يآقوتَ محطمَ

مقتطف 🦋

-مرتي شسوين هنا بهاذا الوقت

ماعرف شحجي الخوف مسيطر عليه لساني نبلع الحجي ضاع مني رجع حجه بصيغه امر

-صعدي فوگ

-لاتفـ.تفهم غلـ..

-كلامي ماكرره مرتين يييلا

مشيت رجليه صارن خيوط صعدت الدرج اركض مرعوبه دخلت الغرفه وسديت الباب بقيت اروح وارجع بالغرفه شمرت الحجاب ؏الجربايه مختنگه شاسوي يارب ساعدني اكيد مراح يسكت امداني امداني هسه لى اروحله تقدمت للمرايه احجي وي روحي

-انسي لازم تنسينه هسه انتي مزوجه حتلو مو علموده علمود ربج حطي الله بين عيونج لدسوينه حرام

طفرت اباوع للباب ندفع بقوه شفته كدامي عيونه راح يطكن من كثر العصبيه تجمعت العبره ببلعومي حرك رگبته مرتين وتقدم عليه لزمني من كتفي حجه بعصبيه مكتومه

-شنو جنتي اسويين وي قندره

-مـ..ما. ماسوي مـ.

-احجيييي

-كتلك ماسوي شي بس بـ..

-بس شنو ها بس شنووو س**** مزوجه وبنصاص اليالي تتختلين وي حبيب الگلبب

حجيت بغصع الدموع تجمعت بعيوني كتفي من قوه الزمه ردن البدله راح يتمزق

-مامتختله بـ.بس راد مني شغله وصاحني و.وورحتله

-هههه وتردين اصدكج، لازم ايدج مخليها ؏خده ويحاجيج بغزل وماسويتو شي الله يعلممم شنو سوييتو قبل لا اجييي بس اناا اعررف شلوون احاسبه

-لا تاذيه ماسـ..

ماكملت كلامي صفعني بقوه رجع سحبني من شعري فروا راسي تگطعته بأيده

-وخايفه عليه بعدددد خايييفه عليييه

شمرني بالكاع نزلت دموعي بحراره زفرت نفس مختنگه مسحت دموعي باوعتله راح سحب باكيت الجگاير طلع جگاره ورثها واجه عليه عدلت گعدتي خايفه شنو حيسوي لزم ايديه طبگته بقوه ابجي بس هياته اقلب قوته فتحه اصبع اصبع احجه بعصبيه مبطنه بستهزاء

-اذا رجعتي تحبينه مو

حجيت بحقد ماعرف شلون طلع مني هذا الكلامه ردت استفزه متجاهله الوحش لگدامي

-مانسيته حتى ارجع احبه

ضربني كف بقوه رجع ضربني اقوه وي كل ضربه عيوني يغوشن رجع سحب ايدي مثبت الجكاره بيها صرخت بعلو صوتي متوجعه لتفتنا ثنينا؏دفرت الباب كام هوا عني يضحك برعب كمت ابجي بهدوء ناسيه وجع ايدي شجابك اكيد مراح يخلي بيه روح 

حجه بشر

-اهلا وسهلا بالعاشق الولهان
_________
المشهد 4

اجه عليه ضربني دماني يضرب ويحجي واني بكل عين صلفه ارادد اكره اسكت اذا احد احجه وياي بطريقه غير محترمه حتى اذا كان ابوي

صاح بصوت رج البيت-تقبليييين وغصبب ما عليييج صرتييي عجوووز زين من اجهه وخطبججج ضاااله عله على كلببببي

-مااااقبل لوووتموتون ماااقبل شلووون اقبببل بيه رجااال ماعرفه ولا يعرفنييي

-ومننن شووكت عندددنه البنننت تتعرف على الزلممممه قبل لا تزوج

-بيااا زمن عايشين ماتكليي الله يخليك ويحفظك ابويه انت والله ماكدر ماكدر اوافق

اجه عليه اخوي سالم لزمني من شعري يحجي بحقد ماعرف ليش هيج يكرهوني

-توافقين وانتي مثل الحبابه فهمتييب لو لااا رجال زين وبخت عنددد فلوووس يكدرر يحكم بيهااا العراق

-هي هاي التردوها الفلوس الفلوس عاميه على عيونكم

ضربني كف وحجه اخووج الجبيير احترميي لا بالقنددره توافقين غصب ماعلييج خوش لو مو خوش شفايتلج ويجي هيج واحدد يخطببج

-ماوقبل جنازتي تطلع من هذا البيت ولا عرس هسه

اجه عليه موتني وهءا كله محد تدخل ابوي وامي واخوتي واكفين مشاهدين فقدت ماحسه بشي
________
المشهد 5

كاعده بالغرفه ابجي ماكدر انساه وين راح اتصل عليه مايرد ادز رساىل ماكو هم ميرد
دخلت عليه زمرد بس هيه بهذا البيت حبابه وياي كعدت يمي تحجي بهدوء

-ليش ماتوافقين

-لا تفتحين الموضوع اذا تردين تحجين بيه اطلعي برا احسن

-وافقي احسن لج انتي محد ربحان غيرج صدكيني رجال حلو مرتب ومكانيته زين

-ماريد فلوس ماريد اريد حبيب كلبي وج اعشكه ماكدر

-ووين هوا حبيب كلبج ها وين راح مايرجع اهرب مثل الفرار شبيج ياقوته اصحي على زمانج

دخل اخويه اجه عليه بدون مقدمات لزم شعري يحجي اجو العالم تكومين اغصب عليج تتزوجين منه

باوعت لزمرد عيونه يحجن شكد مقهوره عليه

حجيت بهدوء تمام ابدل واجي

باوعلي مصدومين وافقت بسرعه مايدرون شراح اسوي
_________

رئيكم بالمقتطفات 🦋
تفاعلو ؏القصه حتى اذا صعد المقتطف انزل البارت الاول بسرع وقت

لاتنسون التصويت وتعليق بين الفقرات لطفا 🌷