ياوطن قلبي

Part 5

سطام وهو يحاول يسيطر على الالم والدوخه نطق وهو شبّه فاقد الوعي: السكر
وطاح مغشي عليه
سطام كان يعاني من مرض السكري من كان صغير وما احد يدري الا اخوانه وملهم وخالد

رجع النور للمخيم وبعد كم دقيقه يستوعبون الي صار صرخ خالد : سطاااااام وييينه
بدو يلفون المخيم كله ونصهم طلع يدور برا المخيم
ريوف كان مصدومه وخايفه بنفس الوقت كانو البنات عندها بعد توصية ملهم ونواف ،
ريوف وعيونها مليانه دموع : اخاف صار له شي
هيام: لا تخافين معليك بيلقونه
ريوف بتفكير: طيب لو صار له شيي بسبب السكر
لفت لميس بصدمه: فيه سكر؟
ريوف بخوف: ايوه من كان صغير
قامت لميس تركض

ابو ملهم : مو معقوله وين بيروح دو.
قاطع كلامه صراخ لميس : بااابا
لف ابو ملهم بخوف: ايش فيييه
لميس: اخته تقول فييه سكر يمكن داخ او شي لاننا ما اكلنا شي من العشاء
ابراهيم ابو نايف: من وين تسابقتو
رفع اصبعه طلال للجهه الي تسابقو منها
لف ابو نايف: طيب اركب نايف امش ندور قريب

عند راعي الابل
ماسك جواله ويكلم : ياخوييي عيت تشتغل وش اعمل به انا الرجل طايح ، متى ، عجل عجلل ي بهاج لا تكثر كلام الادمي طاح عندي والي واضح لي ان يده مكسوره معه خيل لونها ابيض لابس ثوب لونـ
سكت من شاف سطام يتحرك ونطق للي يكلمه : اصبر قاعد يتحرك
تقدم لسطام ونطق يساله: ولد هيه انت تسمعني
ما سمع اي اجابه رفع جواله : تعال تعال بسرعه حالته ما تسر

طلع ابو نايف ومعها نايف ونواف الي غصب ركب
معهم
نواف بخوف: ي عم وين بندور وين بيروح هو اصلا
نايف : ي نواف هدي نفسك ان شاء الله انه بخير معليك مابيضيع المكان كله مخيمات بعدين مهو طفل يضيع
سكت نواف بخوف

نط من سمع صوت السياره : اسرعععع
دخل بهاج ركبو سطام السياره ونطلقو المستشفى
اول ما وصلو دخلوه على طول رفع راسه بهاج بتسال: هو وش جابه عندك ؟
ذيب: تخيل كنت اضبط الشاهي عشان سمرتنا يوم خلصت اسمع واحد يصوت

بعد ساعتين
طلع سطام كان واقف مع ذيب وبهاج ويده فيها جبيره يشكرهم على مساعدتهم
سطام بابتسامة: ابي جوال ابي اطمن اخواني علي
ذيب بحب : ابشر هاك
بهاج بهمس: اذكر ان ما به رصيد ؟
ذيب : انطم شحنته معليك
بهاج بهمس: متاكد
ذيب بنفس همسه : تقلع لا اشوتك

نواف كان على اعصابه كلهم متجمعين يدورون حول المكان فجأة جتهم ريوف تركضض : سطااام يتصللل
كلهم قامو اخذ نواف الجوال ورد على سطام الي كان متصل على جواله
( *جواله مهو معه عندهم اتصل على رقمه *)
نواف بخوف: سطااام وييينك فيه شيي
سطام : لا تخاف بخير
نواف: كيييف بخير وينك
سطام بتردد: اسمع نواف عطني جدي ولا اي واحد من عيال الجد سليمان
نواف: سطام انت تكذب علي وينك انت بخير
سطام: ي نواف والله اني بخير والله بس ابي اكلمهم لانهم يدلون الرياض
نواف بخوف : طيبب
مد الجوال للجد سليمان ابتسم الجد ومسك الجوال يحطه على اذنه: هلا ي سطام
سطام : جدي قول لملهم ولا لخالد يجي المستشفى ال******
الجد سليمان بهدوء : ابشر بس انت بخير اهم شي
سطام وهو مبتسم: والله اني بخير لا تخافون وطمنو ريوف اني بخير