អ្នកស្រីគីមនៅចំណាយពេលយ៉ាងយូរសម្លឹងមុខស្រគត់ស្រគំគួរឲ្យអាណិតរបស់កូនប្រុស។ យូរៗម្តងគាត់គក់ទ្រូងដើម្បីកុំឲ្យស្ទះខ្យល់ដង្ហើម គាត់មិនចង់បង្ហាញសកម្មភាពទាំងនេះឲ្យអ្នកឯទៀតបានដឹងពីទំហំនៃក្តីស្រឡាញ់របស់ម្តាយចំពោះកូនឡើយ។ ស្ត្រីចំណាស់សម្លឹងកូនប្រុសឥតព្រិចភ្នែកដល់ថ្នាក់ពេលវេលាខ្លះសើចចេញមកដូចមនុស្សវិកលចរិត ហើយក៏មានទាំងទប់ចិត្តមិនបានស្ទុះទៅឱបកូនក៏មាន។
. . . .
«បង! អូនបារម្ភណាស់ខ្លាចថាជីមីនមានរឿងអ្វី អូនចង់ទៅមើលគេណាស់» ហូប៊ីនិយាយទៅកាន់ថេយ៉ុង
«អូនអត់ទ្រាំសិនទៅហូប៊ី! អ្វីៗនឹងប្រសើរឡើងវិញបងសន្យា នៅពេលណាដែលទទួលបានការអនុញ្ញាតពីលោកប៉ាយើងច្បាស់ជាអាចទៅមើលជីមីនបានហើយ» ថេយ៉ុងនិយាយលួងលោមក្មេងប្រុសកម្សត់ក្នុងដៃដោយដាក់គេឲ្យផ្អែកស្មានាយ ក៏ព្រោះតែពួកគេជាមិត្តស្និតស្នាលទើបនាយមិនចង់ឃើញហូប៊ីខូចចិត្តហើយម៉្យាងពួកគេនៅមិនទាន់អាចទៅមើលជីមីនបាននៅឡើយទេ។
«អូនស្តាប់តាមបង!» ហូប៊ីផ្អែកស្មានាយហើយញញឹមស្រាលៗបង្ហាញការជឿជាក់យ៉ាងពេញទំហឹងលើនាយកម្លោះ
«ថេយ៉ុងហ៎ា!» បានមួយស្របក់ហូប៊ីក៏ពោលហៅនាយកម្លោះដោយសំឡេងស្រទាន់ទាំងភ្នែកនៅតែបន្តសម្លឹងមើលទៅកាន់ព្រះចន្ទដដែល។
«ហ្ហឹម?» នាយគ្រហឹមនឹងបំពង់កបង្ហាញថាកំពុងចាំស្តាប់នូវអ្វីដែលហូប៊ីចង់និយាយណាស់
«តើបងជឿលើរឿងនោះទេ?»
«រឿងនោះ? រឿងណាទៅ?» នាយបញ្ជាក់
«គឺរឿងលោកយាយវ៉ាងម្នាក់នោះ តើជីមីនអាចកើតអ្វីទេ?»
«បងមិនច្បាស់! ក៏ប៉ុន្តែបងជឿថាប្អូនបងរឹងមាំគេច្បាស់ជាអាចប្រឈមនឹងជំងឺបាន» នាយដាក់សង្ឃឹមមុតមាំទៅលើជីមីនទាំងស្រុងទាំងកាយនិងចិត្ត ទទួលស្គាល់ថាពេលវេលានៃការផ្លាស់ប្តូរព្រលឹងកន្លងមកបានបង្រៀននាយច្រើនណាស់ហើយធ្វើឲ្យនាយក្លាយជាមនុស្សថ្មីដែលចេះគិតពិចារណាបានច្រើន ចេះលើកទឹកចិត្ត ចេះសព្វចេះគ្រប់។
YOU ARE READING
I'll Change For You (ចប់)
Romanceកើតក្នុងត្រកូលអ្នកក្រប៉ុន្តែទេវតាចាត់ទុកថាមិនអាក្រក់ចំពោះគេទៅចុះធ្វើឲ្យគេប្តូរទៅជាកូនអ្នកមានមួយរំពេច ប៉ុន្តែវាជាអភូតហេតុប្តូរវិញ្ញាណទៅវិញ។ រស់នៅជាមួយរាងកាយអ្នកដទៃអស់ពេលទៅដល់6ខែដែលជាបណ្តាសាតើអាចទៅជាយ៉ាងណា? Jungkook Top & Jimin btt Taehyung Top & Hobi...
ភាគបញ្ចប់: សងគេវិញមក
Start from the beginning
