مُناي يهل غيثك ويسقي جفا روحي

Part 9

حس إنه بيرتكب جريمه فيها وهي مالها ذنب ، ومهما صار مستحيييل يرضى أحد يمد
يده على حبيبة مره وضي قلبه وزوجته المستقبليه ، وقف قبالها يمد يدينه بمنع تام
رص على اسنانه ونطق:والله وبالله وتالله إنك ماتمس شعره بس منها وهي بوجهي وشنبي
منك اذا عندك مشكله بيني وبينك هي مالها ذنب ، عصب فلاح يبعده ونطق بصراخ على المتواجدين
بالخيمه:ويييين عروبب....اطلعييي بسررررعه
طلعت الجده والخاله سلمى وام فيصل بخرشه ونطقت امه:شقومك ياولد انهبلت تصرخ كذيه؟
انصدموا من طاحت انظارهم على خالد ، ملامحه تدل على الغضب وبرزت عروقه
ام فيصل بخوف:بسم الله شصايير عروب راحت مع إلهام تتمشى!
فلاح بصراخ:وييينه فيههه تتمشى ويننن وعلى اي اساس تخلونها؟؟!
ام فلاح:وش الي على اي اساس البنت طالعه تتمشى وتغير جو نحبسها بعد!
بعدين اقصر صوتك لاقصره لك محنا في البيت تصرخ ....، مشى فلاح ووراه خالد
طلعوا العيال يشوفون الي صار وتغطوا الأمهات
الجد حمد:وشش فيه يامره وشوله الأصوات العاليه تيه!؟
ام فلاح بعصبيه:علم ولدك هالبثور يمشي ويصارخ ويروح بدون سبب!
-
ركض خلفه يبي يهديه ومسكه بالقوه:اسمعنييي اسمعنيي لاتقاطعني ، هي مالها ذنننب!
افهم يااااخي تعبت اشرح لك الموضوع ادري اني غلطت والله اسف وحقكم علي بس
نسيت نفسي والواحد مو معصوم عن الغلط صح ولا لا؟ انت دايم ترددها "ونطق بنبره يخشاه الحزن"
ليه تكون ضدي يافلاح تكفى وتكفى تهز الرجاجيل ماتلمسها ، وتخسى أصلًا تمس شعره بس وهي بأماني
وحمايتي والله الي خلقها سبع ورفعها سبع ماخليك تلمسها
ابتسم ابتسامه جانبيه وضحك بسخريه:تتوقع بتقدر تمنعني منها..؟
خالد بعصبيه نطق:ايوه اقدر وليه مقدر! ، انتهى النقاش من شافوا عروب وإلهام
متقدمين صوبهم شهقوا البنات بخفه ورفعوا غطاهم عليهم تقدم فلاح بعصبيه لعروب
الي سكنت من شافته معصب وخافت ابتعدت إلهام وفورًا ركض خالد وبلمح البصر صار
قدامها وسحبها وراه صرخة عروب وعصب فلاح نطق بصراخ:ابعددهاااا عنككك!
خالد ببتاسمه جانبيه:انا وش قلت لك؟ والله ماتمس شعره وحده منها دامها بحمايتي
شهقت عروب تحاول تفلت منه لكن كانت قبضت خالد اقوى منها ، انسحبت
إلهام تتركهم من حست إنّ وجودها ماله داعي وفلاح عندها رغم انها خافت بلحظه ،
قرب يسحبها منه لكن خالد مانعه ، نطق بصوت هادي:تتوقع تلمسها بوجودي؟
ابتسم فلاح بهدوء يسحبها من وراه ينطق:تتوقع تقدر توقف بوجهي!
رجعت بضع بخطوات تنزل راسها أسفل تنطق بضيق:ابعدوا عني!! "شهقت ببكاء تكبح دموعها"
ضاقت صدورهم من بدت تبكي وهم السبب لف فلاح لها:عروب اسمعيني يابنتي
دفته عروب تبعده:مابي اسمع شي! ، تكفون اتركوني لحالي
تنهد خالد بضيق يبعد ينطق بقهر:اسف اذا كنت سبب دمعتش ..، راح خالد تارك
فلاح وعروب لوحدهم رجع عند الرجال يجلس والكل يسألون عن فلاح ويرد عليهم "مدري"

بعد ساعات رجع فلاح يجلس يتصدد عن خالد واسألتهم ، لف سلمان بشك لخالد
نطق بهمس مايسمعه الا خالد:ولد هي! صار شي بينكم؟
خالد بنفس الهمس:بعدين بقولك مو وقته ياسلمان
رجع يتكي بيده على المركى بيد ماسك شاهي واليد الثانيه مسبحته يقلب فيها
بعد صمت طويل ماينسمع فيه الا حكاوي الشيبان نطق لزام:ياعيال شقومكم
قومو خلونا نسوي لنا جو
مشعل:منجد ياتافهين تعالوا نطلع نسوي جلسة برا
وقفوا كلهم يطلعون عكس فلاح الي رفض يطلع وجلس يسمع لسوالف
الشيبان ويبتسم لهم وبين حين وحين يشاركهم سواليفهم الي اغلبها عن ماضيهم
وحياتهم في  زمن أول....
-
مشاري:ماودكم ناخذ دببات؟
نط لزام يقفز بحماس:الاا والله تكفووونن نبي نااخذ
فارس:قددددام بس بكره الحين تأخر الوقت ماينفع
عزام:اقول وش صار على العامل حقكم ياخالد؟
خالد الي ماكان منتبه بإيش هم قاعدين يسالفون وماكان مركّز اصلًا كل باله
مع عروب الي توسطت قلبه نطق:يتحلطم
ضحكوا كلهم وأكمل سلمان بضحك:ياعيال والله تمتون ضحك عليه
جدي كارفه كرف الحمير قبل امس جاء عندي بعد مالعن جدي خيره
بسبب الغنمه الي شردت يقول (هذا بابا ليش يقول حق انا غبي مافي معلوممم؟؟)
ضحكوا العيال وكمل سلمان لااا وبعد يصارخ يهدد انه بيسافر
طاح لزام يضحك بحضن فارس:اخخخ ياعيال مسكييين يحزن
عزام ابتسم:عاد تلقى الجد محمد يهاوشه وهو مايدري وش يخربط
ضحك خالد وبدا يدخل جو مع سواليفهم
سلمان:ياخي ذا مسكين اشفق عليه من جدي والله مطلع روحه أي شي يصير حطه براسه
مشاري بضحكه:شكله بيشرد انتبهوا له
شرق فارس بالمويا وضحك من تذكر سالفه كان بيقولها من زمان
بس من كانوا يقاطعونه:تخيلووا تذكرت في استاذ كان يدرسنا زمان بالإبتدائي
ياهو كان ملعون جدف ، قسم بالله كان اي احد يتأخر يجيب اكبر مسطره وعلى طول في يدك
ضحكوا كلهم ولف خالد بصدمه:لحظه لايكون اسمه صالح ؟
ناظره فارس بصدمه:ايوهه كيف عرفففت!!
خالد ناظر بسلمان وفطسوا ضحك والعيال يطالعون فيهم بإستغراب ، حاول سلمان يكتم ضحكته ونطق:هذا الله يسلمكم زمان كان يدرسنا ومره خالد كثر مويه ووقتها صفرت الحصه الي علينا وبدت الثانيه وهو كان علينا المهم قال خالد بيسبق الوقت ويروح قبل يجينا لإنه كان ملعون مايطلع أحد من الفصل المهم وراح خالد ولسوء حظه إنه لعله تأخر بزياده وقده جاء صالح وكان في مجموعه طلاب هاربين من الحصه فـ "ناظر خالد يضحك ويكمل السالفه:فـ الملعون يحسبني هارب معهم طبعًا انا ماكنت ادري انه جاء لين سمعت الي هاربين في الحمامات يصارخون وعاد تعالوا شوفوني قسم بالله ليومكم ذا مدري من غسلني ولبسني (تعالت ضحكات العيال بقوه )ضحك معهم يكمل السالفه:طلعت بسرعه ودخلنا لقيناه ينتظر عند الباب الله ياخذه مسكنا كلنا وعيا يقتنع اني بريئ اخذ المسطره وسطرنا انا والي هربوا بعدين جلسنا الله لايوفقه يووه يحرت ضربه للحين احس بألمها
سلمان شرق يضحك:عاد كان يشوف وجهي وانا قامط اصلًا من دخل قلت راح فيها
فارس:ايي والله كان بالمسطره الخسيس يسطرنا
مشعل:الحمدلله مادرسني ولا كانت بتصير معركه
عزام:ياشيخ احنا كان يدرسنا واحد دب كرشته تغطي عليه وربي تطالع فيه كأن كوره تتكلم مو انسان ،
ضحك لزّام:يووه ذاك استاذ مصطفى عاد ماينفهم من شرحه حاجه
رماح:يارجال خل عنك ذا احنا الحين في واحد يدرسنا وجهه يشبه الكلب يعني استغفرالله مكذب
صدق لما اقولك كلب يعني كلب
ضحكوا العيال ونطق فارس:لايكون استاذ صباح؟
سعود ضحك:من الأسم واضح ماشاء الله
فارس:اي ذاك حكايه ثانيه يحسب مادته مهمه هو ووجهه
رماح بإشمئزاز:عاد بدنيه الحمدلله والشكر ويحسسك إنها مادة رياضيات
قرب فارس من النار يتدفى رفع يدينه يوجّهه صوب النار:كله كوم واستاذ الأنقليزي كوم ثاني
طبعا لكم إن تتخيلوا انه اصغر استاذ ومستقوي على كل الإساتذه مره رحت بشتري من المقصف
وكانوا مسويين إجتماع بالساحه الداخليه واصوات الإساتذه واضح يتناقشون قام صرخ عليهم
يقول بسس خلاصص اسكتوا المشكله المدير معهم ولا سوا شي بديت أشك إنه عنده واسطه!
عزام:يابوي الي كذا يجونك ملاعين جدف بالبدايه بس في النهايه هم الي يساعدون
يسوون مراجعات وكذا
رماح:صح صح هو يسوي مراجعات وفجأة يصير طيب ويساعد
بالإختبارات
خالد ضحك:وش جاب هالطاري الحين! أحسني رجعت بالزمن لورا
ضحكوا كلهم ، فارس ابتسم:ياخي أحسدكم ماتدرسون
سعود بهدوء:ترا بعدين تصير من الماضي الجميل وتتذكرها تقول ليت الزمن
يعود جد من أحب السنين لي خصوصا أيام مراهقتي كانت أيام ودي انها تنعاد
سلمان:الله يسقي ذيك الأيام أنت ايام مراهقتك وانا ايام طفولتي
خالد بحب لذيك الايام:اخخ ياعيال تذكرت ايام جدي شباب هو وجدتي
كان يودينا البر والمزارع نطلع وبعدين يطلعنا لأبها عشان الملاهي
ونطلع الطايف تستقبلنا القرود هناك
سلمان ضحك من طاري القرود وسرعان ماخطر ببالها شي!:على طاري القرود
تذكرت يوم رحنا وطبت علينا القرود وكان معي موز ولعبت سيارات سكتنا
فيها جدي عشان كنا نصيح نبي الالعاب ووقتها دقوا العمل على جدي واضطرينا
نرجع وجاء قرد وزرف موزتي ولعبتي جلست اتحسب عليه ذاك اليوم
خالد:وكمان تتذكر يوم في قرد بغى يخطف رعد هههههههههه
انفجروا العيال يضحكون وهم مصدومين ، سعود بصدمه:منجدكم؟
لزّام:ماتخيل رعد وقتها هههههه
خالد:بس لحقه جدي على اخر الدقايق ولا كان بيكون الله يرحمه
سلمان:يمه بغيت افقد اخويي الله يحفظه
رموا العيال عليه كراتين المناديل وبعضهم فناجيل القهوه وهم يضحكون
بأستخفاف ، خالد بقرف:من زينك أنت وأخوك
سلمان بنرجسيه:اقول بس احمدوا ربكم إن عندكم شخص مثلي
الله يحفظني ويخليني لكم بس ولا يععع كيف بتكون حياتكم بدوني؟
خالد ضحك يحاشره:كانت بتكون أجمل صدقني!
رمى سلمان كرتون منديل يضحك يمثل الزعل:خير خالد؟ سلك لي
شوي وش قومك!
الكل:هههههههههههههههههههههههههههههههههههههههههه
-
.......•قسم البنات•........
من بعد مادخلت عروب عم الصمت تقدمت امها لها تسحبها للخارج
تنطق بشك من صمتها:وش كان يبي فلاح منش وليش معصب؟
حاولت عروب تخبي حزنها:ماقال شي بس كان معصب لأن جدي كل شوي يطلبه
ويوم جاء عندي ماكنت فيه عشان اعطيه اغراضه وعصب بس
ام فيصل عقدت حواجبها وشكها يزيد:بس كنا انا وسلمى وخالتش وامي موجودين وش معنى انتي بالذات!؟..
عروب بتأفف:يمه الله يهديش هو كان يبي كمان غرضه اعطاني اياه من زمان اخبيه
تغاضت ام فيصل ونطق بهدوء:عمومًا تأكدي لو كان في شي بعرفه خصوصًا إنّ خالد كان معه
توسعت عيون عروب بقلق وبكذب:اي لأن هو اعطاني غرض لخالد وعلى اساس اعطيها الجده بس
نسيت مشكوره ذكرتيني ، راحت ام فيصل تجلس وهي مو مرتاحه لكنها تحاول ماتشك بشي ، تنهدت
عروب براحه من راحت امها رغم انها تدري بأمها مستحيل تتركها ومع ذلك بتحاول تتجنب اسألتها
لها وتبين لها ان شكوكها مو صحيحه
-
......•قسم الرجال•......
تنحنح خالد يقوم من لمح ظل ثنتين وتوقع عروب بينهم نطق بهدوء:بروح اقضي حاجتي
سكتوا شوي يسمعون لها ورجعوا يسالفون من شافوا خالد راح لمكان بعيد
لمح خالد نظراتهم له ومن بدو يسالفون ابتسم ولف ورا الأشجار شاف عروب وام فيصل
توسعت عيونه يسمع كل كلمه تقولها امها لها وهي ترد عليها بكذب ، تنفس بضيق اجتاح صدره
ماوده يجيب لها المشاكل ناظر لأم فيصل تروح عنها وتوجه لها يسحبها ورا الإشجار
توسعت عيونها وصرخة بخوف قاطعها خالد من حط يده على ثغرها ينطق بابتسامه: انا خالد
بعدت عروب بسرعه عنه وبغضب بان على ملامحها:نعم وش تبي؟؟
ماتعرف حراااام تقرب صوبي وانا ما احل لك!!!
خالد ضحك:بسم الله هدي شوي جاي اتفاهم معش وش قومش
تكتفت عروب بضيق تلف للجهه الثانيه:لاتتفاهم ولا اتفاهم تكفى خلني لوحدي
يكفي المصايب الي تنحذف علينا من كل جهه الكل بدا يشك بسببك
خالد بضيق:انا ماعلي بهم علي بش انتي بس تسمعين؟مايهمني ولا واحد فيهم يهمني
انتي تسمعيني تكفين بس اسمعي على طول قلبتي علي اذا انتي نسيتي انا كمان نسيت انش ماتحلين لي
عروب لفت عليه معصبه:ماشاء الله بس مانسيت تمدح صح؟
حوقل بصوت مسموع وحط يدينه على راسه بتعب:يابنت الناس والله تعبت وانا اطارد لرضاش
وقلت لش مستعد اخطبش بس انتي تكبرين السالفه! المهم ماعلي فيهم انا بروح هالحيين اخطبش
من جدش والي فيه خير يفتح فمه بكلمه!
عروب بعلو صوتها:انهبلتت انتت ولا كيييف؟ كيف تخطبني من جدي!
وأبوي ! انت كذيه تخليه يرفض وقسم
خالد بغضب:يعنييي وشوو بالله؟ لاتبيني اخطبش ولا اقرب صوبش وبعدين
معش انتي قولي انش انتي الي تبين الرفض مو هو
انصدمت عروب تطالعه ونطقت بغصه:اجل انا الي ابي الرفض؟
انا الي انتظرتك طووول عمري وأسمع أحتمالاتهم ان يمكن عنده بنات عم
وياخذ منهم ولا حاط عينه على وحده فيهم واقعد اكذب كلامهم وازعل لاتكلموا
كذا ، انا الي ابي الرفض صح؟!
خالد بحزن:......
-
......•أبها البهيّة•......
طلع رعد من المستشفى وفضل يرتاح بغرفته بعيد عن أزعاج العيال
توجه فيصل للحوش الخلفي يكلم أمجاد يتطمن عليها لأنه أنشغل عنها من جاء
أبها ، دق عليها كثيير لكن ماردت قفل جواله بغضب وتذكر إن الأبراج
ماتوصل للديره تنهد يدخل يسمع محارشات العيال بينهم
ذيب:يابني ماعندك سالفه
سلطان بتذمر:والله انتم ماتفهمون!
حمد بتسليك:اي صح حنا مانفهم بعد عن التلفزيون
وقف سلطان بمعانده يغطي على التلفزيون ينطق بأستفزاز:مافي لين تسمعوني
حذف(رمى)حمد الريموت عليه بغضب يقول:يمين بالله لو ماتبعد بـ هالكرتون
على وجهك!
ضحك سلطان من قدر يصد الريموت:أنا ياوجه الفلس مالي معكم
كلام أجل ياقليلين الأدب ماتسمعون سالفتي المهمه جدًا !
فيصل بضحك:ياشيين المُزعجين
رفع سلطان كتوفه بطقطقه يقول:يحليله ضايق الحلو من حبيبة القلب عشان
ماردت ههههههه
كلهم:هههههههههههههههههههههههههههههههههههههههههه
أخذ فيصل قارورة الماء يرميها عليه:اذلف بسس!
حمد بضحكه:الحين يمسكها عليك ههههه
طلع رعد من الغرفه بأنزعاج يقول:ياليل المزعجين ماترتاحون انتم؟
أيمن جاء بيده صحن فيه ترامس شاهي وقهوه وبيالات:مذا تسوون وليّه الأزعاج
سلطان:من حمدوه وذيبوه التيوس
ناظره ذيب بـ تهديد وعصبيه وتنحنح سلطان يجي خلف رعد بضحك:
أنا في وجهك منهم كلهم!
ضحكوا ونطق ذيب بصرامه:والله ان ماركدت بعلمك ذيبوه زين

......•في مكان بعييد•......
تراقب النجوم تعدها وهي تفكر بـ خالد ولد عمها المختفي وتتخيل
لو يطلع متزوج ويحب زوجته وقفت بغصب من تفكيرها ماتسمح لنفسها تفكر
بـ تفاهات زي كذا رفعت راسها تناظر السماء تنطق لنفسها:مستحيل خالد متزوج او
يحب اكيد عايش في مكان ما متأكده صح ولو شافني بيحبني !
صرخ ابوها من تحت:ياسجايااا
نزلت بذعر تتنفس:هلا يبه بغيت شي؟
ابوها بحده:اسمعيني انا قلت لك كل شي عن خالد وانتي لازم
اذا شفتيه تغرينه عشان ماياخذ ورث ابوي علينا وكمان المهم ترا وصلني
علم بأنه يحب بنت خويه ويموت فيها وأحتمال بيخطبها عشان كذا لااااازم تبعدينه
من تفكيره وتتظاهرين إنك طيبه لييين تعمينه عنها وتتعرفين عليها وتسوين نفسك
طيبه ومسالمه عشان تثق فيك وبعدين انتي وعقلك اذا تبين خالد (ذبلت وانكسرت لكن
في نفس اللحظه تبسمت بخبث وهي تخطط لأشياء وااااجد)
أكمل ابوها:وأهم شي ابكلمك كل شوي وتعلميني واذا طلبت شي تنفذينه
ولارجعتك هنا وحبستك
سجايا بخوف:لا معلييك بنفذ كل شي وعلى ماتحب!
ابتسم ابوها بخبث:اجل بعد اسبوع تجهزي وتدربي من الحين
هزت راسها بإيجاب تبعد عنه تطلع لغرفتها ترتاح ، تقدمت الأم له
تنطق بكره:بالله أنت ناوي تشبك البنت أكثر مع ذاك البدوي؟
ابو سجايا:انتي وش عليك يامره؟ ماتبين فلوس وتعيشين حياة الرفاهيه
وتشترين كل الي تحلمين فيه
ام سجايا بخفوت:الا!
ابو سجايا بعصبيه:اجل لاتدخلين فيني وفي بنتي الي اقوله يصير وبروح
الحين لجل نخطط انا واخواني مع الرجال الطيب ، ضحك بوسع ثغره يطلع برا
تارك زوجته تبتسم بخبث تنطق:واخيرًا بنستولي على املاكك ياخالد!