🦋 إسكريبتات شروق حسام 🦋

إسكريبت كامل 🦋 سامحيني 🦋

إسكريبت كامل 🦋 بقلم شروق حسام 🦋

سارة بألم وحزن " إزاي ممكن حد بتحبه يأذيك بقسوة؟ أنا كنت بثق فيهم أكتر من أي حد. "

دخل أبوها عليها وهو قلقان عليها " سارة حبيبتي إيه اللي حصل يابنتي؟ وجوزك فين؟ أنتم متخانقين مع بعض ولا إيه؟ "

سارة بانهيار " خاني يابابا هو وصاحبة عمري خانوني وقدام عيني شوفتهم وهما ماسكين إيد بعض وبيقولها نفس الكلام اللي كان بيقولهولي. "

أحمد بصدمة " أنتِ بتقولي إيه يا سارة؟ محمد مستحيل يعمل كده ده عمل المستحيل عشان يتجوزك. "

سارة بألم " هي دي الحقيقة يا بابا أنا هسافر القاهرة هكمل دراسة الدكتوراه هناك وعايزاه يطلقني أنا مابقتش عايزاه تاني يروح يشوف حاله بعيد عني. "

أحمد وهو بيحضنها " خليكِ قوية يا سارة الحياة لسه قدامك وأنا واثق إن ربنا هيعوضك خير. "

_" خليك جنبي يابابا وأحكي لي حدوتة زي زمان عشان أعرف أنام. "

_" حاضر ياعمري من عينيا. "

_" كان يا مكان ولا يحلى الكلام إلا بذكر النبي عليه أفضل الصلاة والسلام كان فيه........ "

فضل يحكي لها قصة لحد ما نامت في حضنه وكان عمال يبصلها وهو حاسس بالألم.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عند محمد

قاعد في الكافيه هو أميرة وبيتكلموا

محمد بأسف وندم " أنا آسف يا أميرة مش هقدر أكمل معاكِ أنا اكتشفت إن عمري حبيت ولا هحب حد غير سارة. "

أميرة بطيبة " ربنا يسعدك أنت وهي أنا مبسوطة إنك مبسوط وأنا آسفة إنِ دخلت حياتك وكنت هخربها. "

_" أنا حبيتك وخدعت صاحبة عمري اللي ياما وقفت معايا في حاجات كتير. "

_" الحب كان عامي عيوني وبتمني إنها تسامحني. "

محمد بتنهيدة " إن شاء اللّٰه تسامحنا. "

_" هروح لها بكرا تكون هديت شوية. "

_" تمام وأنا هاجي معاك. "

بعد شوية كل واحد روح على بيته.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

تاني يوم الصبح

كان واقف وإيده بترتعش وهو بيقرأ الماسدج اللي سارة باعتاه " محمد أنا عيشت معاك أسعد أيام حياتي وحبيتك أكتر من أي حاجة وكنت قايدة لك صوابعي العشرة بس في الآخر خنتي وخذلتني أنا مسافرة هكمل دراستي هههه ومش هتقدر تعرف مكاني بتمني ليك حياة تعيسة مع أميرة صاحبتي الخاينة ورقة طلاقي توصل لبابا وإلا...ولا بقولك هسيبك أنت تعرف لوحدك سلام. "

راح بسرعة على بيت أبوها لقاها كانت لسه هتمشي.

محمد بدموع " سارة... سامحيني أنا غلطت إديني فرصة أشرح لك. "

_" أنا عارف إنِ غلطت بس واللّٰه العظيم ما قدرت أحب حد غيرك سامحيني واللّٰه غلطة ومش هتتكرر بوعدك أرجوكِ ماتسيبنيش. "

وقع على الأرض وهو بيعيط بحزن وبندم وكل ده وسارة واقفة بجمود هي من جواها موجوعة أكتر منه بس هو اللي وصلهم لهنا سابته وركبت العربية ومشيت.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

تاني يوم

راح على بيت سارة تاني عايز يعرف مكانها هيعمل المستحيل عشان تسامحه وترجع له تاني.

خبط على الباب والصدمة إن اللي فتح له الباب كانت سارة.

محمد بفرحة وهو بيحضنها " الحمد للّٰه الحمد للّٰه إنك ماسافرتيش وسبتيني. "

_" أنا آسف حقك عليا يانور عيني الشيطان كان عامي عيوني وماكنتش عارف أنا بعمل إيه. "

سارة بجمود وهي بتبعده عنها " محمد أنا مارجعتش هنا عشانك أنا رجعت عشان أنا مش جبانة عشان أهرب أنا مش ضعيفة للدرجة دي. "

محمد وهو بيمسك إيديها بقوة وبحب " سامحيني أرجعي بيتنا تاني وأنا هعوضك بوعدك. "

سارة وهي بتبعد عنه وبتقول بتنهيدة تعب " سيبها للأيام يامحمد ممكن ف يوم أحن لك وارجع. "

_" سيبني أخد قراري في حياتنا سيبني أداوي جروحي. "

محمد حس بألم الخذلان لسه هيمشي راحت سارة حضنته من ضهره بقوة " أنت صدقت ولا إيه عايز تسيبني لوحدي إمبارح كانت ليلة صعبة بالنسبة لي خلينا نمحي الماضي ونبدأ صفحة بيضة من أول وجديد. "

محمد بسعادة " أنا بحبك وإن شاء اللّٰه مش هتشوفي مني غير الحب ومش هكرر غلطي تاني بوعدك. "

_" يمكن مع الأيام جرحي منك يتداوي وأنسى واللّٰه أعلم. "

حضنها بحب وهو بيقول " واللّٰه العظيم بحبك. "

ماردتش عليه وفضلت ساكتة

تمت

#سامحيني
#شروق_حسام