တုံ့ပြန်မှု တစ်စုံတစ်ရာ မရသည့်အတွက် မှားယွင်းလွဲချော်မှုရှိနေပြီဖြစ်ကြောင်း သိလိုက်ရ၍ ဓာတ်အားပေးခန်း အတွင်းမှ လူသတ်သမားသည် လှေကားထိပ်တွင် စောင့်နေသော လူသတ်သမားများအား...
"အထဲကို ဝင်သွားကြည့်စမ်း... သေနတ်သံတွေကြားပေမဲ့ ဘာမှပြန်မဖြေဘူး..."
လှေကားထိပ်တွင် စောင့်နေသော လူသတ်သမားနှစ်ဦးလည်း အခန်းတွင်းသို့ ဝင်သွားလိုက်ကြ၏။ အခန်းတံခါး ဖွင့်ဖွင့်ချင်းတွင် လဲကျနေသောသူတစ်ဦးကို တွေ့လိုက်ရ၏။ သို့သော် မည်သူမှန်းမသိချေ။ ထို့ကြောင့် ဓာတ်အားပေးခန်းမှသူအား "မီးဖွင့်လိုက်..."
ဓာတ်အားပေးခန်းမှလူက ရှုချန်း၏ ကွန်ဒိုအတွက် ပါဝါခလုတ်ကို ပြန်ဖွင့်လိုက်၏။ အခန်းတစ်ခုလုံး လင်းထိန်သွားကာ အလဲလဲအပြိုပြို သေဆုံးနေသော အလောင်းကိုးလောင်းကို မြင်လိုက်ရ၏။
"ကျုပ်တို့ကောင်တွေအကုန် သေသွားပြီ... တခြားလူတွေ မြန်မြန်လွှတ်လိုက်..."
ထိုသို့ အထိတ်တလန့် ပြောကြားနေစဉ်မှာပင် ထိုသူနှစ်ဦး၏ လည်ဝသို့ ရှုချန်း၏ ဓားချက်များ ရောက်ရှိလာတော့သည်။
ထို့နောက် ထိုလူသတ်သမားနှစ်ဦးထံမှ ပစ္စတိုနှစ်လက်ကို ဆွဲယူလိုက်၏။ သေနတ်နှစ်လက်လုံး ကျည်အပြည့်ရှိနေကြောင်း တွေ့လိုက်ရသည်။ ထို့နောက် အခန်းထဲမှထွက်ကာ လှေကားဆီသို့ လျှောက်သွားလိုက်သည်။
အောက်ထပ်တွင် စောင့်ဆိုင်းနေသော လူသတ်သမား လေးဦး ( ဓာတ်အားပေးခန်းမှ လူ အပါအဝင် ) လည်း အပေါ်ထပ်သို့ နှစ်ယောက်တစ်တွဲ ချက်ချင်း တက်လာကြသည်။
ရှုချန်းသည် လှေကားထစ်မှ ဆင်းလာစဉ် သေနတ်များကို အသင့် မောင်းတင်ထားလိုက်၏။ လူသတ်သမားနှစ်ဦးကို လှမ်းမြင်လိုက်ရသည့်အတွက် ရပ်တန့်ကာ စောင့်ဆိုင်းနေလိုက်သည်။
အလျင်စလို ပြေးတက်လာကြသော လူသတ်သမားနှစ်ဦးသည် ရှုချန်းကို တွေ့လိုက်ရသည့်အတွက် ထိတ်လန့်သွားကြသည်။
သို့သော် လူသတ်သမား ဖြစ်ကြောင်း ရှုချန်း သတိမထားမိနိုင်စေရန် အတွက် သာမန် ကွန်ဒိုနေထိုင်သူများအဖြစ် ဟန်ဆောင်လိုက်ကြ၏။ သူတို့၏ လက်များမှာမူ ကုတ်အင်္ကျီရှည်အတွင်းမှ သေနတ်များပေါ်သို့ အသင့် တင်ထားကြလေသည်။
YOU ARE READING
နတ်နဂါးစစ်သည်
Fantasyနတ်နဂါးစစ်သည် (Chapter - 1274 ( completed ) ဘာသာပြန်စာရေးဆရာ - တင်အောင်ခိုင် ဗြိတိန်တွင် SIS ၊ US တွင် CIA ရှိသလို ဟွာရှတွင် ဆန်းကြယ်သည်ဟု လူသိများသည့် နဂါးတပ်ဖွဲ့ တစ်ခု ရှိပေသည်။ ယခင်က အရွေးမခံခဲ့ရသော စစ်သည်တစ်ဦးသည် နဂါးတပ်ဖွဲ့၏ စာရင်းတွေ နောက်တဖန...
အခန်း ၁၃၇ ( မယုံနိုင်ဖွယ် ဖြစ်ရပ် )
Start from the beginning