نجوم محرقة وليل "دامس"

بارت ٢٧

بارت طووويل الأجمل زهـرات 😔 .

للتواصل ::- ze8.h
الواتباد ::- zai9_hr

تعليق بين الفقرات لطفاً

⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆
وانا تعبان من اكعد بلمه ناس. مرتاحين اخربها
𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸𓈒𓏸

نجمة ::- اروح واجي جبران راح يحجي وياه الدكتور اتوسل للممرضه اطببني كالت مايصير بقيت كاعده بلباب عيوني تارسة خدي كل ثانية وشهكت غاصه ومن اذكر كالوا مات ارجع انجن

كمت مثل الهبله وره جـبران ادور افتر مــاكو دنيا لـيـل وبس وقليل ممرضين ودكاتره تفتر بس العالم للضروره تنزل للصيدليه ولي كاعــد بالممر .

اركض وكل اليطلع كدامي اسأله يكلي كدامج غرفة الدكتور ، شفت لوحة دفرت الباب وفتت ماكو فارغه ، عفتها مفتوحة وطلعت هم اركض ماكو ، وكفت اتنفس والهث ادور براسي ، غمضت عاصره عيني ابلع ريك والم صار جوه بطني مو طبيعي ودوخه هزتني هز رجعت كم خطوه ليوره لأزمة الحايط وكعدت ، بكل حركة مية الف ياعـلي

كعدت ايد لازمه بطني وايد امسح بعيني الي مااعرف على منو ابچي ، على نفسي على إلهام الي طببت نفسها بأقذر مكان حـتى أدبر عـلاج وراحه الاخوها ومع كلشي عافها ، لو على حـــــيدر الما شاف شي من عـمره غير الأمراض والعلاجات ، رفعت ايـدي اوخر كفشه الـ على وجهي الفحطه بعدها واكفه بصدري والألم جاي يسعر بروحي بس مو كد الوعة التأكل بكلبي

كمت عاصره على كل جزء من ألم روحي گلبي روحي بطني عفت الكل وكمت انسند بالحايط لمن كمت كضيت بطني نفخت متوجعة ألم العندي من جوه بطني ويصعد عـلى گلبي وكلى مثل اليوكفهن

امشي عثره بدوخه بوكفة ألم ، وصلت باب الطوارئ شفت ممرضات اثنين وحده لأزمة ايد الثانية يمشن بالممر يسولفن .

مشيت وراهن بهمه وصحت
::- هي انتن .

التفتلي اثنينهن من شافن حالتي والأزمة بطني
ومحني ظهري اجن بهمه لزمني منا ومنا

- هاي شبيج وليش طالعه من الردهة .

::- مو مريضه بــــس اخـتي هنا وكعت وطببوها بهاي الغرفه .

درت واشرتلهن وهم يباوعن الأيــدي ، رجعت احجي نفسي يلهب وصوتي متكطع يلهث

::- اختي هنا ما خلوني اطب عليها .

- گلبي بليل مرافق المريض ميصير يطب لأن أكثر من ١٠ مرضى وكلهم عـلى مسكنات نايمة .

::- هاج سمعي جاي اسمع صوت يعني مو كلها
نايمة .

- اكيد حبي مو كلهم بــــــس اني داقصد من كلامي المرافق فوك من ال١٢ مايصير يطب .