Caela.

This is the day!

Ngayon na ang simula ng pasukan at sobrang kinakabahan na ako. Excited din sa kung anong maaaring maging buhay ko dito sa academy.

Kasalukuyan akong nagbibihis at nag-aayos ng sarili. Maganda ang uniform nila. Color silver ito na long sleeves na tinernohan ng paldang two-inches above the knee ang haba.

Hinayaan ko na lang na nakalugay ang aking buhok at pagkatapos ay nilagyan ko ng hairclip sa gilid upang hindi ito tumabon sa mukha ko.

At oo. Tinanggal ko na ang salamin na suot ko kaya medyo naninibago pa ako. Hindi ako sanay na makikita ng ibang tao na walang suot na salamin. Hindi naman kasi talaga malabo ang mata ko ngunit iyon na ang bagay na nakasanayan ko.

Hindi rin naman talaga manang style ang mga pormahan ko dati bago ako pumasok sa Southwood. Marunong naman akong mag-ayos ng sarili ko kaso mas pinili ko pa rin na ipagpatuloy iyon. Parang way ko na rin para maitago ang sarili ko. Pero ngayon, ayaw ko ng ilayo ang sarili ko sa mundong ito, kung saan nararamdaman kong kabilang ako.

"Caela! Bilisan mo diyan kung ayaw mong malate tayo." Sigaw ni Michie kung kaya't nagmadali na ako sa pag-aayos ng sarili. Nauna na rin palang bumangon si Dindin at kanina pang nasa ibaba.

"Oo andiyan na, bababa na." Sigaw ko rin pabalik sa kaniya dahil hindi niya ako maririnig kung parang pipit ang boses ko.

Mabilis kong kinuha ang bag na nasa kama ko at nagmamadaling bumaba para hindi na sila maghintay pa sa akin. Nakakahiya naman kung masyado akong pa-vip.

Nasa huling baitang na ako ng hagdan nang magulat ako sa sigaw nina Sophia at Dindin.

"WAAAH!" pakiramdam ko puputok ang eardrums ko sa sobrang lakas ng sigaw nila sa hindi ko malamang dahilan.

Nagmamadali namang lumapit si Michie sa amin para tingnan kung ano ang nangyayari. Hindi ko rin alam kung bakit tatlo na silang sumisigaw ngayon. 'Yung totoo ano nangyayari sa mga to?

"Bakit ba kayo sumisigaw diyan? Para kayong timang, nakakagulat pa kayo. Ano ba ang problema?" sunod-sunod na tanong ko sa kanila dahil sa aming apat ako ang natatanging clueless sa mga nangyayari.

Nakaturo lang sila sa akin at nakanganga. Lumingon pa ako sa aking likod para lang tingnan kung ako ba ang tinutukoy nila.

"Hoy! Ano ba kayo? Para kayong namaligno."

"H-hindi kami namaligno." Parang wala sa sariling ani ni Michie.

"I... c-can't believe this." Saad naman ni Sophia habang nakatulala sa akin.

"Why so beautiful my dear sissy?" Michie said with matching hand gestures pa.

Namula naman ang pisngi ko dahil doon. Hindi ako sanay na sinasabihan ng maganda dahil kabaliktaran ang nakukuha ko mula sa mga kaklase ko sa former school ko.

"Ate Caela, ang ganda mo po. You look like a goddess. Lalo kang gumanda noong nawala ang salamin mo. I want to look like you na, when I grow up po." Ani naman ni Dindin habang magkasiklop ang dalawang palad.

Ang daldal talaga ng batang 'to parang laging nakalunok ng baterya. 

"Ang oa niyo rin no? Para nagtanggal lang ng salamin, maganda na agad? Wala akong piso dito sa bulsa ko." Natatawang ani ko para pagtakpan ang hiyang nararamdaman ko.

"Anong gagawin sa piso?" sabay-sabay na sagot nilang tatlo na lalong ikinasakit ng ulo ko.

Hindi ko na ipinaliwanag dahil hahaba lang lalo ang usapan namin at baka kung saang planeta pa makarating ang pinag-uusapan namin.

"Tara na nga. Akala ko ba malalate na tayo kaya pinagmamadali ninyo ako?"

"Hindi pa rin talaga ako maka-move on. Hay! Mas maganda ka na sa akin girl. Huhuhu." Napatawa na lang ako dahil sa sinabi ni Sophia. Napakamaloko pala nilang tatlo.

Nagsimula na kami sa paglalakad papunta sa aming room. Malaki pala talaga ang Mystique Academy at natour na nga rin pala ako noong dalawa kaya hindi na 'siguro' ako maliligaw dito.

Humiwalay ng way sa amin si Dindin, kasi elementary pa lang ang batang iyon. Sa kabilang building ang room nila, opposite side lang ng college building.

Nagulat nga ako, elementary pa lang pala siya dahil akala ko highschool na. Kung mag-isip kasi daig pa ang matanda.

Ang MA ay katulad lang din ng mga school sa mortal world, meron din silang elementary, highschool at college. Ang kaibahan nga lang, about sa powers ang tinuturo nila dito. May combat training din daw at iyon ang P.E. namin. Masyado rin itong malaki kumpara sa mga ordinaryong eskwelahan. Hindi na ako magugulat kung may makikita man akong palutang-lutang na bagay sa paligid dahil hindi naman ordinaryo itong pinapasukan ko.

Nakakatuwang hindi lang naman pala ako ang nag-iisang ganito sa mundo. Marami naman pala kaming biniyayaan ng kakaibang kapangyarihan.

Naglalakad na kami sa hallway at madami na rin ang mga estudyanteng nakakasalubong namin. May mga grupong nakakalat sa corridor. Iba-ibang bagong mukha ang aking nakikita. Nakakaaliw!

Kung malaki tingnan sa labas ang academy ay mas malaki pa pala ito kapag nasa loob ka na. 

Ang pinagtataka ko lang ay bakit halos lahat sila ay sa amin nakatingin? Pangit ba ang mga suot namin? Samantalang magkakatulad lang naman ang uniform na aming suot. Ang pinagkaiba lang ng mga ito ay kulay.

Silver sa aming mga nasa Mediocris Section. Sa Imus section naman ay black at sa Superius ay gold. Pero wala pa akong nakikitang naka-gold na uniform. Ay hayaan ko na nga lang sila!

Nagpatuloy na kami sa paglalakad at hindi na lang pinansin ang mga estudyante na kung makatingin sa amin ay parang tutunawin ka. Nasa kanan ko si Michie habang nakakawit ang mga kamay sa braso ko at ganoon din si Sophia na nasa kabilang side ko naman.

Lilingunin ko na sana si Michie upang itanong sa kaniya kung bakit ganoon ang mga estudyante dito, nang biglang tumama ako sa isang bagay.

Nakarinig ako ng mahihinang pagsinghap sa aking paligid na siyang ikinakaba ko. Itinuon ko ang paningin ko sa isang bagay – no tao, na nabangga ko na ngayon ay binibigyan ako ng masasamang tingin. Napakapit ako sa braso ni Michie. Oh gosh!

Lord, please guide me po. Ayaw kong mapaaway sa unang araw ng klase ko!

Princess of the Mystique KingdomBasahin ang storyang ito ng LIBRE!