ذراري الهجرس

البارت الثالث والعشرون

بارت ثالث وعشرون.......

وجان ارجع فستقات ان شاء الله انتو بخير قبل لا تقرون صوتو وعلقوا اشوف رأيكم بل بارت 🙂❤️
*********************************
فجر دامي..
وشمس ذو لون قاني..
ريح عاتية..
تهب على اجساد خائفة..
اتية بكل داء ودمار..
على أعتاب موت محتم..
أقف بكل عزيمة..
هل هذه النهاية ام طريق البداية..
إلى مصيبة جديدة! .....

انتظر لحظة موتي بكل صبر لكن الخوف من الألم يرعبني مع صوت أبي الهادر بكل جوراحه لينقذ ماتبقى من عائلته

بهل الحجي اجه صوت رمي و صاح الي فوك راسي : شسويت طوفان

شفع : الي مراح تتخيله

صوت ركض اجه وحجه شفع : طيره انتبهي لاخوج من تطلعين امانه بركبتج ونفله لا تخلين اهلها يوصلولها طيره انتبهو لنفسكم بنيتي انتي

طيره : ليش تحجي هيج

شفع : اذا رجعت اوعدج اعالجج مااعوفج انتو روحي من هاي الدنيا بسببكم عشت لحد هسه ترانيم وعقيق وطوفان انتو جواهري الي ماافرط بيها انتبهي لنفسج والهم

بجيت وكلت : لا تحجي هيج كوم طلعنا من هنا مو كلت اطلعج كوم منو ينقذنا لو ماتطلع انت

رجع انفتح الباب واني راسا تراجعت للجهه الي يجي منه صوت شفع

حجه شفع : جبار بسرعه طلعهم من هنا

حسيت بجبار اجه يفك ايدي ويسب : مقيدها من وين اطلعها طوفان

شفع : جبار طلعها لو صارلهم شي ماتسلمون من ايدي كلكم والله لاسوي بيكم شي ماتتخيلو

رجع يحاول واحس بيده ترجف من رخت ايدي كال : طوفان تقدم حتى افكك

شفع : ماتكدر أخذها واطلع

طيره : مااطلع خلي يفكك وطلعنا اني شلون اطلع ويا لا تذبني للنار بيدك

شفع : حبيبتي طيرتي مااكدر حتى لو فكني مااكدر امشي اطلعوا واوعدج ارجعلج

هزيت راسي بقوه احاول افك نفسي من ايد جبار : جذاب يكتلوك هذا يكتلك مايبقي عليك

شفع : وداعه عيون امج مايصير شي الي مدام يريدون مني شغلة ما يكتلوني بس اطلعو من هنا بعد محد يكدر يلوي ذراعي فدوه رحتلكم يلا جبار هسه يجي

اخذ جبار الطفل من ايدي وجرني ورا بزور اريد اصيح بي اخاف يسمعونا وننكتل اجه صوت باب وطببنا جبار لمكان كال : هنا اخليكم لحد مااكدر اطلعكم انتبهي لا يطلعلكم صوت

طيره : واذا كام الطفل شسوي

جبار : مايكوم اكيد منطي شي حتى ينام واني ماابقيكم هواي بس خل ينشغلون بشفع اطلعكم

رجفت من كال هذا : يعني يسووله شي

جبار : لا مايسوون بس انتي انتبهي هنا اذا انلزمنا مانطلع بنفس الثانية يكتلونا