Normal no more (geminifourth ff✅)

Addition

Unhealthy obsessive with Fourth။

"မီးခြစ်?"

ဂျောင်ကျကျလမ်းကြားထဲမှာစီးကရက်သောက်ဖို့လုပ်နေတုန်းကြားလိုက်ရသည့်အသံ။

စိတ်ရှုပ်သွားသလိုမျိုးမျက်လှန်ကြည့်လိုက်တော့ ထိုလူက နှုတ်ခမ်းတွင်တစ်ထားသည့်စီးကရက်ကိုမီးတောင်ညှိ‌ပေးပြီးနှင့်ပြီလေ။

၂၀၂၄ရဲ့ရည်းစားရှာနည်းလား?ဟက်ခနဲတစ်ချက်ရီလိုက်ရင်းစီးကရက်ကိုငါဖွာလိုက်သည်။

"အမည်က?"

နံရံကိုခပ်လျောလျောမှီလိုက်ရင်းစီးကရက်ငွေ့တွေကိုထိုလူ၏
မျက်နှာစီသို့မှုတ်ထုတ်လိုက်တော့မခံနိုင်သလိုထွက်ပေါ်လာသည့်ချောင်းဆိုးသံ။

စီးကရက်နံ့တောင်မခံနိုင်သည့်လူက ကလပ်ရဲ့အနောက်ဘက်ကိုရောက်နေပါလားဟုငါခပ်ချဉ်ချဉ်တွေးလိုက်သည်။

အစကတော့ဆေးချဖို့လာပေမယ့်အဖေလွှတ်ထားသည့်အစောင့်တွေကို မြင်တာကြောင့် လူပြတ်သည့်ကလပ်အနောက်ဘက်တွင်ငါစီးကရက်လာဖွာနေခြင်း။

အတွဲတွေလောက်သာတွေ့ရတတ်သည့်နေ‌ရာမလို့ ဒီလိုလူလိမ္မာလေးရောက်နေတာကတော့သိပ်ကိုအထူးအဆန်း။

သောက်ထားသည့်အရှိန်ကြောင့်ရော ဆေးမသုံးရသေးတာပါပေါင်းပြီးလူကမူးဝေဝေနဲ့ရယ်။အာခေါင်တွေလည်း ခြောက်နေသလိုလို...

စပ်နေသည့်မျက်ခမ်းစပ်တွေနှင့်မိန်ပျပျလောက်သာရှိနေသည့်မီးရောင်အောက်တွင်မျက်နှာချင်းဆိုင်က လူရဲ့မျက်နှာကိုသဲသဲကွဲကွဲမမြင်ရပေ။

ဖွာလက်စစီးကရက်ကိုမြေပြင်ပေါ်သို့ပစ်ချလိုက်ရင်းခြေထောက်ဖြင့်နှင်းချေလိုက်သည်။

ရုတ်တရပ်မျက်နှာချင်းဆိုင်တွင်ရပ်နေသည့်လူကသူ့ဘောင်းဘီအိတ်ကပ်ထဲက အိတ်အကြည်လေးတစ်ခုထုတ်ပြလာတာကြောင့်ငါမျက်လုံးပြူးသွားသည်။

ဘယ်လောက်ပဲမူးနေတယ်ဆိုဆိုဆေးသမားတစ်ယောက်ကတော့ ဆေးကိုမှတ်မိနေဦးမည်မဟုတ်လား။

လှမ်းယူဖို့လုပ်တော့ထိုလူကနောက်ဘက်သို့ဆုတ်သွား၏။စိတ်ရှုပ်သလိုမျိုးငါမျက်ခုံးတွေ‌တွန့်ချိုးသွားသည်။ဘာလဲဒါက!