ذراري الهجرس

الفصل السادس والعشرون

الفصل السادس والعشرون.....

لا شيء يضاهي الغارق الذي يتمسك بقشة
الغارق لا يفكر، لا يتذكر، لا يتوقع
يريد فقط الخلاص
وانا كنت مثل هذا الغارق ابحث عن الخلاص حتى وان كان خلف هذا الخلاص نوايا!!!

ونزل البارت سوو متابعة وتصويت قبل لا تبدوا🫢❤️

*********************************

طيرة......

لا أعلم ماترمي اليه الحياة عند دلوفها لمنعطفات نتضطر فيها للاختيار وأن كرهنا الخيارين وكما الحياة دائما تريك قسوتها وتجبرك على أن ترضخ لهذه القسوة

كلماته كانت صدمه بل نسبة الي بحيث صفنت دقائق بهذا الكلام وكلت وراها منتفضة :نعم

رجع كالها بكل سهولة على غرار الضياع الي بثه بداخلي : أعقد عليج

ابتسمت مستهزئة حالتي والي وصلت اله : كول والله لا هسه من صدك مصختها

كال بكل ثقة وسهولة : تثقين بيه

: لا

اجه صوت ضحك من ورانا : ههههههههههه تستاهل

بحر : همام اجي اخلي قهري كله بيك اسكت

همام : سكتنا شبيك ماتتحمل شقة

رجعت سحبت ايدي من لزمها وكلت : انت صدك تحجي لو تخبلت يا زواج يا عقد

بحر : والله لمصلحتج هسه شسوي لو عمج رادج مني

: عسى ما يكتلني انت سامع الي دا تحجي

بحر : ليش تقهريني انتي بس طاوعيني هاي المره

دفعته وصحت : صخل اني تمشيني شلون ماردت لا ابويه ولا اخويه كتلك لا تتجاوز حدك ويايه

بحر : شسوي ماتكليلي شسوي راح يزوجوج بزور من ولد عمامج شلون تردين تخبليني

ضحكت من كل كلبي على هذا التعليق : وانت شنو فرقك عنهم؟

همام : طيرة مو هيج السالفة انتي ماتدرين

صحت بأعلى صوتي : شنو ماادري شنو انت والف واحد مثلك مااقبل بيهم مو اني الي تحطني جوه تهديدك

بحر : يمتى مهددج ليش ما تعرفين تحجين

: هههه لعد هذا شنو هسه بكل عين صلفة تجي تكلي طاوعيني وقبل ايام تساومني بنافلة اذا مو تهديد شنو تعتبرها حضرتك من الله يلعنكم كلكم

جرني من ايدي بشكل حسيتها انخلعت راسا صاح همام : نوح

رجع صاح بحر : اني مثلهم تسويني مثلهم

: اي مثلهم ليش خايفة منك بس لو تموت مااقبل كتلك وارجع اكلك

علت صوت ضحكات جانت اله كال : اني مثلهم تدرين هجرس شسوه اني اكلج اخوج أخذه ماتكولين اخوي وين ماتكولين نوح انت وين اسبوع صارلي ادور علي ماكو أخذه فوك هذا دا اجاهد مايوصلون لاختج هسه جايتني تكولين مثلهم