ذراري الهجرس

الفصل الرابع والعشرون

الفصل الرابع والعشرون .....

غربة وما للغريب الا التضرع
ساكن في وسط الوحشة
مغمض عيني أملا برب العباد
فأنا التي أصبحت غريبة الاهل والاحباب
مالي لا التحق بك يا أمي
فقد ضاق بيه الأمر حتى أصبحت الحياة مثل يوما سيئ يمر على مسامعي بدون الون السعادة التي نسجتها في حياتي

ترانيم

طبعا اعتذر على التأخير بس حاليا اني بزيارة ونزلتلكم اول ماحصلت نت صوتوا للبارت وانطوني رأيكم بي ❤️🙂

*********************************

طيره........

وسط أصوات العائلة وضجيج الحياة العادية ومع الأجواء الطبيعية اغمضت عيني هذه لست انا وهذه ليست حياتي
أريدهما
أحتاجهما
هما حياتي
هما عائلتي
هما كل الدنيا بنسبة لي
حتى وان كنا غريبين
حتى وان كان على خلاف الطبيعة
حتى وان كان مجنون بين العاقلين
لكنه أبي
أماني
روحي
سندي
ومكاني الدافئ الذي اختبئ به من سقم الدنيا وقسوتها

تنهدت لازمه راسي من الهوسة الي فوك راسي ولزمت جاكيت الي كاعد يمي هامسه اله : ليش جبتني هنا

بحر : مااريد مشاكل نكعد شوي ونرجع لبيتنا

: طلعني من هنا راسي راح من الضجة ادري شماعية خوما شماعية كل دقيقة وحده صايحة على جهالها وذاك يصيح جيبو جاي كون زقنبوت عليكم كلكم  

بحر : طيرره

رجعت راسي للتخم صافنة فجأة وحده منهن كالت : شسمج يحلوة

: ترانيم

رجعت حجت : هاي بنت شفع الثانية

ردت عليها مره ثانية : اي خيه بنته الثانية

كالت المره : تشبه حيل نفس الملامح والشكل

اجه صوت ام بحر من يمها : اي اني من شفتها راسا عرفت بنته نفس الملامح

ضحكت المره وكالت : نفس الجمال شرايج ازوجج لابني

: باب الطلب مسدود حاليا من يرجع ابوي عود اوكفوا كدامه وتعالو طلبوني

حجه بحر من يمي بصوت حاد : عمه ابنج خلي يدور مره ثانية ترانيم تخصني ومحد اله حق حتى يباوع عليها مو يخطبها

حجت المره بتوتر : مرايديها يابه الله يحفظكم لبعض

كلت بصوت ناصي نوعا ما : اذا تريد افشلك كدام كل هل الخلق كولها مره ثانية و ميحتاج تتعصب عندي لسان بلا زحمه عليك

بحر : سكتي

: لا تتجاوز حدك تحميني هنا اكثر من هذا اشوفك شفع شمربي

سكتت تجنبا للمشاكل بس الي كتلني هاي ام بحر البطرانة كل دقيقة بين الحجي والثاني تكول : العشق يعمي خيه يعوف الذهب ويروح على التراب ماتدرين شلون يفكرون الشباب