نجوم محرقة وليل "دامس"

بارت ١١

بقلمي انا الكاتبـــة::- بلبل

اليا خرابه تريد روحي
اليا درابين الـــحزن لهفانه تركض
إخ لو باقي اعله حزني ولا لـــگيتك
إخ بس يا إخ الـــتفض

تعليق بين الفقرات ومتابعة الحساباتي لطفاً .

الانستكرام::-ze8.h
الواتباد::-zai9_hr

♡'･ᴗ･'♡♡'･ᴗ･'♡♡'･ᴗ･'♡♡'

نجمــة ::- فزينا ثنينا ملتفتين على صوت بنية تصيح

- ليلللللل

فاتحة عيني والمحها البت الا اخذ جدتها لـيـل للمستشفى واكفه هي وبيبيتها على رصيف رافعة ايدها وتأشرلنا

بلعت ريك ودرت عيني الـيـل الابعده صافن يباوعلها
نزل ايدينا من وجـــهي وهي تسويله بايدها تعال

التفتلي جلبك ايــــده بايدي وراح بهمة وكفنا على رصيف متانين سيارات يعبرن وهي من جــــهة ثانية
فاتحة حلگها بابتسامة وتباوع علينا ...... من شاف سيارات عبرت ركضنا عابرين وكفنا كبالهن ضحكت تباوع الـيـل

- لـيـل

- هلا شلونج

هزت راسها وجها اكتسن بحمار دار عينه يباوع للحجية

- ها بيبي شلونج

- هلا بيبي هلا ، التفتت تباوع للبت وتحجي

- جدة هذا ياهو

لزمت ايــــده بيبيتها تحجي بتبسم

- هذا الولد الحجيتلج عليَ الجابج للمستشفى من وكعتي بسوك

فكت عينها شاهكه

- يا يا جده هذا انــــتَ شلونك

ابتسم لـيـل ودنك يبوس ايدها جرتها منه تحس على راسة

- يا فدوه الطولك

- شلونج شلون صحتج

- والله زينه هستونا راجعين من المستشفى كتبلي علاج وعـلى الله

- ونعم بالله

باوعتلي البنت ابتسمتلي واني مدري شبيه حاطه عيني بعينها حتى ولا بادلتها بالجذب

::- يله امشي نرجع للبيت

حجيتها وأجر بايــــده التفتلي ابتسم هستوه يريد يحجي وسبقتنه البت