نجوم محرقة وليل "دامس"

بارت ١٧

بقلمي انا الكاتبة::- بلبل

#نجـوم_محرقة_ولـيـل"دامـس"

تعليق بين الفقرات ومتابعة الحساباتي لطفاً

الانستكرام::- ze8.h
الواتباد::-zai9_hr

.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ.◟َ

انا المالي كل احباب انا الماينفكد لو غاب

.⊀ .⊀ .⊀ ..⊀ ..⊀ ..⊀ ..⊀ ..⊀ ..⊀ ..⊀ ..⊀ ..⊀ ..⊀ ..⊀ .

نجمـــة ::- شهكت فازه من شفت خلف بسيارتة منتظر الإشارة تمشي حاط ايـــــده عــلى الاستيرن ويتلفت يباوع للشارع بملل

ضليت مجمده انهبدت ايدي من المعصم حـيل فتريت الجهة ثانيه الهام عاصره ايدي وتجر بيه تجاه السوك تهمس

- ايأج تتلفتين بــــــس يشوفنا ننتهي

جسمي كله ارجف امشي مجمده بــــس عيني فاكتها

طبينا داخل بالسوگ عبرنا بهمة اليشفونا عن بعد يحس عندنا شي ...... صعدنا الشارع مال الجهة الثانية انتهيت احس اتحرك وامشي بلا وعي بعد مابيه خطوة لزمت گــــلبي كاعده على حافة الرصيف اهتز واگرض بشفتي خايفة شافني خايفة لمحني خايفة يكول الجبران وينتهي ليل واللـــه ينهوا

رفعت ايدي حاضنة وحيل اطبب اصابعي بعيني امرد بيهن فزيت من الهام وگفت تكسي فتحت الباب ولتفتتلي تحجي

- كومي سريع

كمت صعدت وهي دارت الجهة ثانية صاعده حرك ابو تكسي دارت جسمها علية تعدل بشيلتي وتحجي بلهفة أنفاس تتراجف

- نروح الشقتي على ما ترتاحين

هزيت راسي عيني كبت على خدي سريع رفعت ايدي امسح بوجهي ترجع تنزل على خــــدي لمن طبك اباب بناية طويلة كلها شقق نزلنا

دخلنا لازمتني امشي وارجف وليموت روحــي اخاف خلف شافني نزعت بشتها وراحت بركض طابه جوا شوي ورجعت بيدها كلاص ماي وأخوها يمشي وراها ويترثع ما يثبت على گاع أخذت الكلاص منها بــــــس بللت شفتي ورجعتة على طبله والخوف متجسدني

كضت ايديه تحجي بخنك
الـهـام ::- ماشافج واللــه ماشافج

رفعت عيني العينها اشهك واحجي
::- بــــــس شوي الهام شوي لو لامحني لـيـل ينتهي يروح يرجع يرجع ينحكم الهام يرجعون يحكموا