انتقام مارينا

تكمله البارت الاضافي

انتَ يا كُلشي حِلو نگال بـِ لساني
انتَ يا كُل القصايد والأغَاني..!🤍

تكمله البارت الاضافي

الكاتبه :جنه

************************************************************************

مارينا

قريت الرساله چانت الصوره تحمل لأن النت ضعيف
انفتحت الصوره ضحكت على منظر البنيه الي بالصوره اللبس الي لابسته وي نفسي ماالبسه
واكو بصدرها وايدها وشم حولت الرقم والصوره الي التفتت على ريحة الحرگ
مسحت الرسائل الي حولتهم الي
رحت للدشداشه لگيتها محترگه انفتح الباب دخل احمد شايل نارا نزلها حچه بضحكه

احمد :مره قميص حرگتي ومره الحبر بالبدله العسكريه وهسه الدشداشه حرگتيها

مارينا :مچان قصدي

احمد :ختولي فدوه الج

مارينا :تمام اخذ بتك واطلع

باوعلي بإستغراب چانت نارا تاكل ككو ممنتبها النه وگف يمي حچه بهدوء

احمد :مارينا بيج شي ؟

مارينا :لا

احمد :شبيج تصيحين ؟

مارينا : ممصيحه اطلعوا يلا

باوعلي وضحك عباله مثل كل مره من نتشاقه اخذ نارا اسمعه يگللها

احمد :امچ البربر ياهو يگدرلها

مارينا : رحت طلعت الحاسبه من الكنتور وأخذت تلفوني گعدت على الچربايه اسمع صوت ضحك فهد ونارا وياه
مرت ساعه و١٢ دقيقه تحدد موقع الي دزت الرساله رجعت انتچيت على الچربايه

ليال مواليد ٢٠٠٠
صارلها سنين تشتغل بهل قاعه الليليه

قاطع تفكيري اتصال ابهر اخذت التلفون جاوبت واحس عيوني انملت دموع

"ها حبيبي

ابهر :ها بابا شبي صوتج

مارينا :مابيه شي انتو شلونكم

ابهر :الحمدلله كلنه
صوتج شبي ؟

مارينا :مابيه شي حبيبي

بقى يسولف وياي كملت سديت الاتصال رجعت باوعت للحاسبه حچيت بقرف

"لو احلى مني ولو ماكو احلى مني بس ميخالف اتواضع لو احلى مني بيها مجال تخوني وياها

اتصل تلفوني لبوه فتحت الاتصال جانت مكالمه ڤيديو باوعتلها وابتسمت بقهر
"عيونج رايحه من البجي
ضحكت ومسحت دموعها

جنه :دباعي لنفسج هم تردين تبجين
شصاير وياج

مارينا :اخوج خاني

اباوعلها باوعتلي ضحكت ورجعت تخلي حُمره حَمره
حچت وهي تخلي حمره

جنه :حلوه هاي النكته بس مابيه حيل اضحك اليوم سولفيها بأجر الي