نجوم محرقة وليل "دامس"

بارت ٢٦

مـساء الخير

للتواصل انستگرام ::- ze8.h
واتباد ::- zai9_hr

تعليق بين الفقرات لطفًا .

ײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַ
اسولف ويَ صورك سالفه خرسّان .
ײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַײַ

مـروة ::- اعرف بيها اجذب عـليه مستحيل منو هذا بهل وقت ينطي ملايين وروح ويعرف حالتنه ماكو
شي وارد أو شغله مستمره حتى يكول اكدر انطي هيچ كومة فلوس ، تقربت من يمها لزمت أيدها بستها وهمست صوتي يرجف

::- احلفج بمعزت ليل منو داينج .

وخرت برجم من عيني وابتسمت تحجي ابتبسم .

- واللــه ييمه من عــمر .

اجمدت وچن سهم وطب گــلبي كمزت فالته ايدي من أيدها أصيح متخبله .

::- عـمر عـمر يمه انتِ صدك تحجين عـمر منو كلج ترحيله منو كلج تحجين وياه انتِ لا اكيد اكيد تخبلتي .

احچي ورافعة ايــــــدي ساده آذاني سالفه ولا اطب بالعقل عـمر عفتي الدنيا عــــــمر فوك ما بتج كاسرة گلبه وخاينته ترحين تأخذين هدية صبحتها منه منة .

درت اباوعلها فاكه كل عيني رجعت عليها سريع نزعتهن وحطيتهن بايدها .

::- هسه هسه ترجعيهن منين مشتريتيهن ترجعيهن وتاخذين فلوسة وترديهن إله هسسه بهل ثانية .

- إلا تخبلت .

::- تخبلتي تسودنتي معلية هسه ترجعيهن  شلون ما جبتي يمة يمة فدوه اروحلچ شلون ترحين وانتِ كلش زين قـبل فتره خاطب بنتج شلون ترحين تذلين نفسج يمه شلون ترحـين شلون بس علميني .

طكيت روحي بالكاع وكعدت ابجي واصيح سدت حلكي ودارت تباوع للباب .

- صوتج فضحتينا شجرالچ .

::- ترجعينهن واللـه إذا ما رجعتيهن أنا اروح ورجعهن

- مارجعهن وهديه تقبليها غصباً ما عليج حالي حال اي ام بعرس بتها ليش بشنو احـسن منج الكاعدات برا مصبوبات ذهب من الرأس للاصبع .

::- وكلش زين تعرفين احنا ناس على كد حالنا والفخفخة مو جارنه .

كامت متعصبه عدلت عبايتها
- مروه عـــــمري كله الساني مايطخ السانج أن كلتي رجعيهن لو انتِ رحـتي وبعتيهن ذهبچ تلفي وضمي وديري بالج من هذولي انا موصيه هــــمام بـس ديري بالج منهن .