مُناي يهل غيثك ويسقي جفا روحي

Part 11

كشرت بوجهه ترجع تجلس على ضحك البنات عليها لفت
لغزل من قالت بطقطقه:يعمرييي انا الخوافيين
هبدتها بخفه وقالت:مايضحك سخيفيين!
الجود ضحكت:ياحبيبتي يا إلهام ترا مو صاير شي
تعدلت غزل بجلستها تبدا تشب الحطب:صح صح
يلا كلكم ساعدوني عشان نتدفى شوي ، بدات الأجواء تصير باااارده
قربت إلهام تدفى:خصوصًا الليل اف ياربي برد مرره
عطست الجود وقالت بحلطمه:شكلي زكمت اخخ
لفت غزل تتاظرها بأنتباه:قولي شي!
الجود ابتسمت بفهاوه من تذكرت:الحمدلله
ردوا كلهم:يرحمك الله
الجود:يهدينا ويهديكم الله
-
دخلت سلمى للخيمه تدور على غطى خفيف تأففت بضجر من ماحصلت والتفتت تطالع بلحاف خفيف
محطوط على جنب تقدمت تاخذه وتطلع برا
ابتسمت بخبث تلفه حول نفسها وتنحني عشان محد يشوفها ابتعدت تركض حلف الأشجار وتنبح
إلتفتوا البنات بخرشه على مصدر الصوت
ضحكت على ردت فعلهم خصوصًا إلهام الي شحب وجهها وأختفى لونها من الخوف والربكة !
صرخة إلهام والدموع صارت على خدها فزت غزل
تغطي على فمها وتقول بشويش:اصه لايقومون علينا
ركضت سلمى تطيح ضحك عندهم لكنهم مع الظلام مانتبهوا لها
ومع الحاف طارت شوشة سلمى صرخوا بخوف وباعلى صوتهم بسبب ضنهم
انها من العالم الأخر ، تقدموا العيال جهتهم يدخلون عليهم وطلعوا الشيبان والحريم بخوف
الجد حمد بصراخ:وش قومكم!!
صدوا الرجال وأشرت الهام على سلمى الي وقفت من الخرعه تناظر بالكل تقول:انا سلمى يابناتت!
تقدمت ام سلمى تمسكها مع أذنه بحده:وش مسويه هنيه؟ ماقلت لش نوم ومخرعه خلق ربي انتي ماترتاحين لين تاخذين لش دعوه
صرخت سلمى بألم تحاول تبعد يد امها:اقسم بالله توووبه قلت ابسوي لهم جو بس فكينيي الله يرحم والدينك ضمتيني
مسحوا على جبينهم بتوتر ، وقالت سلمى بكذب:عروب صاحبة الفكره انا وشدخلنييي!
شهقت عروب تضربها:قسم بالله كذاااابه من اليوم خامده مادريت عنها وهي الي قالت خلونا ننتظر العجايز ينامون ونطلع نسهر بدونهم
انقلب وجه سلمى تصرخ:وربي ماقلللت عجااايز يمه لاتصدقينها هالكذابه يالمفتريه قلت الحريم
لفت ام سلمى تقرصها:الله واكبر صرنا عجايز هالحيين معد نعجبش
ضحكوا كلهم رغم توتر الأجواء ووقعت انظار خالد على عروب الي باين على وجهها الحزن والألم لاحظت عروب نظراته وصد بسرعه نزلت راسها بضيق والدموع اجتاحت صدرها بالوقت الكل يضحك فيه كانت تنزف ألم من قوة صدّه وجرحه الكبييير لها وكأي وحده كانت بمكانه اكيد بتعطي ردت فعل قويه ، لوهله تجاهلته والتفتت تدخل رفع خالد نظره عليها وتنهد بينه وبين نفسه:الشاهد الله اني ماكرهتش لكني قويت على الصده بلحظة غضب السموحه ياحلوة الأطباع !
زفر يرجع لمكانه هو وباقي الشباب وتقدموا الشيبان
يهاوشونهم يدخلون ، الكل انسدح في مكانه وغطوا بنوم عمييق من التعب الا خالد الي كان يفكر بعروب
وينتظر الصبح أحر من الجمر عشان يعتذر منها ولأنه بالواقع مايقوى على الزعل منها والصد!
.
.
«الفجر ، بيت ابو فيصل»
وقف بخمول يلتفت حوله وصرخ من مالقى ام فيصل:يام فيييصل تنفس بغضب يمسح على وجهه من تذكر إنا الجد حمد كلمه امس وعلمه بالكشته لكنه تعذر بشغله التفت ياخذ المنشفه يمسح وجهه فيها رجعها مكانه ونزل للدور الأرضي يسوي له فطور خفيف عشان يلحق باقي الكشته معهم وياخذ اهله
بسبب السفره الي مخطط لها من زمان التفت من قاطعه صوت جواله الي يدق اخذه يفتحه يرد:هلا
****:قلت ابتدي صباحي فيك !
ابو فيصل بقهر مدفون:وش عندك يا**** ماني بفاضي لك
***:والله شوف عاد يا أنك تسوي الي عليك ولا ترا..
ابو فيصل وقف بغضب ومقاطعه:فهمت فهمتت وش تبي؟
ضحك بسخريه يقول:بما انك رايح هالحين معهم تلحق ف ابيك تركّز على خالد ، ولاتعطيه مُناه ومبتغاه وتذكر الماضي ووش سوا بك ابوه !
رص على شفايفه وتنفس بحقد: أعررف مابخليه يرتاح ولايتهنى بس انت كيف عرفت اني بروح صوبهم؟؟ تراقبني ولا وشوو !
ضحك بعلو صوته:انت مراقب من كل الجهات وأي حركه بس منا ولا مناك تروح بخبر كان انت والي معك وتعرفني محب الف والدوران خلك معي سيدا
خاف ابو فيصل وتوتر من انه ينكشف وقال:ابشر ،
قفل الجوال يرميه على الطاوله بغبنه وحسره خفيفه على الي بيسويه مستقبلاً وهم المتحكمين فيه مهب هو وحرفيًا كل شي ضده ولايقدر يعترض عن حاجه عشان ماينكب !
...
......•على الخط•.....
عبدالعزيز:خلاص ياعيال ابدق على ابوي اعطيه خبر
لفوا الكل له بصدمه واكمل:لأن فلاح مصور لي كاشتين وبيطولون شوي ومعهم الجد محمد واهله وابو نواف وجد سعود ومشاري واهلهم كلهم !
شهقوا بصدمه وارتفعت ملامح حسان بطفش:لا يبببه تكفى ابيه اسوي له سبراايز
ضربتها سناء امه وهي تقول:عن الهذره الزايده قال سبرايز تبي تاخذ قلب جدك انت
ضحك عبدالعزيز:خليه وش قومش انتي على هالولد الضعيف
ابتعد حسان يسوي نفسه زعلان:منجد امي ماجلس بجنبش الا وتضربيني وش بلاااك؟؟؟؟
كتمت ضحكتها تلف بوجهها تطنشها وتقول:الا متى ماشين ماكنا طولنا على الجماعه!
عبدالعزيز:هالحين يلا امشوا
رزان بحماس:يلا طلعوا الشناااط
حسان بمحارشه:معصي والله كلنٍ يطلع شنطته
رفع يزن حواجبه باستغراب:على طول قلب اللهجه
ضحكوا كلهم ومشوا يركبون السياره يتوجهون للديره بحماس
...
وقفت ام سلمى تدق الطبل بصراخ فوق راس البنات عشان يصحون: يلااا قومواا
فركت عروب عيونها تصحصح:وش هالأزعاااج
هدوءء نبي ننام
ضحكت الجده عبير:ماعاد به نوم اصحوا بس !
وقفت عروب بتعب تتوجه صوب الحمامات ، توجهت ام سلمى تبتسم تشوف سلمى خامده وغرقانه بالنوم:ياراعية حركة الأمس يلا قوميي
سلمى بخمول:يمه الله يرضى لي عليك من بينهم كلهم شمعنى انا اول وحده تصحيني ؟؟؟
الجده فايزه:هذا يمش عشان حركة امس هههههه
فزة سلمى وفزوا البنات معها من ضربتهم ام سلمى
وضحكوا الكبار عليهم ، ركضت سلمى تدخل الحمام الثاني تضحك:سبقتكم يالهطووف
تكت الجود على المغاسل:والله انش وصخهه
الهام وهي تتثاوب:اقول انا بنتظر عروب اصرف لي
ركضت امجاد تصرخ:حجزت بعدهاا
سولاف:وانا بعد الجوود
غزل:وانا بعد امجاد
ريوف:وانا بعد سولاف
طلعت عروب وانصدمت من المنظر ضحكت تقول:مو صااحييين ياربي هههههههه
ركضت الهام تدف عروب تدخل وتقفل الباب عشان تضمن محد يسبقها من البنات ، دقت الجود الباب على سلمى بصراخ:يااابنت ابنفجر انتي تولدين ولا وشوو؟؟؟؟
ضحكوا البنات وسولاف قالت:يابنتي هذي بتقعد سنه في الحمام بتخلص الهام وهي باقي
فتحت سلمى الباب ورمقتها بنظره حارقه لما سمعت اخر كلامها:والله من الكذب هذاني طلعت قبلها
...
•عند العيال•
بعد ماضربهم الجد محمد عشان يقومون ركضوا كلهم على الحمامات يتسابقون من يدخل لأن في كل قسم حمام اثنين بس وسبقوهم سلمان ولزام
سعود بضحكه:يالييل هالحين بيصبح الصبح وهم ماطلعوا
فلاح:الا وانت الصادق اصبح وبعد شوي تحلب العنز ياعنز انت والي معك
دفه سعود بطقطقه:عساس مابتحلب معنا
حرك فلاح راسه بضحك:طبعا لا انا خالكم والخال والد والوالد يحتاج الاحترام والراحه ياعيالي
خالد:الحين يعيش شعور الاب صدق
عزام ابتسم يكمل:ويصدق نفسه بعد
دفهم فلاح من شاف سلمان يطلع ودخل بسرعه يصك الباب بوجههم ويصرخ:بسوي نفسي ماسمعت ياعيون بابا انتم
عزام بقرف:وعوووهه ماينااسب ابدددًا
خالد وهو يفرك عيونه قال:اب يحتاج من يربيه
الكل:هههههههههههههههههههههههههههههههههههه
ياسر بطقطقه:خله يعيش الشعور على قولك
سعود دق الباب بقوه على لزام:هييي انت وش تسوي استعجلل اصبح الصبح وماركعنا
عزام:يارجال بيأذن الظهر وذول لسى
طلع لزام ورمى عليهم المنشفه بصراخ:على بعر بس محد قالكم لاتدخلون بدري
ضحك سعود يدخل وسفه عزام الي يهاوشوه
...
جلسة الشيبان اجتمعوا حول بعض بعد ماصلوا دخل فلاح يبدا يكبر
الجد حمد بهواش:توك تركعها ها؟ بس ماشي والله ان شاء الله اطلعها من عيونك
كتم ضحكته فلاح وتقدموا باقي العيال يصلون وراه انتهوا وتقدموا يجلسون
مع الشيبان الجد محمد ناظر بخالد وقال:روح عند الحريم هبلنا الأكل
ابتسم يقوم بدون اعتراض وهو في باله بيشوف عروب تنحنح بصوت عالي
يقول:ياولد الفطورر
تقدمت الجده عبير:لحظه يابوي انت اجيبه واجي
سحبها يسلم على راسها بضحكه:وش هالزيين حركاات يمه ماعرفتش
ضربته بشويش تضحك:ماعد به زين غدينا عجز مخرفات
ضحك بقوه ودوى صوت ضحكه في كل مكان ابتسم يقول:وقسم انش الأجمل بينهم
قال عجوز قال ههههه
هبدته تضحك تروح وتخليه تجيب الفطور ، اما عروب حطت يدينها على قلبها
من سمعت ضحكها وابتسمت لاشعوريًا بألم ووجع شافت الجده عبير تدخل
وكل الحريم يفطرون برا في الجهه الخلفيه مشت بأرتباك وخوف من ردة فعله
طلت براسها وشافته صاد وماسك جواله يراسل رفعه من جاه اتصال والغريب
انها المدربه نوره: السلام عليكم ، هلا اختي امريني؟
نوره بدلع:وعليكم السلام اول شي كيفك !
خالد بقرف:الحمدلله بخير كيفش انتي
نوره:بخيير الحمدلله ودوم يارب اسفه على الأزعاج وتخريب جوك
لكن في خيل مدري ايش فيه احسه تعبان ممكن تشوفه ؟
خالد انصدم لأنه ماراح الا وهو متأكد ان كل الخيول بخير ومعطيهم
العامل يهتم فيهم:والله انا حاليا بين جمعة أهل ف مقدر المعذره بس كلمي
العمال يساعدونش بهم
عصبت نوره وكملت بكذب:مو هنا المشكله مافي اي احد لأن اليوم جمعه وماظنك نسيت؟
وسع عيونه من تذكر فعلا وقال:تمام نص ساعه وانا عندش
تنفست بقوه وابتعدت بسرعه من لف خالد وحس بخطوات لكن استغرب من عدم
وجود احد ، ركضت بتعب بعيييد عن كل الأزعاج تنفرد بنفسها
انتشرت دموعها وهي تبكي بقوه: وربي لقى غيييريي خلااصص
انهارت تجلس على رجلها ببكى وصراخ:ياااربي لااا تعببببت وربي تعببببت !
من وين القاها من امي وابوي ولا منه شلوووون ينسانيي ؟ مهب يحبني حبٍ عظيم؟
وين طااار هالحب ويييين وكيييييف؟ معد ابي شي ياربي في هالحياه كثر انك تربط على قلبي
وعزاي في قلبٍ من زود حبّه نسى مادونه ووراه...ضحكت بدموع قهر ووجع تقول: اثره مع غيري يشيد مبانيه
و انت للحين يا قلبي تحبه ، وقفت بغضب وكبرياء:بس وعزته وجلاله اني مانزل ولااا دمعه
ولااا دمعه ياعروب عشان خاين وغدار واني لأنسى الماضي بكبره وحتى الي كان بينا
بالأمس بنساااه وبنسى دنيته بكبرها وكأن هالأرض ماعليها خالد ولاتخطاه بدون أفكر
وانا بدونه بخيييير وألف بخيير ، اخذت تمسح دموعها بعنف تشد على قبضة يدها
تحاول تشتت تفكيرها عن خالد ولأن الطريق الي ابعدت عنه بالأمام ف كان لازم
تمر من قدام خالد تنحنحت تشوفه لازال ينتظر وبيده صواني الأكل التفت خالد على الصوت
وتوسعت ابتسامته من شافها امامه نزل الأغراض واقترب ناحيتها لكن اندهش وبقوه من
سحبت عروب عليه ودخلت بسرعه بدون تلتفت له! ماسعفه وقته بفكر من تقدمت الجده عبير
وبيدها باقي الصواني وقالت:هيا انتبه تطيحها من بين يديك !
حرك راسه بطيب وهو مو حولها ولاسمع الي قالته اثر اندهاشه من عروب
رجع وبيده الأغراض واستقبله خيزرانة جده وهو يرفعها له:ماردك انك رقدت بعد؟
خالد ضحك:وش اسوي كان عندي مكالمه وعلى بال ماكلم عطوني الفطور
ضربه جده وهج خالد ورا الجد حمد والجد سعيد يقول:انا فيي وجههم ماتضربنيي!
الكل:هههههههههههههههههههههههههههههههههههههههههه
مسك الجد محمد الخيزرانه يحذف بها بعيد وجلس يسمي:اقعد اقعد جعلك العود المسنود
كتم ضحكته خالد وقرب يجلس بين ياسر وسعود ، اعطاه سعود نظره وكمل
اكله مسك خالد القهاوي والتفت لسلمان:خذ صب الشاهي وانا القهوه
كشر سلمان بوجهه وضحك خالد وقال سلمان:يعني جنبك سعود وياسر
مالقيت الا انا البعييد !
الجد محمد بعصبيه:اصه هيا امنعونا عن الرباده وكل واحد يصب
-
.....•في مكان ثاني•......
تنهد بصبر بعد ماقالهم كل المعلومات عن خالد ووين ساكن حاليًا
ابو سجايا -عم خالد-:وانا قلت ارسل سجايا له تستعطفه عشـ
رماح:لاا ياخوي انا عندي فكره افضل من هذي انت واهلك روحوا كلكم
صوبه وحسسوه انكم تحبونه وبنتك على أساس مطلقه وانت تهاوشها قدامه
عشان تضبط التمثيليه عليه ويصدقكم وبكذا ياخذها لأن لو ارسلتها لوحدها مابتضمن
انها ممكن تعلّمه بمخططنا وانت عشان نثق ان الخطه بتتم حسب مابني
عدنان:قسم فكره رهييبه وكذا نقسّم الورث بينا
دخل الجد سلطان عندهم وقال بضعف:ها عساكم حصلتوا اخوكم واهله؟
ابو سجايا:ايـ
دقه عدنان يسكته وقال بكذب:لا للحين لكن بلغنا الشرطه من زمان
وانت خابر وان شاء الله يحصلونهم
رماح:لان زي ماتعرف الضابط قلنا نستريح ونعتمد عليهم
بعد الله !
ابو سجايا:بعدين يبه الله يهديك الحين وشوله ترجّعه للبيت؟ نسيت
انه ماخذ منا وفينا!
ضرب عكازه بالأرض وبغضب قال:انا راضي عنه وابي ارجعه انتو
وش عليكم ؟ ووالله الي خلقها سبع ورفعها سبع مابياخذ ورشي بعد عمر طويل
الا اخوكم وان صار به شيٍ مابيورثها الا خالد ولده والي عندي قلتها !
ابتعد عنهم بحزن والدموع ملت خده جلس بالحوش يبكي على ولده وكيف قسى عليه
يوم طرده من بيته عشانه ما اخذ من بناتهم ، والحين مايعرف هو بخير؟ وينه فيه؟
قدر يأمن حياة هانيه لعياله ! ولا جارت الدنيا عليه !
بكاء بكل ضعف:والله اني مارتاح ليين اشوفك ياولدي واشوف حفيدي
رح يابوي انت راضي عليك دنيا وأخره والله اني اعرف اخوانك مهب ليتك
لكني غديت من بعدك كسييف الحال تنهد بضيق ياخذ جواله النوكيا صغير جدًا
واخذه بس عشان المكالمات ، اتصل على المحامي الي موكله يدور ولده واهله
يدري ان عياله مب ليته ومبتغاهم الورث بس !
المحامي:هلا ياعم
الجد سلطان:كيف حالك ياولدي عساك بخير
المحامي:بخير ياعمي وانت طمني عليك
الجد سلطان بحزن: بكون بخير اذا حصلت لي ولدي
المحامي:ابشر ياعم للحين ندور عليه لكن لاترهق نفسك بالتفكير يابوي
انت ريح عمرك ومابيصير الا كل طيّب بإذن الله !
هز راسه بنفي:انت ماتعرف مبتغى عيالي ينتظرون موتي عشان
الورث ويقسمونه يينهم يبون ياخذون حق اخوهم
المحامي بضيق:أرتاح ياعمي مابيصير شي انت مو راضي عليه
حط يدينك ورجولك في ماء دافي
تنهد بحزن:على الله ياولدي ، اي شي يصير علمني اول بأول!
المحامي ابتسم:ابشر ياعم
الجد سلطان براحه:تبشر بالجنة ونعيمها
المحامي:ومن يقول ان شاء الله

.......••........
فلاح بصراخ: امسكهم لاتهرب والله لأوريك العجب
لزام:اخاف تعض
فلاح بقلة صبر:بقعاء تصيبك يالمجنون الحين الدجاجه تعض
ضحكوا العيال عليهم وجاء خالد يمسكها من ورا:كذا الواحد يمسك مو يجي قدامها
سلمان بضحك:اعقب طلعت خواف يالزاموه
لزام:اقول اسكتوا لأحنطكم على الجبال اخليكم عبره للكل
ركض لزام يمسك باقي الدجاج لكن دوى صراخه في ارجاء المكان من انقلبت الآية
وصارت الدجاجه هي الي تلحقه وهو يركض ، طاحوا العيال يضحكون منهارين على
المشهد الي يصير قدامهم ولزام يصارخ وبلحظه لف لزام يركض جهتهم وهم يهربون
ضحك الجد محمد:والله انهم ماورثوا فطانتنا
الجد سعيد ابتسم:اعطوهم على جوهم دام الصدور وسيعة
ابو نواف:انشهد يامحلى المكان لا الصدور وسيعة اجواء النكد ماتعجبني
ابتسم الجد حمد واكتفوا يناظرون فيهم ويضحكون على ركضهم
وقف فلاح ياخذ حذيانه يرميها على لزام ويقول:يمين بالله لو ماتركض
لمكان ثاني لألعن جدفك يالغبي
لزام بطقطقه:لااا وشفيك احد يخاف من دجاجه؟
سلمان بضحكه:والله ياهو نتفك نتفه هههههههههههه
الكل: هههههههههههههههههههههههههههههههههههههههههه