت كل اللي أقدر عليه وأنتِ لحد دلوقتي مش قادرة تسامحيني على الغلطة الصغيرة دي. "

سارة وهي بتصقف " لا برافو غلطة صغيرة طب إيه رأيك أعمل نفس الغلطة الصغيرة دي وأرجع تاني أقول لك سامحني و.... "

قبل ما تكمل كلامها كان محمد ضربها بالقلم جامد على وشها وشدها من شعرها " إياكِ تقولي كده تاني أنا بحذرك. "

سارة بضحكة مستفزة " هههههه وجعتك الكلمة صح أنا بقي من وقت خيانتك وأنا بتوجع في اليوم ألف مرة. "

بعدين قالت وهي بتضرب على قلبها " ده من حبه ليك حاول يديك فرصة بس خلاص ماقدرش أنا ندمانة إنِ ماسافرتش وسيبت كل حاجة ورجعت لك. "

محمد وهو بيبص لها بصدمة وبوجع " ندمانة؟! "

بعدين قال بصراخ وهو بيكسر كل حاجة حواليه " خلاص محمد إختفي من حياتك ومابقاش له وجود حبي في قلبك راح ليــــه ليــــــه واللّٰه العظيم غلطت وعارف يـــا عالم يـــــا ناس خـلاص محمد مابقاش ليه لازمة في حياة سارة ههههه خلاص أنا مُت بالنسبة لها. "

قرب منها وهو بيحضنها بجنون " أنتِ ملكي أنا وبس ومش هسيبك لغيري أنا بعشقك واللّٰه آسف آسف كنت بحسب إنِ حبيتها بس واللّٰه عرفت إنِ عمري ما حبيت غيرك. "

سارة بهدوء " اهتمام وموجود حب موجود أطفال أنت قلت نأجل موضوع الخلفة شوية أكل كويس موجود كل يوم بجهز نفسي على سنجة عشرة. "

_" قول لي إيه اللي كان نقصك هــــا قول؟ "

سكت ومعرفش يرد عليها يقول إيه هي عندها حق في كل كلمة بتقولها.

سارة وهي بتبعد عنه " مش عارف ترد صح ما هو ده المتوقع. "

_" ياريت بكل هدوء واحترام تطلقني لأنِ خلاص مش قادرة أستحمل. "

خلصت كلامها ودخلت لمت هدومها وسابته وراحت على بيت أبوها.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عند أميرة

كانت مكتئبة وحابسة نفسها في أوضتها بقي لها شهور بتحاول تصلح علاقتها بسارة بس خلاص سارة طردتها بره حياتها هي اللي عملت في نفسها كده هي اللي خانت صاحبتها مع جوزها.

هي تستحق تموت مفيش حد بقي يحبها أهلها مابقوش يكلموها وصحابها بعدوا عنها حتى سارة.

خلاص هي قررت لازم تنهي حياتها قامت جابت سكينة الفاكهة من على التربيزة وقطعت شرايين إيديها بهدوء شديد.