في مكان يسوده الظلام مايسمع فيه أي حس ألا ضحكات الشر
***والحين وش نسوي يازعيم؟
***الباقي خلّه علي!
***يازعيم هل بيأثر هذا على حياتنا؟
هز راسه بنفي وبخبث:ابدًا ، حطوا يدينكم في مويه بااااارده وخلوا كل شي علي
بس أنا لازم أسافر لمكان ثاني! وأدي مهام كان المفروض أسويها من زمان
***لقيت موقعهم يازعيم
ضحك بخبث:اي اي افا عليكم ماكون انا**** اذا ماعرفت شي واحد على الأقل!
ضحكوا كلهم بخبث وهو مقرر بالسفره ومجهز لها وصار وقت يحقق مطلبه والي يبيه
-
.........•تهامة ، البر!•.........
وقف خالد واستغربوا كلهم، عقد سلمان حواجبه ونطق:على وين؟
خالد:أقضي حاجتي تبي تجي؟
سكتو كلهم وتعالت الضحكات على سلمان من نطق بصراخ:أذلف بسس يالوصخ
كتم ضحكته خالد ومشى يطلع رفع جواله يدق على مفلح وهو مشتاق له بالحيييل
تبسم بوسع ثغره ونطق:أرحبب في ذمتي ياحي هالصوت
مفلح:هلا هلا حي نباك وينك يالقاطع!
خالد بضحكه:اقول لاتزرف كلمتي وخلّك مني احنا طالعين البر
مع الباقين تجي؟ بنكشت كم يوم ونرجع
مفلح أعجبته الفكره:والله كان ودي بس تعرف أشغال على العموم
لاخلصت ابلحق عليكم
خالد بأستغراب:أشغالك أهم مني؟
مفلح ضحك:يعني زوجتي وكذا!
ضحك خالد وشهق يستوعب الكلام وهو يتبوسم:فارق بس واذا خلصت أشغالك
الي أهم مني لاتجي
مفلح:يصير خير إن شاء الله!
خالد:يلا سلام
مفلح:سلام ، رجع جواله خالد وهو يفرك حواجبه وبدون وعي
لقى نفسه أبتعد شوي عن الضجيج عقد حواجبه بستغراب يناظر البنت
الي متكيه على الشجره سانده ظهرها عليها وماسكه خصل شعرها الأسود
ويضرب الهواء عليه توسّع ثغره بأبتسامه بتشقه من عرفها وقرب صوبها
تنهد وهو ينطق والفرح يطغى على ملامحه: وش عاد أبي بالناس واللي ورا الناس
وانتِ مليتيني جمال وجمايل
فزّت برعب تغطي وجهها بخوف:يمهههه
ضحك خالد:افا وانا احسب حبيبتي ذيبه ماتخاف باس ولامضره
شهقت تضربه على كتفه من الخرعه وهي مو مستوعبه شي:ليييه تخوفني!
تألم خالد من ضربتها وسكت يبتسم:حتى الوجع منش مايجيب المضره!
عروب قربت منه بخوف:ضمتك؟
هز راسه بنفي تام:افا عليش انا اتوجّع منش !
عروب بشك:تكفى لاتخوفني عليك وتحسسني بالذنب قول توجعت؟
خالد عشان يطمنها:شوي بس! مع أنه بشوفتش راااح الألم
فزت تسحبه للأرض وزحلق خالد على الارض كتمت ضحكتها ونطقت:ابتأكد باقي تتوجع ولا لا
تألم خالد ومسك على ظهره بوجع:زدتي الطين بلّه!! (مسك على ظهره بألم)اخخ ياظهريي
عروب بخوف:خل أشوف كتفك اذا تتوجع
خالد بألم:عساس بتعرفين
عروب شهقت بحده و نزلت بهدوء وبينهم حدود:تراني بيطريه على فكره!
خالد ضحك:حبيبي بيطريه مو دكتوره بشريه
كتمت ضحكتها وضربته بخفه على ظهره:خييررر ياخالد!
خالد مسك يدها يستهبل:امزح فداش ياشيخه اعتبريني خيل
تبسمت عروب تبعد يدها عنه:اي خلك كذيه شااطر مثلي احمم
خالد رفع حواجبه بدهشه:لايشيخه أحلفي! بس تدرين انتظر تبدا الجامعه
عروب بستغراب:ليّه؟
خالد غمز بوسع ثغره ينطق:عشان تطبقين عندي واعتمدش لخيولي!
استحت عروب ووقفت بأحراج:لاتحرجني
وقف خالد يمسك ظهره وكتفه بألم:ودش بحاجه؟
عروب:ايي جيب كندر تكفى سلموه بلعت لوحدها بعد الكلب استغلت الفرصه
خالد تذكر يوم كشفت قدامهم ونطق بحده:تعالي انتي صح لو اشوفش باقي تنسين تتغطين
ياويلش ياعروب
شهقت عروب وهي استوعبت على نفسها ، رفعت الطرحه ولفت ورا الشجره
تنطق بذات الحده:حرام ليه ماتنبهني
خالد بحب:وتبيني افوت الفرصه بشوفتش؟
عروب عصبت:خير خالد شفيك انهبلت حرام وش الي تفوتها!
ما أحل لك تذكر!!
ضاق صدر خالد من راحت وماسمعت كلامه حزت بخاطره
ورجع عند العيال يمسك ظهره وكتفه بضيق ، شافوه العيال من دخل
وجلس جنب سلمان بألم ، تبسم الجد محمد بضيق وكمّل يسالف مع الجد سعيد وحمد
وابو نواف ، اما خالد الي لف عليه فلاح ونطق قبل سلمان:وش فيك!
تنهد خالد:مافي شي معليك
فلاح:امش قوم معي شوي
خالد وقف وهو كل شوي يتنهد بضيق كل مازانت من جهه خربت من جهه
ثانيه ، الجد محمد:وين بتروحون؟
فلاح بتصريفه:بمشي انا وخالد شوي هز راسه بإيجاب وعرف خالد
إنّ موضوعه ماغر الجد محمد وتبسم بضيق كأن هموم العالم أجتمعت عليه!
-
.......••........
دخلت بتأفف وهي معصبه وزعلانه مرره منه وحركته
البايخه ، لمحتها إلهام ونطقت بهمس:وش قومش ؟
عروب بضيق:مافيني شي!
إلهام لمحت الضيق بعيونها:تراني اقرا عيونش
لفت عروب بدهشه:ووش تقول عيوني بعدين كييف تقرينها!؟..
ضحكت إلهام:كيف اقراها سّر المهنه ووش تقول تقول انش زعلانه ومعصبه بعد!
انصدمت عروب ونطقت بذهول:كـ.يف اصلًا وش عرفش!يمه بديت اخاف ترا
إلهام:لاتخافين ولا ترتبكين انا أخصائية نفسيه ومايخفى علي شي هذي دراستي
عروب:طيب ، تنهدت إلهام ومسكت يدها:أمشي نقوم نتمشى شوي ؟
عروب تمددت على الأرض بتعب:مالي خلق والله توي جايه روحي مع وحده من البنات
إلهام نطقت برفض:انا ابيش بكلمش بموضوع مهم ، وقفت عروب وطلعوا برا بعد ماعلمو الحريم
وانهم مابيتأخرون وقفت إلهام وجلست:ايييه يلا قولي وش قومش ضيقانه!؟
عروب:يعني جايبتني عشان تقولين لي كذيه!
ضحكت إلهام وهزت راسها بإيجاب:ايوه هيا اجلسي انكسرت رقبتي وانا اعاني لش فوق
ضحكت عروب تجلس وتنطق بضيق:بقولش كل شي وانتي قولي اذا معي حق بالي سويته!
إلهام:غردي اسمعش
عروب:......
أنت تقرأ
مُناي يهل غيثك ويسقي جفا روحي
Poetryأنت طوقٍ حطه الله في يدين الغريق وأنت ريف العمر عقب السنين الغابره - « كُتِبت بِواسَطة الكَاتبة غَلا 🌟» حَسابي أنستا : rwicce@ لا أستبيح النقل ! أو الأقتبـاس ↪︎
