جبروت الصعيد

البـارت الخـامـس

ميسا بتعب وهيا تستند على حافة الرخام: ااه دايخه اوي

صفيه بقلق وهيا تساعدها علي الجلوس: اقعدي طيب ارتاحي شويه

جائت سونيا بالماء بسرعه: خدي يا هانم

شربت ميسا الماء وهيا تشعر بتحسن قليلا: ااه يا راسي

صفيه: بس بس تعالي اطلعي امشي مشوفش رجلك هنا تاني

نظرت لها ميسا بإستغراب من اسلوبها: هو انا عملت حاجه غلط يا ماما

صفيه: لا ده انتي عملتي اكتر حاجه فرحتني انتي مش عارفه انا مبسوطه ازاي

ميسا وهيا تجلس فوق السرير براحه بعد ان صعدت بمساعدتها: مش فاهمه في اي

صفيه بسعاده: انتي حامل دي كلها اعراض حمل

اندهشت ميسا وهيا تضع يدها علي فمها: بجد يا ماما

صفيه بسرعه وهيا تتجه ناحية الباب: ايوه يا بنتي علي ضمانتي انا هنزل اخلي السواق يجيب اختبار حالا

ميسا بخوف: لا يا ماما عيب

صفيه: عيب اي اسكتي

ميسا برفض: لا انا هقول لليث يجيبه خليه هو الي يجيبه

صفيه: مالك طيب فيه اي

ميسا: كده هيتخانق معايا ويقولي ليه تخليه يجيب حاجه عيب كنتي قولتيلي

صفيه: بس يا عبيطه انتي

ميسا بتفكير: مليش دعوه لو اتكلم انا هقوله انتي الي جبتيه

صفيه: ماشي يختي وتجيبيها في وشي انا

ميسا ببكاء: يا ماما

صفيه: خلاص هرن عليه يجيبه هو معرفش انا اي الجنان ده فيها اي دا اختبار حمل اي العيب

ميسا وهيا تهز رأسها: لا عيب برضو

صفيه: خلاص هروح اشوف عزيز يتصلي عليه ولا ماهر

ميسا: وهتقولي قدامهم

صفيه: يوه يا ميسا اسكتي انتي وملكيش دعوه اعتبري انك متعرفيش ماشي

ميسا: ايوه انا هعمل كده اصلا كأني معرفش وانتي بس الي تعرفي

صفيه وهيا تخرج: ماشي

ذهبت صفيه للجناح الخاص بها هيا وعزيز وجدته جالس يتابع بعض الاعمال: فين الموبايل بتاع يا حج

عزيز: عايزه ايه منه

صفيه: كنت عايزه اكلم ليث يجيبلي حاجه

عزيز: وهو ليث اشتغل سواق عندك

صفيه: يووه بقي خلاص انا هنزل اقول للسواق

عزيز: يكون احسن انتي عارفه ابنك

نزلت صفيه بخيبه وهيا تملي علي السائق ما سيحضر