مُناي يهل غيثك ويسقي جفا روحي

Part 6

تنهد الجد سعيد بضيق وجلس على عتبة الباب ، طلع سعود يدوره برا ولحسن حظه لقاها يسالف مع فارس
اخو مشاري كونه صديقه وبنفس عمره ف بيفهم عليهم
فارس ناظر لسعود المتجه نحوهم:وهذا اخوك جاء شكلنا كلنا تأخرنا عليهم ، بس نفس ماقلت لك خلك هادي
تنهد رماح:طيب يلا في أمان الله ومشكور يالفارس أتعبتك معي
فارس هز راسه بنفي:مابينا يالخوي ، راح فارس وقرب سعود له وقال:أمش جدي يبيك ومالي خلق مشاكل يارماح
مشى رماح بدون يقول شي ،
...{قبل ساعه}...
مشى رماح بغضب يطلع من البيت وصادف فارس واقف وأتجه له
فارس تقدم يسلم عليه:هلا والله ، وش قومك كذيه منعفس حالك
رماح يكتم ضيقه:مافيني شي!
فارس بحنيه:ياخوي العب على غيري مو علي انا الفارس اعرفك اكثر من نفسي
رماح تنهد بخفوت:بقولك كل الي صار وانت عطني رايك!
هز راسه بـ "تمام"..علمه بكل صار وتنهد فارس بضيق ينطق:افاا ليه يارماح تسوي كذا؟
مو عيب تمد يدك على أختك مهما يكون هذي اختك بعدين أنت الله يهديك كان قلت لها
بهدوء وهي بتقتنع وآفضل شي انك توجها وهي بتستحي من كيفها وتعرف مو كذا الله يصلحك
ترفع يدك عليها ليش هي اصغر عيالك؟ ، وجدك اكيد بيعصب وقدامه بعد تتهاشون
أنت امسك نفسك واكبح غضبك ولاعصبت اطلع لاتهاوش ولاحتى ترادد
رماح بغضب:شلون اكبح غيرتي مثلًا؟!بعدين هي على اي اساس تعاند تبي الكل يشوفها بعباتها ذي!
مسكه فارس وهو يجلسه معه على عتبه ونطق بهدوء:انت تتوقع بأسلوبك ذا تقدر تقنعها؟
بإمكانك انك تكسبها بأسلوبك وتقوله بهدوء انا ياختي اغار عليك من فتنة الرجال
وانك تكسبين ذنبهم ، غيرتك ذي مابتنفعك واذا حسيت نفسك مرره ماش استغفر ربك
ورح توضى لك وصل لك كم ركعه تهدي بالك وتريحك بس اسلوبك ذا غلط وماينفع
احنا مانقدر نكسب أحد بأسلوب التأمر محد يرضى انّ تتوجه له أوامر كلنا بنشوف نفسنا انّ
على صواب ومين هذا عشان يتحكم فينا ويأمرنا خواتك من لهم غيرك حاول تكسبهم بأسلوبك
مو تنفّرهم منك ، حس رماح بإقتناع من كلام الفارس له رفع يده يفرك مواجبه بضيق
يعترف انه غلط بس يغااااار مايقدر يتحكم بمشاعره سند راسه على كتف فارس الي بدوره
احتواه وحط يده على راس رماح يسالف له شوي عشان يغير من جوه
-
الوقت الحالي...
......•بيت الجد محمد•......
الجد بصراخ:هيا يم عدي خلصينا بيحل الليل علينا وحنا ماسرينا
طلعت الجده عبير تضحك:هيا هذاني طلعت ، السلام عليكم كيف حالك ياولدي ياسر
ياسر:وعليكم السلام بخير ياجده علامتس انتي
ضحكت الجد على اللهجه الغريبه عليها ونطقت:بخيير ياولدي جعلك بخير
ياسر:دوم يارب
الجد عبير:تدوم لحبابك يارب
تبسم ياسر وهو يساعد سلمان بعد ماقال سلمان:عز الله حل الليل وانتم تسالفون
ضحكوا كلهم وتقدموا يركبون ويحركون بسياره وحده بعد ماطلع الجد حمد وحركوا كلهم
بجيب الجد حمد ولزام بسيارته ومعه الأغراض وعلى طريقهم لمحو أهل مشاري طالعين
معهم ضحك لزام يدق بوري لمشعل وفارس الي انبتهوا له ودق مشعل بوري له يضحك معه
أستوقفهم سيار الجد محمد الي وقفت وكانت قدامهم ونطق فلاح بصراخ عشان
يسمعونه الباقين:وقفوا بننتظر الجد سعيد واهله وابو نواف واهله
......•بيت ابو نواف•......
ابو نواف بصراخ:يالله يايبه الجودد تأخرنااا ، محنا رايحين زواج اخلصوا
نزلت الجود ومعها امها:هذانا جينا وشوله الإستعجال يبو نواف الله يهديك
نواف بغضب:يمههه وش الي استعجال تإخرنا وزياده عادو بالسياره كلهم
محد حرك ينتظرونا ، طلعوا يركبون الجيب والي يسوق ابو نواف وبجنبه نواف
ووراهم ام نواف والجود ومعهم شويات اغراض
......•بيت الجد سعيد•......
دخل رماح بهدوء وخلفه سعود وقف سعود يكمل الأغراض عشان يلحقون الطريق
مع الباقين ، توجه الجد سعيد لرماح الي يساعد سعود وكان هادي مايتكلم ولا قال شي
الجد سعيد:استعجلوا ياولادي بعدين لي تفاهم معك يارماح
هز راسه بـ زين وهو عارف ليه يبيه خلصوا و ركبو كلهم بالمقدمه
كان يسوق سعود وجنبه الجد سعيد وخلف الجد سعيد رماح وجنبه أمجاد والجده عبير
وخلفهم بالضبط كان فيه ثلاث مراتب ضيقه شوي جلست فيها ريوف وسولاف ،
ناظروا للسيارت الكثيره برا تنتظرهم وهمست سولاف لريوف:كلهم ينتظرونا هههه واضح تأخرنا
ريوف بنفس الهمس:الحين تلعن جدفنا سلمى
دق سعود بوري لهم وتحركوا كلهم وكل ماتلاقت السيارات ناظروا البنات لبعضهم
من نوافذ السياره ويعطون فيسات إستهبال ويحضكون ،
......•الإسطبل•......
دخلت بغضب وهي شوي تنفجر من غيرته قالت بخبث:ماعليه إستمتعي هالكم يوم بس
وبعدها بتشوفين من نوره ، مشت تطلع للبنات وتنطق:يالله نبدا تدريب قفز الحواجز وبنشوف
تقدموا كلهم وبدو
-
خالد مسك جواله يدق على سلمان الي رد بعد ثواني
ينطق:ياليل البلشه شتبي انت بفهم!
خالد:اسكت وابلع تراب لأصنك بكف يلف وجهك للسودان
سلمان:طيب طيب تشوف
خالد بضحك:يوه صح نسيت الحب هنا ، تكفى سليم اي شي يصير علمني
سلمان نطق بدون وعي وهو نسي الي معه بالسياره:يابوي كل ضفعه وانت الحب حقتك ابلشتنا
الله يبلشك يالتيس اثقل اثقل الثقل زين
خالد:سلمانوه الله يخسك في احد معك؟
ضحك سلمان من استوعب وكلهم يناظرون ولف الجد يضحك بهدوء:عطني اياه بكلمه
سلمان:خويلدوه كلم جدي
قمط خالد يتحسب عليه بداخله(قسم لألعن جدفك) ،
الجد محمد:اي شعندك ياخالد
خالد بورطه:ولاشي بس ا.اسأل عن عـ..عنكم ايه عنكم وصلتوا ولا باقي؟
الجد محمد:عن عنكم؟
ضحك خالد:عنكم ياجدي وش عن عنكم
الجد محمد:اي واضح حتى انا اشوف كذيه ياولدي ، المهم تمطن باقي شوي ونوصل
والي بالي بالك ماعليها شي مع جدها واهلها يالله فمان الله لابتلشنا ، قفل الجد محمد الخط
وضحك خالد بورطه:صرت مفصوح اجل ههههه...تنهد تنهيده طويله وهو يفكر فيه
ووده يلمحها اذا وصل:ماعليه يابعد هالروح بس شويات وانا عندش ياخلف جداني
مشاري:لاه صدق؟
تجمد خالد وصرخ:الله ياخذ..يا الحمار تنحنح الله يهبها بين عينيك
صفقه مشاري:اقول قدامي بس بدا التدريب وبعدها تنقلع ، على طلعتهم اذن العصر
ونط خالد يسجد:ياربي لك الحمد والشكر
انصدم مشاري يضحك:يالتيس باقي وراك المغرب
خالد قام ينفض التراب:نسيت ان العصر وقته قصير؟
مشاري:دام وقته قصيره وانت عارف امش صل
راحوا يصلون ويبدون تدريب مكثف على المتدربين...
......•عند الجد حمد•......
الجد حمد:أذن العصر وقف على جنب نصلي ونكمل
فلاح بتوتر:خلنا نصليها لا وصلنا..
الجد حمد لف عليه وناظره:اقول وقف لأوريك شغلك ماتستحي انت الصلاة بدت
فلاح نطق وهو خايف من ردت فعله:ا.مانقدر البنزين بيطفى
عصب الجد حمد يخزه بعيونه وبصراخ:ايشش..وليه ماعبيته وانت تدري بنروح بس ماقول غير خلف الله على هالعقل
فلاح بهدوء:نسيت...انتم استعجلتوني ومع الربكه مادققت
الجد حمد:مهب عذر بس لنقاصة هالعقل كمل كمل طريقك وقلهم يكملون
فلاح طلع جواله يدق عليهم كلهم ويعلمهم يكملون...
....{بعد ساعات}....
وصلوا ونزلوا ينصبون الخيم بعد ماغير الجد محمد رأيه بأنهم ينامون هنا كم يوم
سلمان:عيا يندق ذا المسمار
فلاح:مخك الي يبغاله دق دقه بقوه
ضحكوا كلهم :هههههههههههههههههههه
ياسر:والله اجواءكم رهيبه
لزام شهق:ونطق الحجر!
ياسر بضحكه:شنوحك علي يابعدي حيي
ناظروا كلهم بياسر على لهجته بإستلطاف مشعل:ياعيني ياعيني وش الكلام العسل
لزام:من كثر مانه عسل مافهمته تعودت على التصفيق
ضحكوا عليه ورجع يدقدون بهالمسامير وبعد فتره خلصوا ودخلوا الحريم جوتها
واخذوا العيال سيارتهم وحوطو المكان خصوصا على الحريم عشان محد يكشفهم
-
سلمى:اخييرا برتاح
عروب بتعب:منجد إلا بنات نبي نتمشى شوي
غزل:ويين نتمشى وذول ماخلوا جزء ماغطوه بسيارتهم حسبي الله بس
ريوف بعصبيه:صدقونيي كله من رماحووه الزفت
سولاف:المهمم جوع وين الشبسات؟
وقفت الجود:بروح اجيبها مين تروح معي
وقفت ريوف وهي تبي تعاند رماح:معش انتظرينيي
غزل:انتظرنني اعجبتني الفكره
إلهام بصراخ:بناات لاتنسوون الغطاء على راسكم
سلمى بضحكه:ماسمعوك
-
ناظر فارس لرماح الي مو مرتاح وكل شوي يلف على المكان يتأكد
الجد حمد ومحمد وسعيد وابو نواف كانوا منسدحين على ظهورهم متمددين ويسالفون
الجد محمد ناظر لرماح ونطق لسعيد:اقول ياسعيد وش بلاه رماح
الجد سعيد ناظر بسرعه وضحك:ياخوي اشغلنا بغيرته وذبح عمره
الجد حمد عقد حواجبه باستغراب:ليه عسى ماشر؟
الجد سعيد:والله ان تم على حاله بيقتل نفسه من غيرته
ابو نواف:الله يصلحه
-
فارس تقذم يمسكه من كتفه:شعندك هنا
رماح:اشوف المكان ..لف يناظر لسيارة ياسر البعيد شويه ورجع يناظر
بخيمة البنات يشوف في جزئيه كبيره بنظره لازم يغطيها
فارس خبط كتفه:هيي وين رحت
رماح بتفكير:صبر...جاء بيروح عند ياسر بس مسكه فارس
الي نطق بحده:يابوي رماااح فييك؟تبي تحشرهم انت حنا طلعنا ليه
عشان نستانس ونغير من جونا وانت تبي تخنقهم بعني بالله بر من بيشوفهم
أصلًا انتو ماخليتوا مكان ماغطيتوه
رماح بغييره:اذلف عنيي يافاارسس مو رايق لك
كان فارس بيتلكم بس إنتبه للي طلعوا وتوجهوا لسيارة نواف
لف رماح للمكان الي يناظره وأحتدت نظرته برزت عروقه وشد على يده
يفلتها من فارس بعد ماشاف ريوف بينهم تقدم لها بغضب وفارس يلحقه
مسك ريوف بحده:انا وش قلت؟
ضربته ريوف بصراخ:وخررر ماللك دخلل
لفو البنات يصرخون ويتغطون وصرخ رماح على فارس:لاتقرب
تغطيي انتي بسرعه لألعن خيرش...ان شفتش برا قسم بالله أحش لش رجولش تسمعين!
دخلت ريوف جوا وهي تصيح وتقدم فارس وطلعوا الشباب يشوفون الوضع
فارس بعصبيه:انا وش قلتتت لك!!وعلى ايشش اتفقنا؟؟؟....
رماح بصراخ:وعلى اييي اساسس تطللع برا هاا؟تنثبر جوا وماتطلع
تبي شي تعلمني اجيبه لها أما تطلع ف تخسى في وجهها..!!
كانوا البنات يناظرون بصدمه ودخلوا يلحقون ريوف الي قاعده تبكي
عند الجده فاطمة:الله ياااخذه الله ياااخذه يااارب هالمتخلف
الجد فاطمه بهواش:اعووذ بالله ياابنت استغفرري هذا اخوش مهما يكون
وهو يحبش اكيد ويغار عليش
ريوف وهي تبكي:يحط غيرت بماني قايله الله لايوفقه والله ماسامحه
اخدت أمجاد ريوف على جنب وقربت سولاف وباقي البنات
أمجاد بهدوء مسحت على راس ريوف:ياقلبي لاتتضايقين أنتي تعرفين رماح
وطبعه تحاشيه وافتكي من شره
سولاف:بعدين اسحبي عليه ولاتفكرين اكيد جدي بيهاوشه
أمجاد لفت لسولاف بعصبيه:انا اهديها وانتي تبين تزيدين الطين بله
سولاف:ماقلت شي غلطط وهذا واحد يبي له علاج أصغر عياله حنا
تنهدت أمجاد:لاحول ولاقوة إلا بالله
.........
سعود أخذ رماح على جنب بسبب خناق الجد سعيد عليه
دفه على جنب:أنت وشش وضعكك؟!!!.بتعقلل ولا كيييف؟ كم مره إحذرك
لاترفع صوتك على خواتك ها!ماتسسمع انت وشهو تحسب نفسك كذيه رجال!
يوم انك ترفع صوتك على بنت
رماح بغضب:رجال وغصبً عن الكل وتستاهل على اي اساس تطلع قداممهم
وبعباتها تيييه!وتبيني ماعصب بعدد؟...
جاه الجد سعيد يقطع كلام سعود:تخسى تكون رجال وهذي اخلاقك وتعاملك مع خواتك
الدنيا ماهيب سايبه وش التخلف هذا قال غيره..هذا شك وماعندك ثقه بخواتك
.......•أبها البهيّه•......
ايمن:مدري وش نهايته معاك
حمد:اقول انقلع قال نهايته انا من اول انظف تقول ماعندكم شغاله
سلطان:وانا نظفت عندكم اكثر من مانظفت في بيتنا
رعد ضحك:لا يشيخ اقول بس اسمعوني...جاه صقر وفيصل وجلسوا
سلطان ناظر فيهم:من طوّل الغيبات جاب الغنايم..هاه وش جبتو
صقر:جبت نفسي...بعدين انت ياويلك من ابوك ليش ماترد على جوالك
سلطان فز بخرشه:يمه نسيت منه يالله واحد فيكم يوصلني!
فيصل بدهشه:ليه ماتعرف تسوق؟
سلطان بضحكه:الله ياخذ تفكيرك الا اعرف بس ابوي حلف مايشتري لي سياره
ضحكوا كلهم ونطق رعد:وليه حلف
سلطان:يقول ارواح البشر مو لعبه
انتشرت اصوات ضحك العيال ورعد دمع من كثر ضحكه سحب المنديل يمسح دموعه
فيصل:سلملي على راس ابوك قسم فاهمم عاد انت المفروض مايمسكونك سياره
صقر:أصلا من الحمار الي بيركب معك
ايمن:هذا بايع عمره والله
حمد بضحكه:شكلك ياخوك بتعجز وانت ماسقت
ايمن تبسم يغمز له:لا لا لازم يسوق عشان هيبته ماتروح قدام بعض العرب
انصدموا العيال يطالعون فيه بضحك وتنحنح سلطان يرمي علبة المنديل عليه
ويقول بضحك:احم ههه يقصد الأهل وكذا "نطق بتصريفه" الا مودكم نطلع؟
طالعوا العيال فيه وهو يحاول يصرفهم وقال ايمن:يابوي ترا كلنا واحد شدعوه يابو الأسرار
سلطان:حسبي الله عليك انت مو ناوي تسكت بس تدري؟ الشرهه مو عليك علي
انا الخبل الي يقولك أسرار
حمد:عاد مالقيت الا ايمنوه تحط اسرارك عنده الي يسمعه يقول صندوق اسرار
سلطان بقهر:لا ويقولي سرك في بير بعد
ايمن قام عليهم:حدك انت وهو عطيتكم وجه بزياده صدق ماتستحون...بعدين يابو
موضووع مهم انت من زينك انت وموضوعك تقول محد يحب الا هو
رعد رفع حاجبه يصفق:اخسس يالورع من ذي الي ابتلت فيك
صقر:المشكله يحسب إنا ماندري هو ووجهه والله اقول من زمااان وضعك
مشكوك فيه
ايمن وهو يعدل جلسته متحمسس يقولهم السالفه:عن الهذره الزاايده بتقول ولا انا اقول؟
سلطان:لاتتققولهم ولا اقوولهم انثبر الله يهبها بين عينيك
ايمن سحب عليه وهو يقولهم بحماس:تدرون ان ذا الورع يحب بنت عمه
الي حتى عمه مو معطيه وجه ولايمكن يزوجه بنته...ضحك وكمل لاا وبعد يسوي قدامها هيبه
ضحكوا العيال كلهم على سلطان وحماس ايمن بالسوالف وهذا يثبت لهم انه مايقلون
له شي ولايأمنون عنده على شي لأنه صدق ينسى نفسه بالسوالف ويحسب ان اي شي عادي يقوله
فيصل بضحك:اخسك يالورع تحب هههههه بس حلو حلو افرد عضلاتك عليها
حمد وهو يمسح دموعه:كمل كمل عليها المسكينه الله يكون بعونها
رعد:صدقني اكيد عمك بعقله يوم مازوجك اياها
سلطان وهو يقوم يسحب ايمن من رجوله يمتر فيه الصاله تحت ضحك العيال
قام ايمن يصفقه ويهج:بروح اجيب اكل مع انك ماتستاهل
.........•الإسطبل•.........
نقدم الوقت بعد كم ساعه أذن المغرب وفز خالد يتوضى ويصلي
ومشاري مستلمه طقطقه وهو يقوله بصوت عالي:صل لجل ربك مو عشان بنت
سفهه خالد يقول:وش تحسبني عاد اكيد الصلاه لله يالمهبول..كبر خالد ومعه مشاري
وصفو باقي المتدربين معهم يصلون انتهوا وطلعوا كلهم
خالد وهو يصرخ على العامل:ياحبيب قفل المربط ولاتنسى تنظفون
حبيب:طيب طيب...طلع خالد وقال مشاري:شعنده ذا منفس
خالد ركب السياره:ماعلينا منه المهم اسرع
مشاري وهو يناظره:خبل انت وش يدريني عن مكانهم
خالد:اكيد بالمكان الي ينصبون فيه الخيم تحرك بس
مشاري:اقول بس تبي تطقنا مشوار على الفاضي مانيب رايح لين تدق تسأل
خالد ضربه:الله ياخذك يالملعون علمني سلمان امش بسرعه الوقت يمشي كالسيف
إن لم تقطعه بيشق راسك
مشاري التفت بضحكه:الله يشق راس العدو يالتيس المره الجابه
تضرب امثالك على نفسك ...تحركوا يمشون للخيم وخالد شوي ويطير من السعاده
.........•الرياض•.........
نجي لمكان أول مره نزوره نتعرف عليهم
عبدالعزيز تم التعريف عنه خال عروب وسلمى وقد عرفنا ان عنده
ولدين وبنتين
زوجته سناء:حبوبه مثله وعسسل تحب الوناسه والطلعات
وتطابق زوجها بالأطباع
يزن:الكبير ومثل شخصية ابوه لكنه مهتمم مررره بدراسته
طبيب عام عمره ٢٨ سنه
رنيم:عاقله وتحب الطلعات مثل امها بالضبط الوناسه والراحه
هذول اهم شي لها استاذه فنيه عمرها ٢٦
حسان:اخبل واحد بين اخوانه مجننهم بشكللل مايرتاح الا يسوي الي براسه
بعد ماياخذ رأي الكل أخذ الثانويه وجلس بالبيت عمره ٢٢
رزان:أصغر العنقود ماترتاح لين تنابشهم كلهم تحب تسوي
اجواء بالبيت وتكره الهدوء تقراء روايات كثيير وتحب تكون كاتبه ١٨
......
عبدالعزيز:يالله اربطوا العفش نبي نسويها لهم مفاجأة
سناء بحماس:قسم بالله مشتااقه لهم كلهم وجلستهم
حسان:يالله استعجلوا بسوي مقلب بجدي هههههه
يزن بحده:اقول انثبر قال جدي تبي تاخذ قلبه انت
عبدالعزيز مسك حسان:قسم بالله لو تمقلبه ياحسانوه لأخلع ضروسك
رزان:يبه تكفى اخلعه له عشان نرتاح منه
رنيم بضحكه:ماتخيل شكله بدون اسنان ههههههههه
يزن بتقليد:ثوفوني انا حسانوه
ضحكوا كلهم ونطق حسان بسخافه:سامج وماتضحك انت
والأبقار الي معك
فز يهرب من قامت رنيم ورزان عليه
.........•أبها البهيّه•.........
دخل أيمن وبيده الفطور ضحك من شاف فيصل ورعد وقال:يالله ان تحييهم
ضحكوا العيال ونطق صقر:الي يسمعك قبل شوي ماكنت جالس معهم
أيمن:اصه...هيا بروح اسوي الفطور والشاهي اجلسوا
مشى وراه سلطان وهو يقول:وانا بساعدك
وقفهم صوت رعد الي قام:بالعافيه عليكم انا لازم امشي
فيصل:وين تونا
رعد:ناسي ياذكي انهم اتصلوا علي يبوني اجي بسرعه
أيمن:طيب بس كُل لك لو لقمه
رعد وهو يطلع:مقدر والله باخذ لي على الطريق قهوه
أيمن:قهوه مابتسوي لك شي
سلطان:خذ لك شاهي حليب على الأقل
رعد:ان شاء الله يلا توصون على شي؟.
العيال بصوت واحد:سلامتك...طلع رعد وهو مصدع مرره وقف له على الطريق واخذ شاهي حليب وحرك
وصل ودخل وهو يسلم على الجميع قابل بالممر طارق والي كان أعز خوي له:هلا والله ههههه
طارق وهو يضحك:مابغينا نشوفك وين افلحت يامسلم
ضحك رعد معه:ممداني ارتاح وأنت الصادق
دخلوا مكتبهم واخذتهم السوالف جاء واحد من الرجال دق التحيه وقال:ابو صابر يبغاك ضروري
راح رعد معه دق الباب
ابو صابر:ادخل
دخل رعد والقى التحيه وقال:طال عمرك قلت تبيني
ابو صابر:ايوه أجلس يارعد...جلس رعد وهو متوتر
لاحظ ابو صابو توتره ونطق:مدري وش اقولك بس..سكت
وخاف رعد:بس وش!
ابو صابر:هد انت اول،الموضوع يتعلق بخويك خالد
خاف رعد أكثر ونطق بأستعجال:وش به!!