أنتقام غضــب

البارت 11

-تخبللتي انتي تخبلتتي تردين تموتيين ليييش تنتحريين ليش كوون صااايرللج شي ها شأسوي انااا شاسوييي

حجيت واني اباوع بعيونه لاكثر شي اكرهنن

-وليش هيج خايف عليه

مثل الادرك الوضع تحمح وحجه بعصبيه

-ماخاايف ماخااايف اصلا انتي منوو حتى اخاااف علييها انتيي مجردد أله استدرج بييها وليييد لا أكثر ولا أقل

دموعي تنزل بهدوء مميت روحي باهته گلبي ممرود عبالك واحد لازمه وديعصر بيه متت النفس ضاگ بصدري كمت اشهگ بروح رايحه
مستسلمه للحياة الحقيره أيست من النجاة أيست من احد يجي ينقذني سلمت أمري لربً رحيم..

دفعت ايده عني بهدوء دخلت جوا البطانيه متناسيه وجع أيدي لبدء المخدر يخف منها متناسيه العالم كله اريد بس انام مرتاحه يوم من الأيام اريد انام واني مطمنه واني بأمان أگعد ألصبح ألگه أهلي

اگعد على صوت أحلام على عياط ابويه على مداهرة ياسمين وشقه ياسر اريد يرجع الوقت وأگعد على ايدين دافيه تحاوط وجهي ايدين ناعمه تمسد عالراسي صوتها المريح وهي تگلي-كومي شوشو وراج مدرسه

اريد ارجع لحياتي القديمه لحياتي لقبل لا اروح لأبو الحانوت لحياتي القبل لا تندعم ترف تعبت لساني تعب هلگد مادعيت بس ماأيأس من رحمت ربي ولا راح أيأس

غمضت عيوني اريد ارجع انام غمضت واني اتمنى أگعد وألگه روحي ببيت أهلي اتمنى يطلع كل هذا كابوس مرعب..اتمنى انام وماگعد بعد..

غفيت بدون ماحس

ماگعدت غير على ايد تتخلل بشعري احس بأيد تتلمس بخدي بعدين نزلت على رگبتي نطبعت بوسه قريب لأذني رجعت غفيت شوي وفزييت خايفه عبالي صدك اباوع محد بالغرفه بس اني لعد شنو ديصير وياي

حسيت بأحد يبوسني استغفرالله استغفرالله اكيد حلم.. باوعت لأيدي البيها كانيولا مكانه صاير ازرق لن نايمه عليها وتوجعني هستوني تحركت اريد اگوم ودخل بأيده صينيه

اجه گعد گدامي وخل الصينيه گدامي اباوعله كباب مشوي وسلاطه وگلاص حليب مانطيته أي رد فعل بمجرد بعدت الغطا عني وگمت امشي بخطوات هادئه راسي بعده دايخ

غضب-وين رايحه

مارديت عليه طلعت للحمام دخلت غسلت أباوع للمرايه مكسره باقيه كم قطعه عالحايط معلگه
ركزت بوجهي ضعفان عيوني ذبلانه تنهدت بضيق. وطلعت

رجعت للغرفه لگيته گاعد على صفحه ويدخن والصينيه بمكانها رفع راسه يباوعلي بهدوء والجكاره بحلگه رحت على الفراش بعدت الصينيه عني ودخلت جوا البطانيه