ذراري الهجرس

الفصل الخامس والعشرون

الفصل الخامس والعشرون ......

كن أماني
كن اطمئناني
كن غايتي
كن وسيلتي
كن حبي
كن دربي
كن كل شيء لي
أغنك عن الدنيا ومابها بحبي

واجينا على البارتات الي احبهن والكل راح يحبهن ❤️😔 سوو تصويت ومتابعة اعزائي وقرائة ممتعة

*********************************

إيلاف.......

الروح عزيزة شكد ماكلنا منخاف من الموت
الروح عزيزة شكد ماعانينا وردنا الخلاص
الروح عزيزة على الإنسان حتى لو يعيش دهر
الروح عزيزة لو شاف كدامه الموت

جنت اشوفهم يذبون عليه نفط وانتظر واحد بي ضمير منهم اشواق عمتي اخت هادي الي هنا محد اجه ومحد طلع رغم صياحي واستنجادي بيهم ماطلعو وهادي ماكو بل بيت أوس وعلي مايعرفون بلي يصير

فكري يم زوجي الي مايعرف بجريمة مرتكبيها اهله
فكري يم جهالي الي راح يتيتمون مره ثانية هاي المره مراح ارجعلهم ولا راح اشوفهم من يكبرون

أحاسيس تتضارب بداخلي مااريد اموت مااريد اتخلى عنهم مااريد تنتهي حياتي بهل الشكل ويعيرون جهالي وراها بيه اني اريد اصيرلهم شخص يفخرون بي مو ينزلون راسهم من يجيبون طاريي مااريد اصير مثل امي مااريد اطفال يخجلون مني

ربي انت فوكنا وتشوفهم ربي نجني مااريد اموت بهل الشكل ربي انت ارحم الراحمين انقذني ربي انقذني قتلو نفس بدون ذنب خلصني من ايدهم علمود اطفالي وأهلي يارب انت رحمن يارب

تذكرت مرة ابويه كلي رددي هاي الاية اذا ردتي حاجة (أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ)
صرت ارددها مره مرتين مع العلم من الخوف مااتذكر الا نصها لو اصلا مااتذكرها بس ضليت اردد بكلبي يامجيب المضطر

حجه فاقد : جيبلي جداحه

نزلت دموعي وصرت اردد الآية اكثر وروحي كاعد تطلع كبل لا يحركوها همه

مر فترة وسليل بعدها مراجعة حجه وياي فاقد : حظج كاعد لاخر لحظة تدرين

عافني وراد يروح بس صار صوت صياح فز فاقد وكال : منو الي اجه

راد يطفر من الحايط بس انلزم رفعت عيوني جان علي الأكبر مدري اضحك مدري ابجي بشوفته صار يتعارك هو وفاقد بس هو جان اضخم واقوه منه خفت على اخوي لا يسوون بي شي بس اجه صوت من جوه عرفته لمحمد وسرمد

طبو اول ماشافوني اتصنمو انتفض سرمد من صدمته وصاح على فاقد : ولك شسويت *** شسويت الله يلعنك دنيا واخره انت ومرتك ولكم شسويتو علي ودي اختك على الأكبر راح تموت عوف هذا هسه

علي الأكبر : والله لاكتلك بيدي

سرمد : عوفه علي الأكبر وودي اختك راح تموت