ياوطن قلبي

Part2

بمكان جديد
لميس : رفيففف وين جوالييي
رفيف: ياخي وش دراني جوالك
وسن : ياغبيه تركتي على المغاسل حقت الرجال يوم تصورين
لميس بستوعب: ياربييي فيه ناسس عن جدييي كيف
رفيف: امشي معليك
لميس لفت لـ وسن: شوفي ذا المريضه تبين نروح لحمامات الرجال
وسن بعدم مباله : وش بيصير مثلا بيطلع لك ولد عمك على اساس تتغطين منهم امشي لا افقع عينك وبعدين الي عند جدي ٢ بس
لميس: تهقين مافيه احد
وسن : اييي امشي بس
لميس : اجل شوركم وهداية الله
طلعو وكان الباب الثاني حق المطبخ قريب من حمامات الرجال
وسن: يلاا ليمسييي يروحي
رفيف : ننتظرك هنا
طلعت لميس دخلت اخذت جوالها شافت جوال ثاني جاها فضول تعرف ليمن تحسبه لواحد من عيال خوالها ولا خالاتها لفت على فتح الباب والجوال بيدها طلع نواف وانصدم من الجمال الي قدامه تنح شوي وهي انصدمت انها ما تعرف الي طلع وانه ضيف عندهم نطت تتخب وراه يوم سمعت صوت واحد من اخوانه وقالت بصوت خايف : خبني والله ان يذبحوني لو شافون معك بيفهمون غلط سحبها ودخلها جوء واحد من الحمامات وسكره على اساس توه طالع تكلم مع تركي
تركي : ارحب ما عرفتنا على اسمك
ابتسم نواف بخوف: هاه اسمي نواف
تركي ابتسم ونطق : وانا تركي امش نجلس معهم
ابتسم نواف : دقايق واجي اغسل واجيكم
ابتسم تركي باحراج : تمام انتظرك بروح والحقني
نواف: تمامم
راح تركي ونواف جلس يسوي نفسه يغسل يوم شافه طلع ودخل المجلس نطق بصوت خفيف هيه اطلعي اوصلك
طلعت وهي خايفه اول مره بحياته تنحط بذا الموقف
طلعت وتنح فيه شوي كانت جميلله شعرها الاسود يغطي ضهرها وعيونه الوسيعه تخلي يتخدر قرب بدون وعي وقال بعد ما استوعب نفسه امشي بسرعه طلعها من الحمام وشافها تدخل وجلس يدور بالحوش شوي

لميس دخلت على البنات وهي دايخه من الخوف من جمال الشخص الي شافته تتنفس بصعوبه : يبنات حسبي الله على بليسه يجنن اخخ
رفيف بلخمه وضحك : منهوو ههههههههههه
رفعت يدها ترويهم جوالها ونطقت: جبتها
وسن بتعجب : بس ذا مو جوالك
لميس : هاه يمه جوال الحلووو
وسن بضحك : ياخفيفهه ههههههههههه
بنسبه لرفيف ميته ضحك
لميس : يمه بنات وش اسويييي
رفيف بعد ما هديت من ضحكه الهستيري : اشوف بشوف خلفيتها

كانت خلفيته صورته مع سطام وهم راكبين خيل
رفيف بصدمه: يخراشييي هذا ليه حلو كذا
وسن سحبت الجوال : عااااد جدا انت مبالغين
وسحبت الجوال بالغلط وفتح ضحكت بسخريه : ليه مو حاط رمزز هههههههه
سحبته لميس وشافت رسايل كثير ومكالمات من اسماء كثيره بس لفت انتبهه اسم وهي تحوس رن مكتوب ( سطسط العضيد💙).
خافت بعدين ترددت بعدها جت رساله ياملقوفه رجعي جوالي
ضحكتت وردت عليه : كيفف اعطيك
نواف : مدري تصرفي
لميس : متى بتمشي انت
نواف: مدري
لميس ارسلت ضحكهه : ياخي الاسم يضحك سطسط
ابتسم نواف : اقول بلا لقافه ولا تردين على احدد تكفين
استغربت من رقم يدق ويرسل كان باسم ( الدحمي) ارسلت: فيه رقم يدق وريرسل مزعج
نواف بعد تفكيير ارسل: ردي عليه وقولي انا لقيت هاذا الجوال طايح واذا قال وين قولي سوق ب حائل
استغربت منه ليه يقول كذا وارسلت : تمام