مُناي يهل غيثك ويسقي جفا روحي

Part 13

سلطان بصياح:عن الغلط لا والله اسحب عليك
سكت حمد وجاء سلطان يحط الأغراض ، دخل رعد وقال بهمس:السلام عليكم
ردوا كلهم وأشر له فيصل بأنه يجلس لكن هز رعد راسه بنفي:بالعافيه بروح أنام
ناظره سلطان لين دخل وقال للعيال:وشفيه هذا صاير نفسيه؟
أيمن بهدوء:يمكن من شغله بعد لاتلومه
فيصل بغرابه:أحس فيه شي غريب هالأيام
حمد وهو يصب الشاهي:خلوه مسكين على لحد يضغط عليه هالفتره بالاسأله

« في الإسطبل »
زفرة براااحه من أنتهت وهمست بنفسها:الحمدلله يارب الحمدلله
التفت خالد عليها بتأمل وقال:نجحت؟
هزت راسها بإيجاب وهي تبتسم بلحظة فرح ، سجد خالد لله شكر
والود ودها يحضنها بقوة مقابل شغلها ابتسم مشاري وقال:مشكوره يافضل دكتوره
عروب بضحك:العفو يافضل مدرب خيل
ضحكوا كلهم وتقدم فلاح يحضنها بحب وفخر:انشهد انش ذيييييبه
سُعاد بفرح:ماقلت لكم انّ عروبي قدها؟
ضحكت عروب تحضنها بقوه تقول:انا ابتعرف علييش خلاص هههه
ابتسمت سعاد تبعد عنها وتقول:الشرف لي والله دام بيكون لي صديقة مثلش
ابتسم فلاح يبتعد عنهم هو وخالد ومشاري يتركونهم على راحتهم
-
سعاد بجديه:عروب اسمعي في كلام ابقوله لش من زمان
عروب باستغراب:وشهو؟
مسكت سعاد يدها تسحبها لمكان بعيد عن أنظار الكل خصوصًا - نوره -
عروب كانت مستغربه ومصدومه من حركات سُعاد لكنها أبتسمت بتسليك
من اقتربت سعاد لها وجلسوا على الحواجز ، ضحكت سعاد وهي فاهمه
سبب خوفها وقالت:ترا ماخوف لكن حبيت نكون بعيدين عشان محد يسمع
الي بقوله خصوصا نوره !
رفعت حواجبه بصدمه وتوسعت عيونها من طرت لها الأسم!

« الخيم ، قسم الحريم »
رجعت إلهام وهي بقمة غضبها شلون يتجرأ يكملها ويسخر منهاااا!!؟
من هو اصلًا حدقت مطولًا بالخيم وزفرة بهدوء تاخذ نفس وتهون على نفسها
وتقول:اوكيه الوضع عادي وماله داعي اعصب واخرب برستيجي عشان
واحد مايسوى بعدين ليه أهتم اساسا؟ بالطقاق خل يولي !
سلمى من خلفها:بسم الله تكلمين نفسش انتي؟
لفت بفزع وخوف:الله يهبها بين عينين العدو الا نعم!
كتمت سلمى ضحكتها واكملت الهام بقهر:انتوا ناوين تخوفوني اليوم؟
سلمى بضحكه:ليه بسم الله من خوفك؟
الهام وهي تتذكر:ذااك المعتوووه اففف يقهر وش يحسب نفسه؟
انهمرت دموع سلمى بالضحك وسحبتها الهام بقوه تبعدها عشان محد يشوفهم
ويقول عنهم مجانين لأن وضعهم مشكوك فيه !
ناظرت سلمى فيها بعد مابعدوا عن المكان:ايوه كملي اسمعش
الهام بحده:سلمووه تراني اعرفش يانقالة العلوم والله ان وصل الكلام لأحد لأذبحش
سلمى:هي انتي عن الغلط مارضى عن نفسي بعدين من زين سالفتش حبيبتي
انا متأكده بتطلع مخيسه مثل صاحبتها
الهام بصدمه:انا مخيسه ياوجه النحس؟ طيب والله ماقولها
ضحكت سلمى وهي تحكها يدينها الا وتعرف السالفه وفضولها
يقتلها قالت:شقومش ياعسل نمزح معش
الهام بسخريه:لا انا سوالفي مخيسه مثل وجهي !
سلمى بفضول:امانه تكلمي لاتخليني على أعصابي
ضحكت الهام وهي تعلّمها بكل شي تحت ضحك سلمى عليها
وهي تقول:واووو مثل الأفلام احسكم بتصيرون حبايب ههههه
هبدتها الهام بقوه وقالت بعصبيه:انقلعي عني بس !
جت غزل وهي تلهث من الركض رفعت راسها لهم وقالت:بنات تلعبون اونو؟؟
وقفوا كلهم بحماس وقالوا:تم
غزل:حلو اجل تعالوا جوا لأن هنا حر مووت
سلمى:من بيلعب؟
غزل وهي تمشي:كلهم الا عروب
-
فارس:يلا خلوناا نسوي شي طفشت
رماح:منجد ماعندنا فعاليات
التفت ياسر وقال:ليه ماناخذ دببات ؟
ضحك سلمان والعيال وقال ياسر بستغراب:علامكم؟
سلمان بضحكه:حبيبي ياسر انت في الديره مابتحصل واصلًا بوسط الصحاري اتحداك تلقى
مشعل بسخريه:هذي التطورات ماوصلت لنا للحين
الكل:هههههههههههههههههههههههههههههههههههههههههه
ياسر ابتسم:اها يبعد حيي مادريت والله الوكاد خلونا نلعب بالورق
أبتسم مشعل يقوم ويناظر في سلمان:وين حطيت البلوت
سلمان:مدري يمكن بين الأغراض جوا دور
هز راسه بايجاب يدخل يدور وتقدم سعود من بعيد وقال:العن ابو جوكم الكئيب
ياسر بضحكه:تونا نقوله وابشرك نقدنا قبلك بس نبي نلعب بلوت تلعب معنا؟
جلس سعود ينزل طرف ثوبه:لا بتقهوى
فارس:ترا الشاهي جنب اخوك
رماح عطاه نظره وضحك فارس:وش اقوله بس
سعود:زين قلت هيا قوم الله لايهينك وجيبه
ضحكوا كلهم من شمقله فارس وقال:احيانا يندم الواحد انه يتجمل
جاء مشعل وهو يصرخ:وين حاطه يالدب قم طلعه
وسع عيونه بصدمه يرميه بالنعول ويقول:دب في عينك كل هالرشاقه ودب!
فارس بضحكه:والله سدد لك وحده عشان تعرف كيف تضحك
سلمان بهدوء:اقول انت اعطي الثلاجة لسعود
سكت فارس يقوم ويعطيها لسعود ناظر ياسر فيهم بصدمه:الحين هذي تقولون لها ثلاجة
سعود:اي ليه انتوا وش تقلون
ياسر ضحك:اما عاد ثلاجة ههههههه حنا نقول ترمس
مشعل أبتسم:أختلاف اللهجات لايفسد بالود قضية
ياسر ببتسامه:على قولك يملّي
ابتسموا وهم مو فاهمين معناها المقيقي لكنهم واثقين بأنه شي حلو
لأنها كلمة حنوونه جدًا ودافية المنطق والنطق ! ولأن بعد اي شي من حايل حلو!
وحتى لو مو حلو غصب يصير حلو
-
الجد حمد ببتسامه:عاد اليوم لازم ارجع البيت
ابو نواف:عسى ماشر؟
أبتسم الجد حمد:ولدي عبد العزيز كلمني انه بالطريق هو اهله وتعرف
من زمان معد زارونا بسبب عمله ولازم نرجع عشان نجهز للعزيمه
ابتسموا كلهم وقال الجد سعيد:عاد هذا عزوز مو حي الله
الجد حمد:تسلم يابوي انت
الجد محمد:يوصلون بالسلامة ان شاء الله وتقر عيونك بشوفتهم
الجد حمد رفع كفوفه وقال:اميين يارب
ابو نواف:يالله ياعم اصلا الكل بيشمي اليوم خلاص
ابو فيصل تقدم وبيده طاسه بها حليب نياق يقول:ودّكم بحليب ؟
الجد حمد ابتسم:هالله هالله
ضحك ابو فيصل يعطيهم وشرب الجد محمد وقال:ياطيبه طيبه من وين اخذته
ابو فيصل:قابلت رفيقٍ لي هنا واعطاني
ابو نواف:ماشاء الله طيّب مره
ابو فيصل ابتسم يجلس:بالعافيه
-
لزام:انت تدري انّي بهفّك كف يعدل ابو اخلاقك الخايسه تيه
عزام بجديه:اقول فارق عن وجهي !
لزام بحدّه:عزااام! منت بزر نعلمك ان هذا ابوك مهما يصير
عيب عليك تقل ادبك عليه وقدّام الكل كذا ، هو مو اصغر عيالك في النهاية هو أب
مهما كان ولو ايش مايسوي ابوك تحترمه وتاكل ضفعة تفهم؟؟
عزام:بالله اذلف عني مابي اقول شي يزعلك
لزام ثبت يدينه على أكتافه يهز بقوه وبعصبية:لاقول زعلني ولاتكتمها كلها
وتطلعها على ابوووك ! انت شفيك؟ تبي عيالك بالمستقبل يعقون فيك
اصحى على نفسك تكفى وش العقوق هذي؟ تقل أدبك وتعق به بعدين
تجي عنده وتبيه يصرف عليك بكل قوّة وجه بالله مو شيٍ يفشل؟
عزام دفه يقول بعلو صوته:ماطلبت منه يصرف علي ولاشي
وحتى لو تراه ملزوم فيني انا ولده كمان ماني ولد الغريب عشان يبخل
علي بكم فلس الحمدلله والشكر !
لزام بسخريه:ملزوم يصرف عليك؟؟ ههههه ضكتنس والله مع انه مافيني اضحك
صحصح على نفسك تراه مو لزوم ابدااا انت تجاوز عمرك ١٩ وصرت ملزوم
تصرف على نفسك ابوي كم مره لقى لك وظيفه ورفضتها عشان ايش الله لايهينك؟
ماتبي شي منه بس عادي يصرف عليك!وش هالعقليه الي تمتلكها بالله
عزام:شوف لزام ماني طفل تقعد تعلمني وش اسوي ولا لا
انا الي ابيه بسويه بدون أشاور احد تفهم !
لزام بسخريه:يالله رح سو الي تبي صادق منت طفل نعلمك!
عادي ترا اضرب ابوك وقل ادبك وعق فيه ، انا وش مصلحتي اصلاً ؟
راح عزام وهو بقمة غضبه من تحكم الكل به هذا طبعًا الي يشوفه
مايحب احد ينصحه او يملي عليه شي يشوف انه مو بحاجه لهذي النصايح
عبس لزام وجهه بضيق مسح على راسه يتنهد مع كل ثانيه
يحسه مخنوق بشكل ووده لو يهج من هالديوه بكبرها !
ابتسمت ام فيصل تمشي صوبه وبيدها صواني بها فواكه وخظار
عشان الدم الي نزفه ، ضحك يقول:أحاول اخسر اوزاني وانتوا ترجعوني !
ام فيصل:اهم شي تعوض عن دمك خل عنك الوزن
لزام:طيب وين راحت عروب ؟
ام فيصل:ما اعرف اخذها خالك
........••........
ضحكت سلمى وهي تعرف انها بتفوز كذا ولا كذا
لأن معها ثلاث أوراق وكلها تسحيبه اربعة حطت ورقتها بالأرض
وشهقو البنات يطالعون فيها بصدمه صرخة غزل وقالت:خييير مابي اسحبها
سلمى بعصبية:ياروحي مانشاورك غصب عنش بتسحبينها
غزل بعباطه:خييير يارب احد يعكس الدور وتلقمها أمجاد
امجاد:العن بليييسش يالحقوده
ضحكت غزل تسحب وهي تحاول تكشف الأوراق بس ضربتها
سولاف وهي تخانقها:نعمم ياغزيل !
ضحكت تسحبها سولاف عشان ماتغش
ابتسمت ريوف تحط عكس دور بحيث ان التسحيبات بتنعكس على
أمجاد ، صرخت امجاد وهي تدعي:الله لايساامحش يالملعووونه
قفزت غزل تسجد وتقول:القمييي يالضفعه
سلمى بسخريه:شدعوه بنات تراها تسحيبه الحمدلله والشكر !
غزل وامجاد:انطمي ولانفس
ضحكوا البنات وسكتت سلمى تنزل اوراقها من نادتها امها
جت صوبها وقالت:هلا يمه
ام سلمى:تعالي انتي والبنات تجهزوا لانا بنرجع
سلمى بحلطمه:لاا تكفوون نرجع لييش ماعندنا شي نسويه
ام سلمى:يابنت خالش عبدالعزيز بالطريق واهله معه
نطت سلمى بصدمه تصرخ:احلفييييييي !
ضحكت ام سلمى:اهل العقول في راحه صدق يعني انا بكذب عليش؟
سلمى:لا يمه مو قصدي بسسس ونااااسه يصير اعزم البنات بعدين ؟!
ام سلمى:اصلا جدش ناويها عزيمة افهمييي طفشتيني
ركضت سلمى تصرخ على البنات بفرح وهي تلهث:يااااورعااات تخيلوا من بيجي
البنات:مين؟
سلمى:خالي عزوز واهله يالبييه وبنرجع الحين وفيه عزيمة لها وكلكممم بتجون
ابتمسوا البنات بفرح وقالت غزل:حمااس والله رجعت العزايم
راحوا البنات يبدون يرتبون ويلمون العفش والأغراض ،
........••........
كانت من اليوم تخطط لشيء يخلي خالد يبقى بالأسطبل وحرفيًا ماتدري
وش تسوي لكنها ابتسمت بخبث من خطرت في بالها فكرة ، لبست عباتها
ونقابها وطلعت مسرعه للخارج تدور سيارة خالد لكن سرعان ماعبست ملامحها وتبدلت
لحزن وذبول لأنها ماهي موجوده وتذكرت انه جاء مع مشاري ف بدت تدور سيارته
وفورًا لقتها ضحكت بلاعنه تحاول تفقع الكفرات بدبوس حاااد جدًا وبصعوبه قدرت تنسمه
دخلت جوا وكأنها ماسوت شي ابدًا وعلى دخولها طلعت عروب وسعاد
ودخلوا فلاح وخالد ومشاري ، اشر فلاح لعروب يقول:يلا نمشي؟
عروب:يلا بس دقايق ابعدل نقابي ! وين الحمامات ؟!
نوره باستعجال:ورا هِنـا تعالي
دخلت سعاد تبدل لبسها مستعجله عشان ترجع للبيت
اما خالد مارتاح ابدًا لنوره وحس انها بتسوي شي او بتقول كلام فيه
ف جاء بيمشي خلفهم وقال بكذب:انا بشيك على الي الحواجز الخلفي اسبقوني
هزوا روسهم يطلعون وركض خالد وراهم بدون ينتبهون
مشت خلفها تمامًـا وهي لازالت تفكر بكلام سعاد لها
وماتدري تصدقها او تكذبها وتتبع عقلها !
وقفت نوره ولفت بكره تقول:انتي مصدقه اني باخذش للحمامات ؟
رفعت نظرها عروب بصدمه:نعمم!
نوره بسخريه:أجل تحسبين انو خالد يحبش ؟ ههههه جد تحزنين
عروب:اقول يالمهووسه مالش دخل فيني وفي خالد ادري اصلا
انش تبين تخربين بينا ولاتحسبيني بصدقش
ضحكت نوره بثقه تقول:حبيبي ومن قالش اني احاول اخليش
تصدقيني ؟ وربي ماهمني صدقتي ولا لا بالطقاق بس خالد يحبني ويموت فيني
وعندي الدليـل !
عروب بلعثمه:ماني مصدقتش ولو فعلًا عندش وريني اشوف
ابتسمت نوره وهي بدت تلعب على عقلها واخذت جوالها تطلع من يدها
وتفتح لها على الصور توريها وهي بجـانب خالد وبيدها مشروبه الي سوته له
ابتعدت عروب تهز راسها بشكل هستيري وبدموع:كـ.ذابه اصلا هذا مو خالد !
نوره بأستفزاز وسخريه:كل هذا وماصدقـ.
صرخ خالد بقوه:مصورتني وانا مصدع ومستغله الفرصه وتكذبيين بعد!
لفت عروب بخرشه ومعها نوره الي انخطف لونها لكنها مازالت مصرّه بكذبها
تقدمت تبتسم وتقول:حبيبي ماله داعي التمثيليه ترا مافي احد حولنا !
دفها خالد بقوه وحدّه من رخصها:ياقليييلة الأدب ! العن ابو الرخص الي فيش
ماعندش كررامة انتي ؟ انعدمت عندش الأخلاق تقربين صوب رجّل مايحل لش
وترمين نفسش علـي !
سكتت نوره باستفزاز من كلامه وابتعدت عروب بسرعه لكن مسكها خالد بحده
يقول:مارح تروحين لييين تسمعيني وتصدقيني تفهميين ؟!
دفتها عروب تحاول تفلت منه لكنه كان أقوى منها وماسكها بقوه
عروب بصراخ:ابعددد عنييي تفهممم ! ماحببك ولا ادانييك !
خالد بسخريه:مو لازم تحبيني المهم اني احبش وهذا يكفي
عروب بدموع:ابعدد عني ماتفهممم ؟ ماحل لك لاتلمسني !
خالد بحده:ماني باعد لين تفهميني وتطيحين الحطب الي براسش
ليه تصدقين كلام انا ماقلته لش وتسعمين من غيري !
نوره استغلت الوضع الي هم فيه وضحكت بلاعنه تقول:بالله ماعندش كرامة
انتي تحبين واحد يحب غيرش ؟
رفع نظره عليها وابعد عروب عنه يمشي اتجاها والنار والشرار يتطايرون منه
مسكها من شعرها يدفها ويصرخ بوجهها:انتييي شتبييين بفهممم ماعندشش كرامه
ترمين نفسسش عليي؟ وقسممم بالله لو ماتبعدين عن طريقي لأوريش شي ماقد شفتيه
تسمعيييين ؟! ، هزت راسها بإيجاب بذعر واكمل خالد بحدّه:فارقي !
ركضت تطلع والدموع اخذت مجراها ، دخلت لقسم النساء تحديدًا غرفة المُدربات
ولبست عبايتها بسرعه وطلعت بدون تلتفت لأي شيء !
حدقت عروب في ملامحه مطولًا والبهجة ماتفارقها نزلت راسها بخجل
من نظراته لها تنحنحت تبتعد عنه لكن استوقفها من قال:على وين رايحه للحين
ماخصلنا حديثنا ! وبعدين ماتبين الحمامات؟
شهقت عروب بخوف وقالت:وش الي ماخلصنا !
خالد بهدوء:برري لي تصرفاتك معي وتجاهلك الواضح تجاهي
لفت عروب بإرتباك وقالت:سمعتك تكلّم وحده واسمها نوره وحسبالي حبيبتك
توسعت عيونه بصدمه ولامره خطر على باله او شك انها ماتثق فيه
هز راسه بأسى وقال:وانا الي احسبني ملكة ثقتش اثرش شاكه فيني!
نزلت عروب راسها بفشله من تفكيرها وقالت:بـ.س
رفع راسه وتقدم صوبها ، توترت عروب ورجعت خطوه للوراء
خالد:انتي لو تثقين فيني ماتسمعين من غيري ! وحتى اذا سمعتي شي
تعالي عندي وواجهيني فاهمه ؟ اما حركت انش تصدّين عني بدون تفهمين السالفه
ماتعجبني ياعروب انا هالمره بعديه لش يمكن لأنش ماتعرفين شخصيتي زين !؟..
لكن المره الثانيه بيكون لي معش تفاهم ثاني
استنكرت عروب نبرته وكلامه لانه من النوع الي مايتقبل أحد
يتحكم فيها او يأمرها بشي:انا معترفه بغلطتي صح واسفه لكن يمكن انت
كمان ماتعرف عني شيء ! انا مو من النوع الي يقبل الأوامر برحابة صدر
أبوي وهو ابوي ماقبل منه أي امر ولاتكلمني بذيك النبره وكأني السبب في كل شي بينا
تذكر انك أول واحد تسببب بالي احنا فيه الحين انت الي ماذكرتني يوم كشفت علي ويوم زعلت
منك سفهتني وبعدها تغمز لي ومدري وش اسمعني من اليوم ورايح مابيصير بيني وبينك كلام
ياتجي تدق الباب ولا الله يوفقك مع الي أفضل مني ويوفقني مع الي أفضل منك الدنيا ماتوقف على احد
رص على أسنانه بغضب عارم وبفحيح:عروووب ! انا ماقلت لش شي يزعلش انتي
الي اخترتي تزعلين من نفسش ويوم مالقيت عندش هم قررتي تطلعين خاين
انا مو اصغر عيالش مره تبيني ومليون مره تكرهيني وتحطيني خاين !
وش شايفتني انتي ورع صغير عندش ؟ صح ان شخصيتي فلاويه ونادر اخذ
الأشياء بجدّية بس هذا مو معناته تحملين ذنب كل شي يصير بحياتش (وكان قصده بهالكلام
ان اذا صار لها شي في حياتها ازعجها او زعلها قامت تطلع عليه كلام وانه خاين )
فهمت مقصده زين وضغطت على يدينه بعصبيه:متىى انااا حمللتك ذنب كل شي يصير
بحياتي ! انت شف اسلوبك الزفت هذا بعدين تكلم معي لهدرجه كارهني ياخالد؟
صرت ترفع صوتك علي وتكلمتي بنبره ماعتدتها !
صد خالد بقهر من أسلوبها الي يزعله ويكره فيها:لاتكلمين كذا لأنش تخليني اكرهش
واكره اني احاول في أبوش !
شهقت بخفه وكأن في شيء انكب عليها ماقدرت تصدق ان الي واقف قدامه
خالد هزت راسها بأسف تصد عنه وتقول بخيبه:هذا أحساسك فيني واتقبلها
بس اقولش شي ؟
لف يناظر بعيونها ومايدري شلون طلعت معه الكلمه
تنهدت تقول بنبره خافته:لعد تحاول في ابوي ولافيني الي بينا كان
ماضي والله يوفقك بحياتك الجديده مع وحده تصونك وتقدر حبك !
انا معد بنتظرك وأي احد يدق بابي بوافق عليه وانت كمان لاتنتظرني
واعتبر الي كان بينا حب مراهقه
تصنمت أقدامه ومعد قدر ينطق بشي كان مقصده بس يعاتبها
عشان يرتاح نفسيًا ولايكرها ويكبحها بداخله لكنه الحين منلجم من كلامها
هز راسه بنفي وبغضب قال:والله ماتصيرين لغيري وهذا الشنب يخط وجهي
وان ماخذتش فـ تحرم علي بنات أدام " أقترب منها يمسك يدينها "
خالد بهدوء نبرته:انا تيتمت مرتين لاتخليني يتيم مره ثانيه بسبب رفضش
مابي اعيش الوحده مره ثانيه انتي لي انااا تفهميييننن؟؟!!
وربّ العزة والجلالة ماتنكتببن على احد غيري ولو على دفني
تجدّد الفرح بداخلها وكأنها نست كل الكلام الي قالته سابقاً
زفر انفاسه بغيره من رجع بذهنه كلامها وقال:الي بينا مو شي بسيط عشان
ينحمى بينا طفولة ومراهقة شهدت على مواقف جمعتنا
ابتسمت بحب كبيير يحمله قلبها له وابتعدت بهدوء وقالت:خلك قد كلمتك
وتعال اخطبني من ابوي ولا تراني بكون حليلةٍ لغيرك !
انقلبت ملامح خالد وبغيره:ماراح تصيرين لغيري لو يصير بيني وبين ابوش معارك
وانا قد كلمتي وجهزّي نفسش !
تجدد الفرح بقلبها وطغى على وجهها السعاده لكنها قالت بهدوء:نشوف !
مشت لخالها تتصنّع الهدوء والامباله تجاهه لكنها كانت في قمّة سعادتها
كونها اخيرًا بترتاح من مشاكل اهله وبينتصر الحـب بعد سنيين طويلة
شهدته حيـاتهم !! ركبت السيارة ونست تمامًا انها كانت تبي الحمام
ضحكت بسخرية تعدل نقابها من المرآية
فلاح:الكل رجع لبيته لأن خالش بالطريق
استنكرت كلمة - خالش - وعقدت حاجبه تقول:مين خالي ؟
شهقت بخفه وقالت:خالي عزوز بالطرريق؟
ضحك بسخريه يهز راسه ويقول:اي وبرجعش معي
البيت رغم انّ ابوش بيلعني !