ياوطن قلبي

Part 7

~ ياوطن قلبي ~

ضحك سطام ونطق: طيب ليه تكذب بعدين تراك مفضوح هد شوي
على نفسك
ملهم برتبك: وش مفضوح على وشو !
ضحك سطام من شكل ملهم ولف يلحق ريوف
جلس ملهم باقرب كرسي عنه نطق يكلم نفسه: بسم الله ملهم وش جاك والله طلعت خفيف
ضحك على نفسه وكيف انه يكلم نفسه كذا
-
عند البنات
لميس بفرح: ياخييي بنات تجنن علاقتهم ببعض كيف مع بعض رغم اختلافهم
وسن ببردو: اي اختلاف ترا ام سطام هي ام غرام وابو ريوف وهو ابو غرام
رغد بضحك:ياخي وسن هههههههههههههه
رفيف بضحك: وسن ما عندها يمين يسار على طول
رهف: ياخي بنات ابي قهوه
لميس : رهف صدق عالم موازي
رهف بضحك: الله يسلمك
شهد: بنات جد ابي قهوه خل نطلب
العنود وهي منسدحه: انا ابيي
شهد: يلا اجحدوها على حسابي بس وش تبون
نطت لينا بحماس: ابيي امم مدري احترت
شهد بضحك : حبيبي قلت قهوه بس ترا ماني طالبه لك حلا
لينا رجعت لوضعيتها: اجل ليه تحمسيني
رهف رفست لينا : والحلا الي سويت يالخايسه !
لينا بالألم : يعور يحيوانههه!!
دخلت نجد الي توه تقوم كان نومها مقلوب
نوف بضحك: نجد وجهك مفقع كم صار لك نايمه
نجد بصوت مبحوح: اخخ بس خليها على ربي
ضحكو البنات من صوتها نطقت حور: نجد شفتييي ريوف جت ام نواف مدري سطام وجت معها اخت ريوف
ضحكت رغد : لغز حبيبي حور
نجد بضحك: صدق ما فهمت شي!!
لميس وهي تضحك: حور لا عاد تسولفين
حور بتمثيل الزعل: ياليلل ياخي عاد وش اسوي ما اعرف ارتب الكلام
-
تقدم سطام يجلس بينهم : صدق اشتقت للجلسه ذي
ريوف : صدقق مرهه اخبااارك غرامم
ابتسمت غرام بحب: الله بخييير يارب اجلس عندكم مابي اروح مع ماما
ريوف : سهله استاذني من بابا وخاله مريم ما تقدر تسوي شي!
نواف: هي ليه جت يعني عشان تاخذ البيت؟؟
غرام بتوتر : ااء الصدق كانت جايه تاخذ فوفا بس لسبب ما تبي تاخذها عند بابا
سطام بستغراب: كيف وين بتوديها؟
ريوف بصدمه: صدق وين بتوديني!!!
غرام برتباك : ببـ كانت تبي تـ تزوجك لـ عزيز ولد خالي سلطان
ريوف كانت ساكته بصدمه
سطام: ويييين عايشييين حنا!
قامت ريوف بخوف من ذا الموضوع يمكن تقنع ابوها وتتزوج شخص ما تبيه !
كانت تمشي بدون وجهه محدد تدور بحوش بيت ال سليمان ابتسم يشوفها تمشي معطيته ضهرها كان شعرهاا البني يغطي نصف ضهرها تقدم يمسك كتفها لفت وكانت عيونها مليانه دموع نطق بصدمه: بسم الله وش فيك!
ريوف بدموع: كااانت جايه تاخذني ! تـ تتبي تقدم يمسك يدها يهديها : اشش بس مابي اعرف ليه تبكيين اهدي اول
-
سطام : ياخيي نواف مو طبيعي امنا فيها بلا
نواف كان ساكتت يفكر ليه امه تغيرت كذا يعني هي من اول اسلوبها خايس بس الحين تخوف
تنهد سطام : بقوم اشوف فوفا ، غرام ادخلي عند البنات برد
غرام وهي تتامل نواف : تمام
قم سطام وقامت غرام كل واحد راح بجهه غرام وهي تمشي متجهه داخل قابلة تركي ما كانت تعرف من هو بس تعرف انه مع نواف تقدمت ونطقت: نواف لحاله ويفكر كثير تكفى حاول تغير نفسيته شوي
قام تركي ونطق: ابشري
راح ومشاعره متلخبطه من كلمة تكفى مايدري ليه قلبه ارتعش يوم قربت عنده ، قرب وجلس عند نواف وكلهم كانو يهوجسون
سطام ابتسم يوم شاف ملهم يواسي ريوف وهو اصلا ما يدري وش السالفه تقدم سطام يناظرهم ريوف سحبت يدها بهدوء كانت ساااكت ماتدوي وش تقول تحس بشي غريب تجاهه ملهم في شي داخلها يقول لا تقولين له بيزعل وبنفس الوقت تقول يزعل من وش ! كانت سرحانه ابتسم سطام : فوفا حبيتي انتي روح سطااام ادخل برد عليك
ملهم خز سطام وسطام كتم ضحكته من وجه ملهم
ريوف بوجه ذابل بعد كل الدموع نطقت بصوت كله هدوء: طيبب
قامت ولف ملهم لسطام وضربه: روح سطام توكل لا اشوتك
ضحك سطام بصدمه: اختيي ترا ما ازوجك
ملهم بصدمه: والله ان تزوجني طرق عنك
سطام بضحك: اقوللل مافيه تضربني وتبيني ازوجك اختيي!
ملهم بضحك: اعقب متى ضربتك
سطام بنفس ضحكة ملهم: امداك تجحد
ملهم بتسال: هي ليه تبكي قطعت قلبي ما اعرف اواسي
ابتسم سطام: اقولك بس ما تزعل
ملهم بشك: ليه ازعل ما بزعل
سطام: ملهم امي يوم جت اليوم كانت تبي ريوف
ملهم بعدم فهم: طيب كلنا ندري انها تبي ريوف
سطام برتباك : اي بس كان الموضوع انها تبي تـ ت تزوجها
ملهم بصدمه مع عصبيه: كيف وليه ولمينن وشلون سطاااام لا تجنني تراني تعبتتت وانا اكابر انا حبيتهاا وانا جاااهل بالحب ولا اعرف شي اسمه حب حبيتها من اول يوم شفتها فييه بفستانه الاسود الي دمرني سطام انا مدري كيف حبيتهاا سطاام هي صارتت وطن قلببي!
سكت شوي يلقط انفاسه وكمل وهو يحاول يخبي دموعه :ي سطاااام عشقتهااا وانا مالي بالحببب حبيتها وابيها تكفى ي سطااام لا ياخذها غيري والله لا اموت من دونها !
سطام بصدمه: بسم الله عليك وش تموت ولدد تعوذ من ابليس وان شاءالله انها لكك ي رفيقيي
تقدم ملهم يحضن سطاام بعد كم دقيقه من سوالفهم اذن الفجر قامو يصلون ورجعو الي نام والي ما جاه نوم
-
في حائل
تقدم يجلس عنها : تتوقعين يقبل اعتذاري؟
علياء: مدري ان شاءالله
حمود نزل راسه : ياخي متفشل من نفسيي دمرت صداقتنا بيديني عشرة سنين
رفعت يدها لوجهه : حمود لا تنزل راسك كذا
تقدمت تحط راسها على كتفه
حمود : اخخ ي علياء تعبتت
علياء : حمود خلاص ارسل هاذا الهديه مع اعتذر مترين و ان كتب ربي بيسامحك
حمود: عليااء متفشللل كاني بزر ليه ما فهمت منه اولل اخخخ بس
حضنته علياء وبادلها الحضن نطقت: اشش خلاص قفل على الموضوع
-
عند البنات غرام فهمتهم الموضوع وكانو يحاولون يغيرون جو ريوف بشكل مو طبيعي لميس بهمس: بقوم اقول لـ ملهم يودينا نفطر برا تختار مكان حلو
لينا: ايي كفوو روحيي يلا
قامت طلعت بالحوش وهي لابسه فروتها البيضاء
تقدمت تشوف جدها جالس بالحوش ابتسم يوم شافها : ارحبيي يبنت راكانن ارحبي
ابتسمت: ارحبب ي ابو ابراهيم
تقدمت تبوس يده وراسه : جديي ما شفت ملهم
الجد سليمان: الا شوفيه بالمجلس بس انتبهي نواف نايم
ابتسمت من طاري نواف وراحت تشوف ملهم قابلته عند باب المجلس ابتسمت وهو بادلها الابتسامه
لميس: ملهم عادي تطلعنا نفطر برا
ملهم: كلكم؟
لميس : انا والبنات رويوف نفسيتها تعبانه شوي نبي نغير جو
ابتسم ملهم: طيب خلاص تجهزو على الساعه ٧ نطلع
أبتسمت: اخخخ شكررا مومو
ضحك ملهم بصدمه: اما مومو !
راحت وهو واقف مكانه يفكر تقدم سطام الي جاي من برا : ولد
ملهم: هاه
سطام بضحك: اثقل
ملهم بصدمه: اعقبب
طاح سطام يضحك من تعابير وجه ملهم ، جاء خالد بعد سطام بكم دقيقه : وش يضحككم ضحكوني معكم
سطام وهو يحاول يكتم ضحكته : تخيل بس تخيل ان فيه لبعض الناس طايح بالحبب
خالد بصدمه مخالطتها ضحكه: امااا عادد
ملهم عطاهم نظره : انا الساعه٧ بطلع البنات يفطرون مابي اشوف وجيهكم
ضحك سطام بصدمه: افااا بدال ما تأخذنا تفطرنا
خالد بضحك: اخخ من غدر الاصحاب
ملهم : ياخوي انقلعو عندييي
خالد لف لسطام : يقول لنا انقلعوو صدق اخخ من غدر الاصحابب
سطام ضرب راس خالد: اي غدر امش والله ان نروح معه
ملهم بصدمه: ويين تروحون توكلل
سطام بضحك: بودي خواتي
ملهم جلس على الارض : يالييل حركاتكم سوو الي تبون بس انقلعو عندي
ضحكو على شكله وكيف انه جلس مستسلم
-
وقف وهو يرد على الجوال: كيف انتي قلتي اذا بعدت سطام ونواف عندك بتزوجيني ريوف!
مريم ببرود: ما قدرت وش اسوي عاد حتى غرام صارت معهم !
عزيز بصوت عالي: انتيييي قلتي تزوجينيي هي ليه تكذبين ليهههه توعديني وانت مو قدها صدق انك حقيره !!
مريم بصوت مرتفع: هييه انت تراني عمتك احترم نفسك لا اتوطاك الحين
عزيز: بتزوجينها غصب ولا بسوي شي ما يعجبكم
مريم بعدم اهتمام : سو الي تبي بس انقلع عندي وعن عيالي
ضحك بصدمه : صدق انك حقيره.
قفل الاتصال بوجهها طلع يدور رقم سطام ما شاف الساعه ما يدري هم صاحين نايمين مو مهتم دق وكان متوقع انه ما بيجيه رد بس فجاه سمع صوت سطام الي ما سمعه من زمااان
سطام كان يضحك يوم رد لانهم يناقرون ملهم للحين: الوو ، مين؟
عزيز كان ساااكت بس يوم حس ان سطام بيقفل نطق: الو
سطام بستغراب: هلا مين معي؟
عزيز: معقوله نسيتني!
ضحك سطام بصدمه: وش تبي ؟
عزيز بجديه تااامه: انا بجي اخطب ريوف
سطام بصوت عالي : تخطبب مين يروح امك ما عندي بنات نزوجهم لك
عزيز بهدوء: مو منك بخطبها من ابوها ما بيردني ؟
سطام بعدم صبر: جربب انا قلت لك ريوف ما بتاخذها ،..
نط ملهم يوم شاف ريوف جايه وكانها مايبها تسمع الكلام الي سمعه صار قدامها تطقت بستغرب: وشو
نطق برتباك: ااء انا بوديكم
ريوف بستغراب: طيب ابي سطام شوي؟
ابتسم يوم تذكر اول لقاء بينهم وهي بدلته الابتسامه وهي مصدومه نطق بعد ما استوعب الموقف: اء ايه قولي للبنات يلا وارجع لسطام بعدها
راحت وهو بقى واقف يشوفها تدخل لف لطسام الي كان جاي بجهته : سطام
سطام بستغراب: لبييه
ملهم: ابي اتزوجها ابي اخطبها واتزوجها سطام خايف عليه مين الي كنت تكلمه !
سطام ضحك ونطق: ياخي الحين تأكدة انك خفيف
ابتسم ملهم: سطااام
سطام : ياخي اصبر انت اول صارحها خل تحبك شوي شوي مو على طول ريوف تخاف من موضوع الزواج مهد لها شوي شوي بس عاد لا تتحمس
ضحك ملهم : ياخي تصدق كل تبن
سطام سكت بصدمه هرب ملهم وهو يضحك صادف ريوف الي ابتسمت وهي تشوف يضحك
-
عند عزيز الي اعتزل العالم عشان حبه لريوف كان يعشقها حبه لها مبالغ فيه بدا يكسر كل الي حوله ويصارخ بعد ما فقد الامل انه ياخذها دخل عليه اخوه هادي : ولددد وش جاااك ترا خوفت امييي
عزيز بصوت كله تعب : هادي ما بيزوجوني انا وش ذنبيي اذا حمود تزوج حبيبة سطام انا وششش ذنبيي ياخذون مني حبيبتي !
هادي بصوت عالي : اقوللل صحصحح تراك رجال وهي ما تحبك عزيزز يرحم والديك صحصح !!!!
طاح يبكي قدام هادي الي انصدم من حالته
-
بالرياض
نزلو البنات وبقى ملهم بالسياره كانه بنتظر احد بعد كم دقيقه ابتسم يوم شافه جت ركبت جنبه : نعم وش تبي؟
ملهم: نعامه ترفس العدو اسلووب اختاهه
لينا: ملهم اخلص وش تبي؟؟
ملهم بهدوء : لينا اسمعيني لين الاخير بعدين قولي الي تبين بس لانك اقرب وحده لييي بقولك وابي حل!
سكتت لينا وكانت تنتظره يقول الي عنده لف عليه : اوعديني يكون بيني وبينك.
لينا بستغراب: اوعدك ملهموه وش فيك؟
تنهد ملهم ونطق: انا حبيت حبيت تخيلي ان ملهم الي ما يدري وشو الحب حبب
ضحكت لينا بصدمه: وميين المحظوظه الي حبيته
ملهم ببتسامه: ريوف
لينا تلاشت ابتسامتها: ريوف ريوف اخت سطام؟
ملهم بصدمه : فيه ريوف غيرها ؟
لينا بتفكير: بس امي تبيك تتزوج بنت عمتي نوره وجدان؟
ملهم بشبه عصبيه: الحين انا الي بتزوج ولا امي؟
ضحكت لينا: ياخي ملهم احس ما تليق عليك
ناظرها بطرف عين : ياخي ليتني قلت للميس على الاقل تراعي مشاعري
لينا وهي تضحك: يا ابو المشاعر طلعت خفيففف
ملهم بصدمه: اعقبييي
نزلت لينا وهي ميت ضحك ونزل ملهم معها على دخلتهم للمكان الي بيفطرون فيه كانت ريوف طالعه
ريوف بصوت كله هدوء: مُلهم
لف ملهم وهو مو مصدق انها قالت اسمه: لبـ .. هلا
ريوف: عادي تشوف جوالي شكله طاح بالسياره؟
ملهم ببتسامه: ابشري
لينا كانت كاتمه الضحكه ودخلت للبنات ريوف راحت ورا ملهم فتح باب السياره وما كان يدري انها وراه وقف وهو معطيها ضهره: ملهم اثقلل ياخفيييف اثقل يابزر
ريوف وقفت بصدمه وهي تحاول تكتم ضحكته بس ما قدرت ضحكت وهو لف بصدمه وابتسم وهو يشوف ضحكتها ريوف بضحك: اثقل اثقلل هههههههه
ملهم ببتسامه: ريوف
ريوف بعد ما هدت ناظرت فيه ببتسامه : هلا؟
ملهم: عادي اقول لك شي؟
ريوف بهدوء وفضول: تفضل
تنهد ملهم : ريوف انـ
قاطعهم خروج غرام الي كانت تدور ريوف

الانستا: o_aiw77
اتمنى انكم استمتعتو بالقراءة 🫂.