ذراري الهجرس

الفصل السابع والعشرون

الفصل السابع والعشرون.....

لا ليلَ يكفينا لنحلُم مرّتين
ولا صبح يكفينا لنعيش كرتين
كرة لي
وكرة لك
ولكن مالنا غير التمني أملين
حياة كريمة غير مشوبة با اه والحنين

*********************************
✨اريد انوه على شغلة وياريت تقروها قبل تبدون البارت

قبل أيام مثل كل مرة طبيت لتيك توك وطلبت من وحده من مصممات الي جاي ينشرون تنشر قصتي هي جاوبتني وكالت ميخالف ارجع ورا يومين تلكى حاذفة المنشور!!!

ليش يعني لكيتي بروايتي غلط لو مقاطع مخلة لو بيها شي عيب يعني والله من حركه روحي يومين عفت البارت حتى ماكدرت اكمله

يعني شنو السبب رحت لوحده منهن اصلا ماردت عليه ووحده منهن كلتلي دزي وعافتني وماردت عليه واخر وحده مسحت المنشور كله فقط ثنين الي قبلو وماخجلوني

هاي اخر مرة اطلب واخر مره أكول الهن خلي تبقى الرواية هيجي هاي كتابتي وهاي هوايتي مااتخلى عنها
مانكول غير الله كريم ويجي يوم تنشهر الرواية بدون ذلتهن

اعتذر على هاي الكتابة بس روحي انسحنت من القهر ان شاء الله تستمتعون بل بارت ❤️❤️

*********************************

إيلاف.......

باوعت بوجه اوس مستغربة : يعني هسه هي تعرفهم لو لا

أوس : تعرفهم

: لعد ليش سوت نفسها ماتعرفهم

أوس : هذا الشي مااعرفه

: بنيه محيرة

أوس : كلهم غريبين مو بس هي حتى هذا نوح وصديقه مادري اخو حيروني تصرفاتهم مرات تشوفين مايخافون من شي ومرات هلكد مايصيرون حذرين تشكين بتصرفاتهم

: ذكرتني بابوهم هو أغرب من الي شفتهم انسان متناقض بمعنى الكلمة وقاسي مايرحم احد

باوعلي أوس ورجع صفن اني تذكرت تصرفات شفع بنفس غرابة هذول ومرات يصير مثل المجنون ويرجع طبيعي ورا يوم

أوس : غريب

: همم

أوس : انتي متاكدة تردين الطلاك

جمدت بمكاني من سألني فجأة ورا دقايق من التفكير كلت : اي لو مامتاكدة جان ماحجيت

أوس : دا تهدمين بيتج

: بيتي انهدم من زمان واني جنت لازمته علمود حبي اله ولجهالنا بس اهله هدموني بذاك اليوم

رجعت كلت بقهر : الحب مو حل كلشي

أوس : تتذكرين المشكلة الي جريتج بيها

انداريت اباوعله وهزيت راسي موافقة

أوس : شكتلج بهذاك اليوم