🦋 إسكريبتات شروق حسام 🦋

الجزء الأخير 🦋

بقلم شروق حسام 🦋

_" لا استني، وإيه لزمته أستني 24 ساعة؟ أنتِ طالق يامنار. "

_" بالتلاتة. "

_" بس. "

_" مابسش عشان أنا عمري ما هفكر أرجع لك تاني حتى لو فيه فرصة مابينا. "

سليم ببرود " أنتِ طالق بالتلاتة طالق طالق طالق. "

_" ورقة طلاقي توصلني على بيت أهلي القديم وربنا يسعدك مع اللي اتجوزتها. "

_" مش عايزة تعرفي أنا اتجوزت مين؟ "

منار بقوة وبرود " صوفي بنت عمك. "

سليم بصدمة " عرفتي منين؟! "

منار بسخرية شديدة " كنت دايمًا بشوفها بتبص لك من تحت لتحت وساعات وأنتم بتهمسوا لبعض كنت بكذب نفسي وبقول يابت دي بنت عمه وبيعتبرها زي أخته بس أنا طلعت غبية مش مشكلة ده كان درس ليا ومش هنساه. "

سليم لسه هيمسك إيدها بعدت لورا

_" سليم أنت دلوقتي طليقي ومايحقلكش تقرب مني وتمسك إيدي. "

_" أمي هي اللي أجبرتني اتجوزها عشان الخلفة وأنا كنت عايز أخلف ف ضعفت قدام رغبتها. "

_" طول عمرها أمك مابتحبنيش ما أعرفش ليه مع إنِ واللّٰه العظيم كنت بعاملها بما يرضي اللّٰه بس كانت دايمًا بتحرضك عليا. "

_" على العموم الكلام ده ملهوش منه فايدة ولا هيقدم ولا هيأخر ياريت ورقة طلاقي توصلني في أسرع وقت ومش عايزة أشوف وشك تاني. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد سنتين

في يوم كنت مع مصطفى جوزي عند الدكتور أصل أنا حامل في الشهر السابع ربنا عوضني بمصطفى وببنتي اللي الجاية بعد كل اللي عيشته مصطفى كان زميلي اتعرفت عليه وأنا بشتغل في تصميم الديكور وحببني فيه لدرجة كبيرة بعد ما كنت رافضة الجواز تاني.

خلصت كشف والدكتور طمني على بنتي واحنا خارجين من أوضة الكشف شفته!

شفت سليم كان قاعد وفي إيده عيل صغير لسه مولود.

شافني وابتسم وجيه ناحيتي " منار! "

_" ازيك يا منار؟ أخبارك إيه؟ "

_" أنا كويسة الحمد للّٰه. "

_" بتعملي إيه هنا؟ "

منار بابتسامة حلوة وهي بتحط إيديها على بطنها " الحمد للّٰه ربنا عوضني بمصطفى وبنتي لمار. "

ابتسم مصطفى وسلم على سليم " اتشرفت بيك. "

_" الشرف ليا يا أستاذ مصطفى. "

_" ابنك ده صح؟ "

سليم بندم باين في عيونه " لا بنتي منار الصغيرة. "

بصت منار لجوزها بتوتر بس ابتسمت وهي بتقول " أومال صوفي فين؟ مش معاك ليه؟ "

_" صوفي تعبانة شوية من الولادة ف مابتخرجش كتير. "

_" ألف سلامة ابقى سلم لي عليها احنا مضطرين نمشي دلوقتي مع السلامة. "

فضل باصص لها بحزن وندم وهي ماشية هو اللي وصل نفسه لهنا بس بعد إيه هو ندم بس بعد فوات الأوان.

مشيت أنا ومصطفى وأنا ماسكة في إيده بقوة.

_" لسه بتحبيه يا مناري؟ "

_" لأ حبي انتهى ليه يوم ما اتجوز غيري عشان الخلفة وطلقني وباعني في ثانية. "

بعدين سندت راسي على كتفه " بس حبي ليك غير بعد ما حبيتك عرفت يعني إيه الحب الحقيقي. "

باس رأسي وهو بيقول " ربنا يحفظك ليا يامنارتي أنتِ ولمار أنا بحبك. "

_" وأنا كمان بحبك. "

_" طب يلا نروح بسرعة عشان نلحق حلقة المحقق كونان. "

_" اه صح يلا بسرعة كده هيفوتنا. "

_" قلت لك إن أنا بحبك صح؟! "

_" اممم على حسب. "

منار وهي بتطلع له لسانها " أنا بحب كونان أكتر هههه. "

_" بقى كده شوفي مين هيجيب لك حاجات حلوة تاني. "

منار وهي بتبص له بعيون بتلمع " أنا بحبك أكتر من أي حاجة في الدنيا ربنا يحفظك ليا ومايحرمنيش منك. "

_" وأنا بموت فيكِ "

تمت

#ندم_بعد_فوات_الآوان
#شروق_حسام